ಕಾಸ್ಟಿಂಗ್ ಕೌಚ್ ಬರೀ ನಟಿಯರಿಗೆ ಮಾತ್ರ ಅಲ್ಲ, ನಟರಿಗೂ ತಪ್ಪಿದ್ದಲ್ಲ.!

ಸಲಿಂಗಿ ಕಾಸ್ಟಿಂಗ್ ಡೈರೆಕ್ಟರ್

''ಚಿತ್ರವೊಂದರ ಆಡಿಷನ್ ಗೆ ಹೋಗಿದ್ದಾಗ, ಕಾಸ್ಟಿಂಗ್ ಡೈರೆಕ್ಟರ್ ಕೆಲವು ಸೀನ್ ಗಳನ್ನ ಅಭಿನಯಿಸುವಂತೆ ಹೇಳಿದರು. ಹಾಗೆ, ನಟಿಸುತ್ತಿರುವಾಗಲೇ ಪ್ಯಾಂಟ್ ಝಿಪ್ ತೆಗೆಯುವಂತೆ ತಾಕೀತು ಮಾಡಿದರು. ನನ್ನನ್ನ ಮುಟ್ಟಲು ಬಂದರು. ಸಾಲದಕ್ಕೆ ನನ್ನೊಂದಿಗೆ ಅಸಭ್ಯವಾಗಿ ವರ್ತಿಸಿದರು'' ಎಂದು ಸಂದರ್ಶನವೊಂದರಲ್ಲಿ ಆಯುಷ್ಮಾನ್ ಖುರಾನಾ ಹೇಳಿದ್ದಾರೆ.

ಆಮೇಲೆ ಬೋಧನೆ

ಕಾಸ್ಟಿಂಗ್ ಡೈರೆಕ್ಟರ್ ಗೆ ಆಯುಷ್ಮಾನ್ ಖುರಾನಾ ಪ್ರತಿರೋಧ ವ್ಯಕ್ತಪಡಿಸಿದರು. ಇದರಿಂದ ಸಿಟ್ಟು ಮಾಡಿಕೊಂಡ ಆ ಕಾಸ್ಟಿಂಗ್ ಡೈರೆಕ್ಟರ್, ಬಾಲಿವುಡ್ ನಲ್ಲಿ ಹೇಗೆ ನಡೆದುಕೊಳ್ಳಬೇಕು ಎಂಬುದರ ಬಗ್ಗೆ ಲೆಕ್ಚರ್ ಕೊಡಲು ಆರಂಭಿಸಿದರಂತೆ.

ಮುಜುಗರಕ್ಕೀಡಾದ ಆಯುಷ್ಮಾನ್

'ವಿಕ್ಕಿ ಡೋನರ್' ಸಿನಿಮಾ ತೆರೆಕಂಡ ಬಳಿಕ, ಮಾಲ್ ಒಂದಕ್ಕೆ ಭೇಟಿ ನೀಡಿದ್ದಾಗ ಆಯುಷ್ಮಾನ್ ಗೆ ವಿಚಿತ್ರ ಘಟನೆ ಎದುರಾಯಿತಂತೆ. ಏಕಾಏಕಿ ಹುಡುಗಿಯೊಬ್ಬಳು ''ವಿಕ್ಕಿ, ನನಗೆ ನಿನ್ನ ವೀರ್ಯಾಣು ಬೇಕು'' ಎಂದು ಜೋರಾಗಿ ಕೇಳಿದ್ಳಂತೆ. ಇದರಿಂದ ಆಯುಷ್ಮಾನ್ ಮುಜುಗರಕ್ಕೀಡಾಗಬೇಕಾಯಿತು.

ಪಕ್ಕದಲ್ಲಿ ತಾಯಿ

''ವಿಕ್ಕಿ, ನನಗೆ ನಿನ್ನ ವೀರ್ಯಾಣು ಬೇಕು'' ಎಂದು ಹುಡುಗಿಯೊಬ್ಬಳು ಮಾಲ್ ನಲ್ಲಿ ಕೇಳಿದಾಗ, ಆಯುಷ್ಮಾನ್ ಜೊತೆಗೆ ಅವರ ತಾಯಿ ಕೂಡ ಇದ್ದರು. ಇದರಿಂದ ಆಯುಷ್ಮಾನ್ ತಾಯಿಗೂ ಶಾಕ್ ಆಯ್ತಂತೆ.

ಕಾಸ್ಟಿಂಗ್ ಕೌಚ್ ಗೆ ಕೊನೆ ಎಂದು.?

ಕಾಸ್ಟಿಂಗ್ ಕೌಚ್ ಎಂಬ ಭೂತದ ವಿರುದ್ಧ ನಟ-ನಟಿಯರು ಒಬ್ಬೊಬ್ಬರಾಗಿ ಬಾಯಿ ಬಿಡುತ್ತಿದ್ದಾರೆ. ಇನ್ನಾದರೂ, ಈ ಕಾಸ್ಟಿಂಗ್ ಕೌಚ್ ನಿಂತರೆ ಅರ್ಹ ಪ್ರತಿಭೆಗಳಿಗೆ ಉತ್ತಮ ಅವಕಾಶ ಸಿಗಬಹುದು.