ಶ್ರೀದೇವಿ ಪುತ್ರಿಯ ಡ್ರೆಸ್ ಬಗ್ಗೆ ವರದಿ: ವೆಬ್ ಸೈಟ್ ವಿರುದ್ಧ 'F' ಪದ ಬಳಸಿದ ಅರ್ಜುನ್!

ಅರ್ಜುನ್ ಕಪೂರ್ ಮನೆಗೆ ಬಂದ ಜಾಹ್ನವಿ ಕಪೂರ್

ತಂದೆ ಬೋನಿ ಕಪೂರ್, ಸಹೋದರಿ ಖುಷಿ ಕಪೂರ್ ಜೊತೆಗೆ ಜಾಹ್ನವಿ ಕಪೂರ್ ನಿನ್ನೆ (ಏಪ್ರಿಲ್ 12) ರಾತ್ರಿ ಅರ್ಜುನ್ ಕಪೂರ್ ನಿವಾಸಕ್ಕೆ ಭೇಟಿ ಕೊಟ್ಟಿದ್ದರು. ಅರ್ಜುನ್ ಕಪೂರ್ ಮನೆಯಲ್ಲಿ ಶ್ರೀದೇವಿ ಪುತ್ರಿಯರಿಗಾಗಿ ಸ್ಪೆಷಲ್ ಡಿನ್ನರ್ ರೆಡಿ ಮಾಡಲಾಗಿತ್ತು.

ಜಾಹ್ನವಿ ಕಪೂರ್ ತೊಟ್ಟಿದ್ದ 'ಡ್ರೆಸ್'

ಅರ್ಜುನ್ ಕಪೂರ್ ಮನೆ ಮುಂದೆ ಕಾರ್ ನಿಂದ ಜಾಹ್ನವಿ, ಖುಷಿ ಹಾಗೂ ಬೋನಿ ಕಪೂರ್ ಇಳಿದಾಗ ಕ್ಯಾಮರಾಗಳು ಫೋಟೋ ಕ್ಲಿಕ್ಕಿಸುವಲ್ಲಿ ಬಿಜಿಯಾಗಿದ್ದವು.

ಜಾಹ್ನವಿ 'ಡ್ರೆಸ್' ಬಗ್ಗೆ ವೆಬ್ ಸೈಟ್ ಕಾಮೆಂಟ್

ಜಾಹ್ನವಿ ಕಪೂರ್ ತೊಟ್ಟಿದ್ದ ಡ್ರೆಸ್ ನೋಡಿ ವೆಬ್ ಸೈಟ್ ಒಂದು ''ಜಾಹ್ನವಿ ಕಪೂರ್ ಎಷ್ಟೊಂದು ಸೆಕ್ಸಿ ಡ್ರೆಸ್ ತೊಟ್ಟಿದ್ದಾರೆ ಅಂದ್ರೆ ಎಲ್ಲವೂ ಕಾಣುತ್ತಿದೆ. ಬೇಕಾದ್ರೆ, ಫೋಟೋಗಳನ್ನ ನೋಡಿ'' ಎಂದು ಹಿಂದಿ ಭಾಷೆಯಲ್ಲಿ ಜಾಹ್ನವಿ ಫೋಟೋಗಳ ಸಮೇತ ಟ್ವೀಟ್ ಮಾಡಿತ್ತು.

ವೆಬ್ ಸೈಟ್ ಮಾಡಿದ್ದ ಟ್ವೀಟ್ ನೋಡಿ ಅರ್ಜುನ್ ಗೆ ಕೋಪ

ವೆಬ್ ಸೈಟ್ ಮಾಡಿದ್ದ ಈ ಟ್ವೀಟ್ ನೋಡಿ ಅರ್ಜುನ್ ಕಪೂರ್ ಉರಿದು ಬಿದ್ದರು. ವೆಬ್ ಸೈಟ್ ನ ಈ ನಡವಳಿಕೆಯನ್ನ ಅರ್ಜುನ್ ಕಪೂರ್ ತಮ್ಮ ಟ್ವೀಟ್ ನಲ್ಲಿ ತೀವ್ರವಾಗಿ ಖಂಡಿಸಿದ್ದಾರೆ. ಹಾಗೇ, ಸಿಟ್ಟಲ್ಲಿ 'F' ಪದ ಕೂಡ ಬಳಸಿದ್ದಾರೆ.