ಮತ್ತೆ ಅಮಿತಾಭ್ ಬಚ್ಚನ್ ಜೊತೆಗೆ ತಾಪ್ಸಿ ಪನ್ನು ನಟನೆ

ಸೌತ್ ಸಿನಿಮಾರಂಗದಲ್ಲಿ ಸ್ಟಾರ್ ನಟಿ ಆಗಿದ್ದ ತಾಪ್ಸಿ ಈಗಾಗಲೇ ಬಾಲಿವುಡ್ ಕೆಲವು ಸಿನಿಮಾ ಮಾಡಿದ್ದಾರೆ. ಹಿಂದಿಯಲ್ಲಿ ತಾಪ್ಸಿ ಮಾಡಿದ ಹಿಟ್ ಸಿನಿಮಾಗಳಲ್ಲಿ 'ಪಿಂಕ್' ಕೂಡ ಒಂದಾಗಿತ್ತು. ವಿಭಿನ್ನ ಕಥೆಯೊಂದಿಗೆ ಬಂದ ಈ ಸಿನಿಮಾದಲ್ಲಿ ತಾಪ್ಸಿ ಅಮೋಘವಾಗಿ ನಟಿಸಿದ್ದರು. ಇದರ ಜೊತೆಗೆ ಚಿತ್ರಕ್ಕೆ ರಾಷ್ಟ್ರ ಪ್ರಶಸ್ತಿ ಕೂಡ ದೊರಕಿತ್ತು.

'ಪಿಂಕ್' ಸಿನಿಮಾದಲ್ಲಿ ಅಭಿತಾಭ್ ಬಚ್ಚನ್ ಲಾಯರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇತ್ತೀಚಿಗೆ ಬಚ್ಚನ್ ಮಾಡಿರುವ ಸುಂದರ ಪಾತ್ರಗಳಲ್ಲಿ ಈ ಪಾತ್ರ ಕೂಡ ಒಂದಾಗಿತ್ತು. ಅಮಿತಾಭ್ ಮತ್ತು ತಾಪ್ಸಿ ಕಾಂಬಿನೇಶನ್ ನಲ್ಲಿ ಬಂದ ಈ ಸಿನಿಮಾ ಎಲ್ಲರ ಮೆಚ್ಚುಗೆಗಳಿಸಿತ್ತು, ಜೊತೆಗೆ ಸಿನಿಮಾ ನೂರು ಕೊಟಿ ಕ್ಲಬ್ ಸೇರಿತು. ಆದರೆ, ವಿಶೇಷ ಅಂದರೆ 'ಪಿಂಕ್' ಸಿನಿಮಾದ ನಂತರ ಈಗ ಮತ್ತೆ ಈ ಜೋಡಿ ಒಂದಾಗಿ ಇನ್ನೊಂದು ಸಿನಿಮಾ ಮಾಡುತ್ತಿದ್ದಾರಂತೆ.

ತಾಪ್ಸಿ ಮತ್ತೆ ಬಚ್ಚನ್ ಅವರ ಜೊತೆಗೆ ಸ್ಕ್ರೀನ್ ಶೇರ್ ಮಾಡುವ ಅವಕಾಶ ಪಡೆದಿದ್ದಾರೆ. 'ಬಾದ್ಲ' ಎಂಬ ಹೆಸರಿನಲ್ಲಿ ಶುರು ಆಗಿರುವ ತಾಪ್ಸಿ ಅವರ ಹೊಸ ಸಿನಿಮಾದಲ್ಲಿ ಅಮಿತಾಭ್ ಬಚ್ಚನ್ ಕೂಡ ನಟಿಸುತ್ತಿದ್ದಾರಂತೆ. ಈ ಸಿನಿಮಾವನ್ನು ಸುಜಯ್ ಫೋಷ್ ನಿರ್ದೇಶನ ಮಾಡುತ್ತಿದ್ದಾರೆ. ಈಗಾಗಲೇ ಈ ಚಿತ್ರದ ಚಿತ್ರೀಕರಣ ಶುರು ಆಗಿದ್ದು, ಬಿಗ್ ಬಿ ಸಹ ಸದ್ಯದಲ್ಲಿಯೇ ಈ ಟೀಂ ಸೇರಿಕೊಳ್ಳಲಿದ್ದಾರಂತೆ. ಅಂದಹಾಗೆ, ಈ ಹಿಂದೆ ಪಿಂಕ್ ಸಿನಿಮಾ ಮಾಡಿದಾಗ ತಾಪ್ಸಿ ನಟನೆ ನೋಡಿ ಮೆಚ್ಚಿಗೆ ಸೂಚಿಸಿದ್ದ ಬಚ್ಚನ್ ಇದೀಗ ಮತ್ತೆ ತಾಪ್ಸಿ ಜೊತೆಗೆ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದಾರೆ. ಅಮಿತಾಭ್ ಸದ್ಯ ತಮ್ಮ '102 ನಾಟ್ ಔಟ್' ಸಿನಿಮಾದಲ್ಲಿ ಬಿಜಿ ಇದ್ದಾರೆ. ಈ ಸಿನಿಮಾ ಮೇ 4 ಎಂದು ಬಿಡುಗಡೆಯಾಗುತ್ತಿದೆ.