ಕುಂಬ್ಳೆ - ಕೊಹ್ಲಿ ಕಿತ್ತಾಟಕ್ಕೆ ಕಾರಣವಾಗಿದ್ದು 'ಅನುಷ್ಕಾ ಶರ್ಮ' ಅಂತೆ.!

ಚಾಂಪಿಯನ್ಸ್ ಟ್ರೋಫಿ ಸಂದರ್ಭ

ಇತ್ತೀಚಿಗೆ ಲಂಡನ್ ನಲ್ಲಿ ನಡೆದ ಚಾಂಪಿಯನ್ಸ್ ಟ್ರೋಫಿ ಗೆ ವಿರಾಟ್ ತಮ್ಮ ಜೊತೆ ಅನುಷ್ಕಾ ಅವರನ್ನು ಕರೆದುಕೊಂಡು ಹೋಗಲು ತಯಾರಿ ನಡೆಸಿದ್ದರಂತೆ. ಅದರೆ ಇದಕ್ಕೆ ಕುಂಬ್ಳೆ ಸಮ್ಮತಿ ಸೂಚಿಸಿರಲಿಲ್ಲವಂತೆ.

ಬಿಸಿಸಿಐ ನಿಯಮ

ಬಿಸಿಸಿಐ ನಿಯಮದ ಪ್ರಕಾರ ಆಟಗಾರರು ತಮ್ಮ ಪತ್ನಿಯನ್ನು ಮಾತ್ರ ತಮ್ಮ ಜೊತೆ ಕರೆದುಕೊಂಡು ಹೋಗಬಹುದು. ಪತ್ನಿಯನ್ನು ಹೊರತುಪಡಿಸಿ ಪ್ರೇಯಸಿ ಅಥವಾ ಗರ್ಲ್ ಫ್ರೆಂಡ್ ಕರೆದುಕೊಂಡು ಹೋಗುವಂತಿಲ್ಲ.

ನಿಯಮ ಪಾಲಿಸಿದ ಕುಂಬ್ಳೆ

ಕೊಹ್ಲಿ ಆಸೆಗೆ ಭಾರತ ತಂಡದ ಕೋಚ್ ಆಗಿದ್ದ ಕುಂಬ್ಳೆ ತಣ್ಣೀರು ಎರಚಿದರು. ಕೊಹ್ಲಿಗೆ ಈಗ ಓಕೆ ಎಂದರೆ ಮುಂದೆ ಎಲ್ಲ ಆಟಗಾರರು ಅದೇ ರೀತಿ ಮಾಡುತ್ತಾರೆ. ಅಲ್ಲದೆ ಈ ರೀತಿ ಮಾಡುವುದರಿಂದ ಆಟದ ಬಗ್ಗೆ ಆಸಕ್ತಿ ಕಡಿಮೆಯಾಗಬಹುದು ಎಂದು ಕುಂಬ್ಳೆ ಕೊಹ್ಲಿ ಮಾತಿಗೆ ನಿರಾಕರಿಸಿದರಂತೆ.

ವಿರಹ ವೇದನೆ

ಚಾಂಪಿಯನ್ಸ್ ಟ್ರೋಫಿಗೆ ಬಂದ ಉಳಿದ ಆಟಗಾರರು ತಮ್ಮ ಹೆಂಡತಿಯರೊಂದಿಗೆ ಬಂದಿದ್ದರು. ಆದರೆ ಕೊಹ್ಲಿ ಮಾತ್ರ ವಿರಹ ವೇದನೆಯಲ್ಲಿ ಕಾಲ ಕಳೆದರು. ಇದೇ ಕಾರಣದಿಂದ ಈಗ ಕುಂಬ್ಳೆ ಮತ್ತು ಕೊಹ್ಲಿ ನಡುವೆ ಬಿರುಕು ಮೂಡಿರಬಹುದು ಎನ್ನಲಾಗುತ್ತಿದೆ.

'ಸಚಿನ್' ಸಿನಿಮಾ ಸಮಯದಲ್ಲಿ

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮ ಈಗಾಗಲೇ ಸಾಕಷ್ಟು ಕಾರ್ಯಕ್ರಮಗಳಲ್ಲಿ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. ಇತ್ತೀಚಿಗಷ್ಟೆ 'ಸಚಿನ್' ಸಿನಿಮಾದ ಕಾರ್ಯಕ್ರಮದಲ್ಲಿಯೂ ಇಬ್ಬರು ಒಟ್ಟಿಗೆ ಕಂಡು ಎಲ್ಲರ ಗಮನ ಸೆಳೆದಿದ್ದರು.