'ಅಜಯ್ ದೇವಗನ್ ಬೆನ್ನಿಗೆ ಚೂರಿ ಹಾಕುತ್ತಿದೆ RRR ಸಿನಿಮಾ'

ಅಜಯ್ ದೇವಗನ್ ಬೆನ್ನಿಗೆ ಇರಿಯುತ್ತಿದೆ ಆರ್‌ಆರ್‌ಆರ್‌: ಬೋನಿ ಕಪೂರ್

'ಅಜಯ್ ದೇವಗನ್ ಅವರು ಆರ್‌ಆರ್‌ಆರ್‌ ಸಿನಿಮಾದಲ್ಲಿ ನಟಿಸಿದ್ದಾರೆ ಜೊತೆಗೆ 'ಮೈದಾನ್' ಸಿನಿಮಾದಲ್ಲಿಯೂ ನಟಿಸಿದ್ದಾರೆ. ಆರ್‌ಆರ್‌ಆರ್‌ ಸಿನಿಮಾದ ಈ ನಡೆ ಅಜಯ್ ದೇವಗನ್ ಅವರ ಬೆನ್ನಿಗೆ ಚೂರಿ ಇರಿದಂತೆ' ಎಂದಿದ್ದಾರೆ ಬೋನಿ.

'ಮೈದಾನ್‌'ನಲ್ಲಿ ಅಜಯ್ ಸೋಲೋ ಹೀರೊ

'ಆರ್‌ಆರ್‌ಆರ್‌ ಸಿನಿಮಾದಲ್ಲಿ ಅಜಯ್ ಮೂರನೇ ವ್ಯಕ್ತಿಯಾಗಿ ನಟಿಸಿದ್ದಾರೆ. ಅಲ್ಲಿ ಅವರು ನಾಯಕರಲ್ಲ. ಆದರೆ 'ಮೈದಾನ್' ಸಿನಿಮಾದಲ್ಲಿ ಅವರು ಸೋಲೊ ಹೀರೊ. ಆರ್‌ಆರ್‌ಆರ್‌ ಸಿನಿಮಾದಲ್ಲಿ ಇಬ್ಬರು ನಾಯಕರಿದ್ದಾರೆ. ಈಗಾಗಲೇ ದೊಡ್ಡ ಹಿಟ್ ನೀಡಿರುವ ರಾಜಮೌಳಿ ಆ ಸಿನಿಮಾ ನಿರ್ದೇಶಿಸಿದ್ದಾರೆ. ಆದರೂ ಅವರಿಗೆ ಹಬ್ಬದ ಸಮಯಕ್ಕೆ ಬಿಡುಗಡೆ ಮಾಡುವ ಅವಶ್ಯಕತೆ ಏನಿದೆ. ಅವರಿಗಿರುವ ಜನಪ್ರಿಯತೆಗೆ ಯಾವ ದಿನ ಬಿಡುಗಡೆ ಮಾಡಿದರೂ ಸಿನಿಮಾ ಓಡುತ್ತದೆ' ಎಂದಿದ್ದಾರೆ ಬೋನಿ ಕಪೂರ್.

ಅಕ್ಟೋಬರ್ 13 ರಂದು ಬಿಡುಗಡೆ

ಆರ್‌ಆರ್‌ಆರ್‌ ಸಿನಿಮಾವು ಅಕ್ಟೋಬರ್ 13 ರಂದು ಬಿಡುಗಡೆ ಆಗಲಿದೆ. ಅಜಯ್ ದೇವಗನ್ ನಟನೆಯ 'ಮೈದಾನ್' ಸಹ ಅದೇ ದಿನ ಬಿಡುಗಡೆ ಆಗಲಿದೆ. ಅಕ್ಟೋಬರ್ 13 ರಿಂದ ಸತತವಾಗಿ ರಜೆಗಳಿದೆ ಹಾಗಾಗಿ ಬೋನಿ ಕಪೂರ್ ತಮಗೆ ಆ ದಿನವವನ್ನು ಬಿಟ್ಟುಕೊಡುವಂತೆ ಪಟ್ಟು ಹಿಡಿದಿದ್ದಾರೆ. ಆದರೆ ಬೋನಿ ಕಪೂರ್ ಮನವಿಗೆ ಆರ್‌ಆರ್‌ಆರ್ ತಂಡ ಒಪ್ಪುತ್ತಿಲ್ಲ.

Recommended Video

Chaithra Kotoor ನಾಗಾರ್ಜುನ‌ ನಡುವಿನ ಸಂಬಂಧದ ಬಗ್ಗೆ ಸಾಕ್ಷಿ ಹೇಳ್ತಿವೆ ಫೋಟೋಸ್ | Filmibeat Kannada

ಪುಟ್ಬಾಲ್ ಕೋಚ್ ಜೀವನ ಆಧರಿಸಿದ ಸಿನಿಮಾ

ಅಜಯ್ ದೇವಗನ್ ನಟನೆಯ 'ಮೈದಾನ್' ಸಿನಿಮಾವು ಫುಟ್ಬಾಲ್ ಕೋಚ್ ಸೈಯದ್ ಅದ್ಬುಲ್ ರಹೀಮ್ ಜೀವನ ಕುರಿತಾದದ್ದಾಗಿದೆ. ಸಿನಿಮಾವು 1952-62 ರ ನಡುವೆ ನಡೆವ ಕತೆಯಾಗಿದ್ದು, ಸಿನಿಮಾವನ್ನು ಅಮಿತ್ ರವೀಂದ್ರನಾಥ್ ಶರ್ಮಾ ನಿರ್ದೇಶಿಸಿದ್ದಾರೆ. ಸಿನಿಮಾದಲ್ಲಿ ಅಜಯ್ ದೇವಗನ್ ಜೊತೆಗೆ ಕನ್ನಡತಿ ಪ್ರಿಯಾಮಣಿ, ಗಜರಾಜ ರಾವ್, ರುದ್ರನಿಲ್ ಘೋಷ್ ಇನ್ನೂ ಕೆಲವರು ನಟಿಸಿದ್ದಾರೆ.