ಎಲ್ಲರಿಗಿಂತ ವಿಭಿನ್ನವಾಗಿ ಕೇರಳಗೆ ನೆರವಾದ ಅನುಷ್ಕಾ-ಕೊಹ್ಲಿ ದಂಪತಿ

ಅನುಷ್ಕಾ ಮತ್ತು ಕೊಹ್ಲಿ ತಂಡ ಕೆಲಸ ಮಾಡಿದೆ

ಪ್ರವಾಹದಿಂದ ಸಂಕಷ್ಟದಲ್ಲಿ ಕೇರಳ ಜನತೆಗೆ ಅನುಷ್ಕಾ ಮತ್ತು ಕೊಹ್ಲಿ ಆರಂಭದಲ್ಲೇ ಸಹಾಯ ಮಾಡಿದ್ದಾರೆ. ಕೇರಳದ ಜನತೆಗೆ ಸಹಾಯ ಮಾಡಲು ಅನುಷ್ಕಾ ಮತ್ತು ಕೊಹ್ಲಿ ಅವರ ತಂಡವೊಂದು ಕೆಲಸ ಮಾಡಿದೆಯಂತೆ. ಕೇರಳಗೆ ಬೇಕಾದ ಅಗತ್ಯ ವಸ್ತುಗಳನ್ನ, ದವಸ ದಾನ್ಯಗಳನ್ನ ಸಂಗ್ರಹಿಸಿ ಕೇರಳಿಗರಿಗೆ ತಲುಪಿಸಿದೆಯಂತೆ.

ಟ್ರಕ್ ನಲ್ಲಿ ಆಹಾರ ಮತ್ತು ಔಷಧ ಕಳುಹಿಸಿದ್ದರು

ಅನುಷ್ಕಾ ಮತ್ತು ಕೊಹ್ಲಿಯ ಅಭಿಮಾನಿ ತಂಡ ಬಿಟ್ಟು, ವೈಯಕ್ತಿಕವಾಗಿ ವಿರುಷ್ಕಾ ಜೋಡಿ ಟ್ರಕ್ ನಲ್ಲಿ ಆಹಾರ ಮತ್ತು ಔಷಧಗಳನ್ನ ಪೂರೈಸಿದ್ದಾರೆ ಎಂದು ತಿಳಿದುಬಂದಿದೆ.

ಎನ್.ಜಿ.ಓ ಜೊತೆ ಒಪ್ಪಂದ

ಅಷ್ಟೇ ಅಲ್ಲದೇ, ಕೇರಳಗೆ ಸಹಾಯ ಮಾಡಲು ಅನುಷ್ಕಾ ಮತ್ತು ಕೊಹ್ಲಿ ಎನ್.ಜಿ.ಓ ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ. ಗಾಯಾಳುಗಳಿಗೆ ವೈದ್ಯಕೀಯ ಉಪಚಾರ ನೀಡಲು ಈ ಎನ್.ಜಿ.ಓ ಸಂಸ್ಥೆಗಳು ಕಾರ್ಯನಿರ್ವಹಿಸಲಿದ್ದು, ಇದರ ಜೊತೆ ಅನುಷ್ಕಾ ಮತ್ತು ಕೊಹ್ಲಿ ದಂಪತಿ ಕೈಜೋಡಿಸಿದ್ದಾರೆ ಎನ್ನಲಾಗಿದೆ.

ವನ್ಯಜೀವಿಗಳಿಗೆ ನೆರವಾದ ಅನುಷ್ಕಾ

ಕೇರಳದಲ್ಲಿ ಸಮಸ್ಯೆ ಎದುರಿಸಿದ ಪೈಕಿ, ಪ್ರಾಣಿ ಪಕ್ಷಿಗಳು ಕೂಡ ಇವೆ. ಹೀಗಾಗಿ, ನಟಿ ಅನುಷ್ಕಾ ಅವರು ಪ್ರಾಣಿ ಮತ್ತು ಪಕ್ಷಿಗಳ ಬಗ್ಗೆ ವಿಶೇಷ ಕಾಳಜಿ ವಹಿಸಿ, ಅವುಗಳಿಗೆ ನೆರವಾಗುವಂತಹ ಕೆಲಸ ಮಾಡಿದ್ದಾರೆ. ವನ್ಯಜೀವಿ ಸಂರಕ್ಷಣೆ ಮಾಡಲು ಕೆಲವು ಎನ್.ಜಿ.ಓ ಸಂಸ್ಥೆಯೊಂದಿಗೆ ಸಾಥ್ ನೀಡಿದ್ದಾರೆ.

ಟೀಮ್ ಇಂಡಿಯಾದಿಂದಲೂ ನೆರವು

ಅನುಷ್ಕಾ ಮತ್ತು ಕೊಹ್ಲಿ ಅವರ ವೈಯಕ್ತಿಕ ನೆರವಿನೊಂದಿಗೆ ಟೀಮ್ ಇಂಡಿಯಾ ಕಡೆಯಿಂದ ಕೇರಳಗೆ ನೆರವು ಒದಗಿಸಲಾಗಿದೆ. ಮೂರನೇ ಟೆಸ್ಟ್ ನಲ್ಲಿ ಗೆದ್ದ ಭಾರತದ ತಂಡ, ಸಂಭಾವನೆಯಲ್ಲಿ ಒಂದಿಷ್ಟು ಹಣವನ್ನ ಕೇರಳ ಸಂತ್ರಸ್ಥರಿಗೆ ನೀಡಿದ್ದಾರೆ.