ದಿಗ್ಗಜ ಅಥ್ಲೀಟ್ ಮಿಲ್ಕಾ ಸಿಂಗ್ ನಿಧನಕ್ಕೆ ಸಿನಿ ಗಣ್ಯರ ಕಂಬನಿ

ನಟ ಶಾರುಖ್ ಖಾನ್

ಶಾರುಖ್ ಖಾನ್ ಸಂತಾಪ ಸೂಚಿಸಿ, "ಫ್ಲೈಯಿಂಗ್ ಸಿಖ್ ಇನ್ಮುಂದೆ ನಮ್ಮೊಂದಿಗೆ ಇಲ್ಲ, ಆದರೆ ಅವರ ಉಪಸ್ಥಿತಿ ಯಾವಾಗಲೂ ಇರುತ್ತದೆ ಮತ್ತು ಸಾಟಿಯಿಲ್ಲದ ಅವರ ಲೆಗಸಿ ಯಾವಾಗಲೂ ಶಾಶ್ವತ. ನನಗೆ ಮತ್ತು ಲಕ್ಷಾಂತರ ಜನರ ಸ್ಫೂರ್ತಿ. ಆತ್ಮಕ್ಕೆ ಶಾಂತಿ ಸಿಗಲಿ" ಎಂದು ಟ್ವೀಟ್ ಮಾಡಿದ್ದಾರೆ.

ನಟ ಅಕ್ಷಯ್ ಕುಮಾರ್

ಇನ್ನು ನಟ ಅಕ್ಷಯ್ ಕುಮಾರ್ ಟ್ವೀಟ್ ಮಾಡಿ ಮಿಲ್ಕಾ ಸಿಂಗ್ ಅವರ ಪಾತ್ರವನ್ನು ಮಾಡದೆ ಇರುವುದು ತುಂಬಾ ನೋವಿದೆ ಎಂದಿದ್ದಾರೆ. "ಮಿಲ್ಕಾ ಸಿಂಗ್ ಅವರ ನಿಧನದ ಸುದ್ದಿ ಕೇಳಿ ತುಂಬಾ ದುಃಖವಾಗಿದೆ. ಅವರ ಪಾತ್ರವನ್ನು ಮಾಡದಿರುವುದಕ್ಕೆ ನಾನು ಶಾಶ್ವತವಾಗಿ ವಿಷಾದಿಸುತ್ತೇನೆ. ಫ್ಲೈಯಿಂಗ್ ಸಿಖ್, ನೀವು ಸ್ವರ್ಗದಲ್ಲಿ ಚಿನ್ನದ ಓಟವನ್ನು ಹೊಂದಿರಲಿ. ಓಂ ಶಾಂತಿ" ಎಂದು ಟ್ವೀಟ್ ಮಾಡಿದ್ದಾರೆ.

ನಟಿ ರವೀನಾ ಟಂಡನ್

ನಟಿ ರವೀನಾ ಟಂಡನ್, ಮಿಲ್ಕಾ ಸಿಂಗ್ ಜೊತೆ ಇರುವ ಹಳೆಯ ಫೋಟೋವನ್ನು ಶೇರ್ ಮಾಡಿ ಸಂತಾಪ ಸೂಚಿಸಿದ್ದಾರೆ. ನೀವು ಯಾವಾಗಲು ನಮ್ಮೆಲ್ಲರ ಹೃದಯದಲ್ಲಿ ವಿಶೇಷ ಸ್ಥಾನ ಹೊಂದಿರುತ್ತೀರಿ. ನಮಗೆ ಸ್ಫೂರ್ತಿ ಬೇಕಾದಾಗಲೆಲ್ಲಾ ಭಾಗ್ ಮಿಲ್ಕಾ ಭಾಗ್ ನಮ್ಮ ಕಿವಿಯಲ್ಲಿ ಮೂಡುತ್ತದೆ. ಓಂ ಶಾಂತಿ" ಎಂದು ಟ್ವೀಟ್ ಮಾಡಿದ್ದಾರೆ.

ರಾಹುಲ್ ಬೋಸ್

"ಭಾರತಕ್ಕೆ ಎಂತಹ ದುಃಖದ ದಿನ. ಕ್ರೀಡಾಲೋಕಕ್ಕೆ ದುಃಖದ ದಿನ. ಒಂದು ಸ್ಫೂರ್ತಿ. ನಿಮ್ಮ ಆತ್ಮಕ್ಕೆ ಶಾಂತಿ ಸಿಗಲಿ ಸರ್" ಎಂದು ಟ್ವೀಟ್ ಮಾಡಿದ್ದಾರೆ.