ಮದುವೆಗೆ ಮುನ್ನ ಅನುಷ್ಕಾ ಹೇಳಿದ್ದ ಮಾತು ಈಗ ವೈರಲ್, ಆ ವಿಡಿಯೋದಲ್ಲಿ ಏನಿದೆ?

ಹಳೆ ವಿಡಿಯೋದಲ್ಲಿ ಏನಿದೆ?

ಮದುವೆಗೂ ಮುಂಚೆ ನಟಿ ಸಿಮಿ ಗರೇವಾಲ್ ನಿರೂಪಣೆ ಮಾಡ್ತಿದ್ದ ಟಾಕ್ ಶೋನಲ್ಲಿ ಭಾಗವಹಿಸಿದ್ದ ನಟಿ ಅನುಷ್ಕಾ ಶರ್ಮಾ 'ಮದುವೆ ಆದ್ಮೇಲೆ ನಾನು ಸಿನಿಮಾ ಮಾಡಲ್ಲ' ಎಂದು ಹೇಳಿದ್ದರು. ಮದುವೆ ನಿಮಗೆ ಎಷ್ಟು ಪ್ರಾಮುಖ್ಯತೆ ಎಂದು ನಿರೂಪಕಿ ಕೇಳಿದ್ದಕ್ಕೆ ಉತ್ತರಿಸಿರುವ ಅನುಷ್ಕಾ ''ನಾನು ಮದುವೆ ಆಗ್ತೇನೆ, ಮಕ್ಕಳನ್ನು ಪಡೆಯುತ್ತೇನೆ, ಮದುವೆ ಆದ್ಮೇಲೆ ಮತ್ತೆ ಕೆಲಸ ಮಾಡಲ್ಲ'' ಎಂದು ಈ ಸಂದರ್ಶನದಲ್ಲಿ ಹೇಳಿದ್ದಾರೆ. ಈ ವಿಡಿಯೋ ಕ್ಲಿಪ್ ಈಗ ವೈರಲ್ ಆಗಿದೆ.

ದಶಕದ ಹಿಂದೆ ಹೇಳಿರುವ ಹೇಳಿಕೆ

ಅಂದ್ಹಾಗೆ, ಅನುಷ್ಕಾ ಶರ್ಮಾ ಮಾತನಾಡಿರುವ ಈ ಸಂದರ್ಶನ ದಶಕ ಹಿಂದಿನದ್ದು. ಈಗ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಜೊತೆ ಮದುವೆ ಆಗಿ, ಒಂದು ಮಗುವಿಗೆ ತಾಯಿ ಆಗಿ ಮತ್ತೆ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಮದುವೆ ಆದ್ಮೇಲೆಯೂ ಸಿನಿಮಾ ಇಂಡಸ್ಟ್ರಿಯಲ್ಲಿ ಮುಂದುವರಿಯುತ್ತಿರುವ ಅನುಷ್ಕಾ ಬಗ್ಗೆ ಬಾಲಿವುಡ್‌ನಲ್ಲಿ ಮೆಚ್ಚುಗೆ ಇದೆ.

ಅನುಷ್ಕಾ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಿದ ನೆಟ್ಟಿಗರು

ಹಳೆ ವಿಡಿಯೋ ವೈರಲ್ ಆಗಿರುವ ಬಗ್ಗೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು ಅನುಷ್ಕಾ ಕುರಿತು ಹೆಮ್ಮೆ ವ್ಯಕ್ತಪಡಿಸಿದ್ದಾರೆ. ''ಅನುಷ್ಕಾ ಕೆಲಸಕ್ಕೆ ಮರಳಿದ್ದಕ್ಕೆ ತುಂಬಾ ಹೆಮ್ಮೆಪಡುತ್ತಾರೆ. ಬುಲ್ ಬುಲ್ ಅಂತಹ ಹೆಚ್ಚು ಮಹಿಳಾ ಕೇಂದ್ರಿತ ಚಿತ್ರಗಳನ್ನು ನಿರ್ಮಿಸಲು ನಿರ್ಧರಿಸಬಹುದು'' ಎಂದು ಓರ್ವ ವ್ಯಕ್ತಿ ಕಾಮೆಂಟ್ ಮಾಡಿದ್ದಾರೆ. ಇಂತಹ ನೂರಾರು ಕಾಮೆಂಟ್‌ಗಳು ಆ ವಿಡಿಯೋಗೆ ಬಂದಿದೆ.

ಪುನೀತ್ ರಾಜ್ ಕುಮಾರ್ ಮನವಿಗೆ ಸಚಿವ ಸುಧಾಕರ್ ಖಡಕ್ ಪ್ರತಿಕ್ರಿಯೆ | Filmibeat Kannada

ಶಾರೂಖ್ ಜೊತೆ ಕೊನೆಯ ಚಿತ್ರ ಮಾಡಿದ್ದ ಅನುಷ್ಕಾ

2018ರಲ್ಲಿ ಬಿಡುಗಡೆಯಾಗಿದ್ದ ಜೀರೋ ಸಿನಿಮಾದಲ್ಲಿ ಅನುಷ್ಕಾ ಶರ್ಮಾ ಕೊನೆಯದಾಗಿ ನಟಿಸಿದ್ದರು. ಅದಾದ ಬಳಿಕ 'ಆಂಗ್ರೇಜಿ ಮೀಡಿಯಂ' ಚಿತ್ರದಲ್ಲಿ ಅತಿಥಿ ಪಾತ್ರ ಮಾಡಿದ್ದರು. ನಂತರ 'ಪಾತಾಳ್ ಲೋಕ್' ಎಂಬ ವೆಬ್ ಸಿರೀಸ್ ನಿರ್ಮಾಣ ಮಾಡಿದರು. 'ಬುಲ್ ಬುಲ್' ಎಂಬ ಸಿನಿಮಾ ಸಹ ಅನುಷ್ಕಾ ನಿರ್ಮಿಸಿದ್ದರು. ಇದೀಗ, ಮಗುವಿಗೆ ಜನ್ಮ ನೀಡಿದ ಬಳಿಕ ಅನುಷ್ಕಾ ಮೊದಲ ಪ್ರಾಜೆಕ್ಟ್ ಯಾವುದು ಎಂದು ಕುತೂಹಲ ಮೂಡಿಸಿದೆ.