ಬ್ರೈನ್ ಸರ್ಜರಿ ಫೋಟೋ ಶೇರ್ ಮಾಡಿ ಮಗನಿಗೆ ಭಾವನಾತ್ಮಕ ಪತ್ರ ಬರೆದ ಹೃತಿಕ್ ತಾಯಿ

ಹೃತಿಕ್ ತಾಯಿ ಹೇಳಿದ್ದೇನು?

"ನಾನು ಯಾವತ್ತು ಅನುಭವಿಸಿರದ ಘಟನೆಯನ್ನು ಈಗ ಭಾರವಾದ ಹೃದಯದಿಂದ ಹಂಚಿಕೊಳ್ಳುತ್ತಿದ್ದೀನಿ. ಇದು ವಿಷಾದ ಮತ್ತು ದುಃಖ ಅಥವಾ ಕಾಳಜಿ ಇಂದ ಭಾರವಾಗುವುದಿಲ್ಲ. ಮಕ್ಕಳಿಗೆ ಬೆಂಬಲ ನೀಡುತ್ತೇವೆ ಮತ್ತು ಪ್ರೋತ್ಸಾಹಿಸುತ್ತೇವೆ. ಆದರೆ ಅವರ ಸಹಾನುಭೂತಿ, ಶಕ್ತಿ ಮತ್ತು ಧೈರ್ಯ ಪೋಷಕರನ್ನು ಮೀರಿದಾಗ ಏನಾಗುತ್ತದೆ? ಎಂದು ಹೇಳಿದ್ದಾರೆ.

ಪ್ರಜ್ಞಾಹೀನ ಸ್ಥಿತಿಗೆ ಹೋಗಿದ್ದೆ

ಹೃತಿಕ್ ಬ್ರೈನ್ ಸರ್ಜರಿಗೆ ಹೋಗುವ ಮೊದಲು ಹೃತಿಕ್ ತಾಯಿ ಅನುಭವಿಸಿದ ನೋವನ್ನು ಇಲ್ಲಿ ಬಿಚ್ಚಿಟ್ಟಿದ್ದಾರೆ. "ದಗ್ಗು (ಹೃತಿಕ್ ರೋಷನ್) ಬ್ರೈನ್ ಸರ್ಜರಿಗೆ ಹೋಗುವ ಮೊದಲು ನಾನು ಬಹುತೇಕ ಪ್ರಜ್ಞಾಹೀನ ಸ್ಥಿತಿಗೆ ಹೋಗಿದ್ದೆ. ನನ್ನ ಹೃದಯ ಬಡಿತ, ರಕ್ತದೊತ್ತಡ ಅಧಿಕವಾಗಿತ್ತು. ನಾನು ದೇವರಲ್ಲಿ ಪ್ರಾರ್ಥನೆ ಮಾಡುತ್ತಿದೆ. ನನ್ನ ಪ್ರತಿ ಇಂಚು ಕಾಳಜಿಯ ನೆರಳಿನಿಂದ ತುಂಬಿಹೋಗಿದೆ ಎಂದು ನಾನು ಭಾವಿಸಿದೆ"

ಆ ಸಮಯದಲ್ಲಿ ಚಿಕ್ಕ ಮಗುವಿನ ಹಾಗೆ ಕಂಡನು

"ನನ್ನ ಮಗನನ್ನು ಆ ಸ್ಥಿತಿಯಲ್ಲಿ ವೈದ್ಯರ ಬಳಿ ನೋಡಿದಾಗ ಅಸಹಾಯಕನಾಗಿ ಚಿಕ್ಕ ಮಗುವಿನಂತೆ ಕಂಡನು. ಆಗತಾನೆ ಜಗತ್ತಿಗೆ ಬಂದ ಹಾಗೆ ಆ ಸುಂದರ ಕಣ್ಣುಗಳಿಂದ ನನ್ನುನ್ನು ನೋಡುತ್ತಿದ್ದನು. ಅವನು ಚಿಕ್ಕ ಮಗುವಿನಂತೆ ಕಂಡನು. ಮತ್ತೆ ಜಗತ್ತಿಗೆ ಬಂದ ದಿನದಂತೆಯೇ ನನ್ನನ್ನು ನೋಡುವ ಅದೇ ಸುಂದರ ಕಣ್ಣುಗಳು. ಆ ಕಣ್ಣುಗಳಲ್ಲಿ ಯಾವುದೆ ಭಯ, ಒತ್ತಡ, ಚಿಂತೆ ಇರಲಿಲ್ಲ. ಆ ಕಣ್ಣುಗಳಲ್ಲಿ ನನ್ನ ಪ್ರತಿಬಿಂಬ ನೋಡಿದೆ" ಎಂದು ಹೇಳಿದ್ದಾರೆ.

ಒಂದು ಮಿಲಿಯನ್ ಆಶೀರ್ವಾದಗಳನ್ನು ನೀಡಿದೆ

ಇನ್ನು "ಈ ಚಿತ್ರದಲ್ಲಿ ಕಣ್ಣುಗಳನ್ನು ನೋಡಿ. ಬ್ರೈನ್ ಸರ್ಜರಿಗೆ ಒಳಗಾದ ಮನುಷ್ಯ ಹಾಗೆ ಕಾಣುತ್ತಾನಾ? ಇಲ್ಲ, ಅವನ ಲುಕ್ ಯಾರನ್ನೊ ಗೆದ್ದ ಹಾಗೆ ಕಾಣುತ್ತೆ. ನಾನು ಒಂಬತ್ತು ತಿಂಗಳು ಹೊತ್ತು ಹೆತ್ತು ನನ್ನ ತೋಳುಗಳಲ್ಲಿ ಇರುವ ಈಗ ನನ್ನನ್ನು ಅವನಲ್ಲಿ ತೊಡಗಿಸಿಕೊಂಡಿದೆ. ಎಲ್ಲಾ ಶಕ್ತಿ ಮತ್ತು ಪ್ರೀತಿಯನ್ನು ನನಗೆ ಹಿಂದಿರುಗಿಸುತ್ತಿದೆ. ಆ ಕ್ಷಣದಲ್ಲಿ ನಾನು ಮಗನಿಗೆ ಒಂದು ಮಿಲಿಯನ್ ಆಶೀರ್ವಾದಗಳನ್ನು ನೀಡಿದೆ" ಎಂದು ಹೃತಿಕ್ ಬಗ್ಗೆ ದೀರ್ಘವಾಗಿ ಬರೆದುಕೊಂಡಿದ್ದಾರೆ ತಾಯಿ ಪಿಂಕಿ ರೋಷನ್.