ದೇವಸ್ಥಾನಕ್ಕೆ ಈ ತರಹ ಬಟ್ಟೆ ತೊಟ್ಟು ಬರ್ತಾರಾ: ಅಜಯ್ ದೇವ್ಗನ್ ಪುತ್ರಿಗೆ ಛೀಮಾರಿ.!

ಜ್ಞಾನ ಬೇಡ್ವಾ.?

''ಈ ಸೆಲೆಬ್ರಿಟಿ ಮಕ್ಕಳಿಗೆ ಜ್ಞಾನ ಬೇಡ್ವಾ.? ದೇವಸ್ಥಾನಕ್ಕೆ ಹೀಗಾ ಹೋಗೋದು.? ಜಿಮ್ ಗೆ ಹೋಗುವ ರೀತಿಯಲ್ಲಿ ದೇವಸ್ಥಾನಕ್ಕೆ ಯಾರಾದರೂ ಬರ್ತಾರಾ.? ಹೊಕ್ಕುಳ ತೋರಿಸಿಕೊಂಡು ದೇವಾಲಯಕ್ಕೆ ಬರುವುದು ಸರಿಯೇ.? ಅಜಯ್ ದೇವ್ಗನ್ ಪುತ್ರಿಗೆ ಕಾಮನ್ ಸೆನ್ಸ್ ಇಲ್ವಾ.?'' ಅಂತೆಲ್ಲಾ ನೀಸಾಗೆ ನೆಟ್ಟಿಗರು ನೀರಿಳಿಸುತ್ತಿದ್ದಾರೆ.

ಏನು ತಪ್ಪು.?

ಕೆಲವರು ನೀಸಾ ವಿರುದ್ಧ ತಿರುಗಿ ಬಿದ್ದಿದ್ದರೆ, ಹಲವರು ನೀಸಾ ಪರವಾಗಿ ವಾದಕ್ಕೆ ಇಳಿದಿದ್ದಾರೆ. ಸಾಂಪ್ರದಾಯಿಕ ಉಡುಗೆ ಸೀರೆ ಉಟ್ಟಾಗಲೂ ಹೊಕ್ಕುಳ ಕಾಣುತ್ತದೆ. ಹೀಗಾಗಿ, ಕ್ರಾಪ್ಡ್ ಟಾಪ್ ತೊಟ್ಟರೆ ಏನು ತಪ್ಪು.? ದೇವಸ್ಥಾನಗಳಲ್ಲಿ ಏನಾದರೂ ಡ್ರೆಸ್ ಕೋಡ್ ಇದ್ಯಾ.? ನೀಸಾಗೆ ಯಾವುದು ಕಮ್ಫರ್ಟ್ ಆಗಿದ್ಯೋ, ಅದನ್ನೇ ತೊಟ್ಟಿದ್ದಾರೆ ಅಂತೆಲ್ಲಾ ಕೆಲವರು ನೀಸಾ ಪರವಾಗಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ತಂದೆ ಕಪಾಳಕ್ಕೆ ಹೊಡೆಯುತ್ತಿದ್ದರು.!

''ನಾನು ಈ ತರಹ ಡ್ರೆಸ್ ತೊಟ್ಟು ದೇವಸ್ಥಾನಕ್ಕೆ ಬಂದಿದ್ದರೆ, ನನ್ನ ತಂದೆ ಕಪಾಳಕ್ಕೆ ಹೊಡೆಯುತ್ತಿದ್ದರು'' ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ಅದಕ್ಕೆ, ''ಹಾಗಾದ್ರೆ, ನೀಸಾ ಸಿಕ್ಕಿರುವ ತಂದೆ ತುಂಬಾ ಲಿಬರಲ್. ಮಗಳ ಆಯ್ಕೆಗೆ ಅಜಯ್ ದೇವ್ಗನ್ ಗೌರವ ಕೊಟ್ಟಿದ್ದಾರೆ'' ಅಂತ ಇನ್ನೊಬ್ಬರು ತಿರುಗೇಟು ನೀಡಿದ್ದಾರೆ.

ಇದು ಮೊದಲೇನಲ್ಲ.!

ಅಜಯ್ ದೇವ್ಗನ್ - ಕಾಜಲ್ ಪುತ್ರಿ ನೀಸಾ ದೇವ್ಗನ್ ಹೀಗೆ ಟ್ರೋಲಿಗರಿಗೆ ಆಹಾರವಾಗಿರುವುದು ಇದೇ ಮೊದಲೇನಲ್ಲ. ಮೊನ್ನೆ ದೀಪಾವಳಿ ಹಬ್ಬದಂದು ಅತಿಯಾಗಿ ಮೇಕಪ್ ಮಾಡಿಕೊಂಡಿದ್ದರು ಎಂಬ ಕಾರಣಕ್ಕೆ ನೀಸಾ ಕಾಲೆಳೆಯಲಾಗಿತ್ತು. ಇದೀಗ ಉಡುಗೆ ವಿಚಾರವಾಗಿ ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲ್ ಆಗಿದ್ದಾರೆ.