For Quick Alerts
    ALLOW NOTIFICATIONS  
    For Daily Alerts

    ದಾಖಲೆಗಳನ್ನು ಧೂಳಿಪಟ ಮಾಡಿದ ದಬಾಂಗ್2

    By Prasad
    |

    ರಜಾ ದಿನಗಳು ಇಲ್ಲದಿದ್ದರೂ ಸಲ್ಮಾನ್ ಖಾನ್ ಮತ್ತು ಸೋನಾಕ್ಷಿ ಸಿನ್ಹಾ ಪ್ರಮುಖ ಭೂಮಿಕೆಯಲ್ಲಿರುವ ಮತ್ತು ಅರ್ಬಾಜ್ ಖಾನ್ ನಿರ್ದೇಶನದ ದಬಾಂಗ್2 ಚಿತ್ರ ಬಾಕ್ಸ್ ಆಫೀಸಿನಲ್ಲಿ ದಾಖಲೆಗಳನ್ನು ಧೂಳಿಪಟ ಮಾಡಿದೆ. ಸಲ್ಮಾನ್ ಅವರೇ ನಟಿಸಿದ್ದ ಏಕ್ ಥಾ ಟೈಗರ್ ಚಿತ್ರದ ಮೊದಲ ದಿನದ ದಾಖಲೆ ಅಳಿಸಲು ದಬಾಂಗ್2 ವಿಫಲವಾದರೂ ಅಕ್ಷಯ್ ಕುಮಾರ್ ಅವರ ರೌಡಿ ರಾಥೋಡ್ ಚಿತ್ರ ಮಾಡಿದ್ದ ದಾಖಲೆಯನ್ನು ಅಳಿಸಿಹಾಕಿದೆ.

    ಶುಕ್ರವಾರ ದಬಾಂಗ್2 ಚಿತ್ರ 20ರಿಂದ 21 ಕೋಟಿ ರು. ಬಾಚಿಕೊಂಡಿದೆ ಎಂಬ ಪ್ರಥಮ ಮಾಹಿತಿಗಳು ಹೊರಬಿದ್ದಿವೆ. ರಜಾದಿನಗಳು ಇಲ್ಲದಿರುವಾಗ ಬಿಡುಗಡೆಯಾದ ಚಿತ್ರ ಮೊದಲ ದಿನವೇ ಮಾಡಿದ ಅತಿ ಹೆಚ್ಚು ಗಳಿಕೆ ಇದಾಗಿದೆ. ನಾಡಿನಾದ್ಯಂತ ಮೂರುವರೆ ಸಾವಿರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿರುವ ದಬಾಂಗ್2 ಜನರನ್ನು ಭಾರೀ ಪ್ರಮಾಣದಲ್ಲಿ ಸೆಳೆಯುತ್ತಿದೆ.

    ಆಗಸ್ಟ್ 15ರಂದು ಬಿಡುಗಡೆಯಾಗಿದ್ದ ಏಕ್ ಥಾ ಟೈಗರ್ ಮೊದಲ ದಿನವೇ 32.92 ಕೋಟಿ ರು. ಗಳಿಸಿತ್ತು. ರೌಡಿ ರಾಥೋಡ್ ಚಿತ್ರ ಬಿಡುಗಡೆಯಾದ ಶುಕ್ರವಾರದಂದು 15.1 ಕೋಟಿ ರು. ಜೇಬಿಗಿಳಿಸಿತ್ತು. ಈಗ ದಬಾಂಗ್2 ಮೊದಲ ದಿನ 20ರಿಂದ 21 ಕೋಟಿ ರು. ಗಳಿಸಿ, ರೌಡಿ ರಾಥೋಡ್ ದಾಖಲೆಯನ್ನು ಅಳಿಸಿಹಾಕಿದೆ ಎಂದು ಚಿತ್ರ ವಿಶ್ಲೇಷಕ ತರಣ್ ಆದರ್ಶ್ ಅವರು ವಿಶ್ಲೇಷಿಸಿದ್ದಾರೆ.

    ದಬಾಂಗ್ ಚಿತ್ರದ ಮುಂದಿನ ಅವತರಣಿಕೆಯಾಗಿರುವ ದಬಾಂಗ್2 ಚಿತ್ರದ ಮುಖಾಂತರ ಸಲ್ಮಾನ್ ಖಾನ್ ಅವರು ತಾವು ಬಾಕ್ಸ್ ಆಫೀಸ್ ಕಿಂಗ್ ಎಂಬುದನ್ನು ಮತ್ತೆ ಸಾಬೀತುಪಡಿಸಿದ್ದಾರೆ. ಎರಡನೇ ದಿನದ ಗಳಿಕೆ ತುಸು ಕುಸಿದಿದ್ದು, 18 ಕೋಟಿ ರು. ಗಳಿಸಿದೆ. ಇದು ಏಕ್ ಥಾ ಟೈಗರ್ ಚಿತ್ರದ ಎರಡನೇ ದಿನದ ಗಳಿಕೆಗಿಂತ ಹೆಚ್ಚು. ಏಕ್ ಥಾ ಟೈಗರ್ ಎರಡನೇ ದಿನ 14 ಕೋಟಿ ರು. ಜೇಬಿಗಿಳಿಸಿತ್ತು.

    English summary
    Latest Bollywood movie Dabangg 2 starring Salman Khan and Sonakshi Sinha in leads, has opened to an earth-shattering response at the Indian Box Office. But, Dabangg2, has seen a drop in its collection at the Indian Box Office on Saturday.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X