ಅರ್ಧ ವರ್ಷ ಬಾಲಿವುಡ್ ಬಾಕ್ಸಾಫೀಸ್ ಕಥೆಯೇನು? KGF 2, RRR, ದಿ ಕಾಶ್ಮೀರ್ ಫೈಲ್ಸ್‌ನದ್ದೇ ಸದ್ದು!

ಆಲಿಯಾ ಭಟ್- 'ಗಂಗೂಬಾಯಿ ಕಾಠಿಯಾವಾಡಿ'

ಬಾಲಿವುಡ್ ಲಕ್ಕಿ ಗರ್ಲ್ ಆಲಿಯಾ ಭಟ್ ಸಿನಿಮಾ 'ಗಂಗೂಬಾಯಿ ಕಾಠಿಯಾವಾಡಿ' ಇದೇ ವರ್ಷ ಫೆಬ್ರವರಿಯಲ್ಲಿ ರಿಲೀಸ್ ಆಗಿತ್ತು. ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶಿಸಿದ್ದ ಈ ಸಿನಿಮಾಗೆ ಬಾಕ್ಸಾಫೀಸ್‌ನಲ್ಲಿ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿತ್ತು. ಗಂಗೂಬಾಯಿ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸುಮಾರು 129.10ಸ ಕೋಟಿ ರೂ. ಗಳಿಕೆ ಕಂಡಿತ್ತು. ಇದು ಈ ವರ್ಷದ ಆರಂಭದಲ್ಲಿ ಬಾಲಿವುಡ್‌ಗೆ ಸಿಕ್ಕ ಮೊದಲ ದೊಡ್ಡ ಯಶಸ್ಸು.

ದಕ್ಷಿಣ ಭಾರತದ ಸಿನಿಮಾಗಳದ್ದೇ ದರ್ಬಾರ್

ಬಾಲಿವುಡ್‌ ಬಾಕ್ಸಾಫೀಸ್‌ನಲ್ಲಿ 2022ರ ಮೊದಲ ಆರು ತಿಂಗಳು ಅದ್ಭುತ ಗಳಿಕೆ ಕಂಡಿದ್ದರೂ ಅದರ ಕಲೆಕ್ಷನ್‌ನ ಬಹುಪಾಲು ದಕ್ಷಿಣದ ಸಿನಿಮಾದಿಂದಲೇ ಬಂದಿವೆ. 'ಕೆಜಿಎಫ್ 2' ಹಾಗೂ RRR ಸಿನಿಮಾದ ಕಲೆಕ್ಷನ್ ಅನ್ನು ಹಿಂದಿಕ್ಕಲು ಒರಿಜಿನಲ್ ಬಾಲಿವುಡ್‌ ಸಿನಿಮಾಗಳಿಂದಲೇ ಸಾಧ್ಯವಾಗಿಲ್ಲ. 'ಕೆಜಿಎಫ್ 2' 434.70 ಕೋಟಿ ರೂ. ಗಳಿಕೆ ಕಂಡಿದೆ. ಇದೂವರೆಗೂ ಬಾಲಿವುಡ್‌ನಲ್ಲಿ ಅತೀ ಹೆಚ್ಚು ಗಳಿಕೆ ಕಂಡ ಎರಡನೇ ಸಿನಿಮಾ. ಇನ್ನು RRR ಸಿನಿಮಾ 274.31 ಕೋಟಿ ರೂ. ಗಳಿಸಿದೆ.

ಬಾಕ್ಸಾಫೀಸ್‌ನಲ್ಲಿ ಜಾದು ಮಾಡಿದ ಸಿನಿಮಾಗಳಿವು

ಈ ವರ್ಷ ಎಲ್ಲಾ ಚಿತ್ರರಂಗದ ಕಣ್ಣು ಬಾಲಿವುಡ್‌ ಮೇಲೆ ಇಟ್ಟಿತ್ತು. ಈ ವರ್ಷ ಬಾಲಿವುಡ್‌ ಬಾಕ್ಸಾಫೀಸ್‌ ಚೇತರಿಕೆ ಕಂಡಿದ್ದರಿಂದ ಕೊಂಚ ಮಟ್ಟಿಗೆ ನಿರಾಳರಾಗಿದ್ದಾರೆ. ದಕ್ಷಿಣದ ಸಿನಿಮಾಗಳು ಸೇರಿದಂತೆ ಬಾಲಿವುಡ್‌ನ ನಾಲ್ಕೈದು ಸಿನಿಮಾಗಳು ಬಾಕ್ಸಾಫೀಸ್ ದೋಚಿವೆ.

ಗಂಗೂಬಾಯಿ ಕಾಠಿಯಾವಾಡಿ 129.10 ಕೋಟಿ ರೂ.
ದಿ ಕಾಶ್ಮೀರ್ ಫೈಲ್ಸ್ 252.90 ಕೋಟಿ ರೂ.
ಭೂಲ್‌ ಭುಲಯ್ಯ 2 184.32 ಕೋಟಿ ರೂ.
RRR 274.31 ಕೋಟಿ ರೂ.
ಕೆಜಿಎಫ್ 2 434.70 ಕೋಟಿ ರೂ.

ಅರ್ಧ ವರ್ಷದ ಬ್ಯುಸಿನೆಸ್ ಎಷ್ಟು?

ಬಾಲಿವುಡ್ ಅರ್ಧ ವರ್ಷದಲ್ಲಿ ಸುಮಾರು ಸುಮಾರು ಎರಡು ಸಾವಿರ ಕೋಟಿ ರೂ. ಬ್ಯುಸಿನೆಸ್ ಮಾಡಿದೆ ಎಂಬುದು ಟ್ರೇಡ್ ಅನಲಿಸ್ಟ್‌ಗಳ ಲೆಕ್ಕಾಚಾರ. ಕೋವಿಡ್‌ಗಿಂತ ಮುನ್ನ ಬಾಲಿವುಡ್ ಸಿನಿಮಾಗಳು 2300 ರಿಂದ 2500 ಕೋಟಿ ರೂ. ಬ್ಯುಸಿನೆಸ್ ಮಾಡಿದ್ದು ಇದೆ. ಆದರೆ, ಕೋವಿಡ್ ಬಳಿಕ ನಷ್ಟದಲ್ಲಿದ್ದ ಚಿತ್ರರಂಗ ಚೇತರಿಸಿಕೊಂಡಿದ್ದಕ್ಕೆ ಸಮಾಧಾನಗೊಂಡಿದ್ದಾರೆ. ಆದರೂ ಈ ಗಳಿಕೆಯಲ್ಲಿ ದಕ್ಷಿಣ ಭಾರತದ ಸಿನಿಮಾಗಳ ಪಾಲು ಹೆಚ್ಚಿದೆ ಎನ್ನುವುದನ್ನು ಮರೆಯುವಂತಿಲ್ಲ.