ಅಂದು ವೇಶ್ಯೆ ಆಗಿದ್ದಾಕೆ ಇಂದು ಬಾಲಿವುಡ್ ಸ್ಟಾರ್

ತಂದೆ-ತಾಯಿ ಯಾರೆಂದು ಗೊತ್ತಿಲ್ಲ

ತನ್ನ ತಂದೆ-ತಾಯಿ ಯಾರು ಎಂದೂ ಸಹ ಗೊತ್ತಿರದ ಶಗುಫ್ತಾ ರಫಿಕಿಯನ್ನು ಯಾರೋ ಹೆಣ್ಣು ಮಗಳೊಬ್ಬಳು ಸಾಕಿದರು. ಆಕೆಗೆ ಕೊಲ್ಕತ್ತದ ವ್ಯಕ್ತಿಯೊಬ್ಬನೊಂದಿಗೆ ಅಕ್ರಮ ಸಂಬಂಧವಿತ್ತು. ಆದರೆ ಆತ ಅಕಾಲಿಕ ಮರಣಕ್ಕೆ ಈಡಾದ ಕಾರಣ, ಶಗುಫ್ತಾ ಮತ್ತು ಆಕೆಯ ಸಾಕು ತಾಯಿ ಸಂಕಷ್ಟಕ್ಕೆ ಸಿಲುಕಿದರು.

11 ನೇ ವಯಸ್ಸಿನಲ್ಲಿ ಡಾನ್ಸ್‌ ಬಾರ್‌ನಲ್ಲಿ ನೃತ್ಯ

ಹಾಗಾಗಿ ಕೇವಲ 11 ನೇ ವಯಸ್ಸಿನಲ್ಲಿಯೇ ಹಣಕ್ಕಾಗಿ ಡಾನ್ಸ್‌ ಬಾರ್‌ನಲ್ಲಿ ಕುಣಿಯಲು ಪ್ರಾರಂಭಿಸಿದರು ಶಗುಫ್ತಾ. 17 ನೇ ವಯಸ್ಸಿಗೆ ಒಬ್ಬ ಸಾಧಾರಣ ಶ್ರೀಮಂತ ವ್ಯಕ್ತಿ ಶಗುಫ್ತಾಳನ್ನು ಮದುವೆಯಾದ, ಆದರೆ ಆತ ಕೊಟ್ಟ ಹಿಂಸೆ ತಡೆಯಲಾರದೆ ಆತನನ್ನು ತೊರೆದರು ಶಗುಫ್ತಾ.

ಅವಕಾಶ ಕೊಡಿಸುತ್ತೇನೆಂದು ರೇಪ್ ಮಾಡಲು ಯತ್ನಿಸಿದ್ದ: ಖ್ಯಾತ ನಟಿಯ ಶಾಕಿಂಗ್ ಹೇಳಿಕೆ

ವೇಶ್ಯಾವಾಟಿಕೆಗಿಳಿದ ಶಗುಫ್ತಾ

ಮುಂಬೈನಲ್ಲಿ ವೇಶ್ಯಾವಾಟಿಕೆ ವೃತ್ತಿಯಲ್ಲಿ ತೊಡಗಿದ ಶಗುಫ್ತಾ ಸ್ವಲ್ಪ ಹಣವನ್ನೂ ಮಾಡಿದರು. ನಂತರ ಮುಂಬೈನಲ್ಲಿಯೇ ಕೆಲ ದಿನ ಡಾನ್ಸ್‌ ಬಾರ್‌ನಲ್ಲಿ ದುಡಿದ ಶಗುಫ್ತಾ, ತನ್ನ 25ನೇ ವಯಸ್ಸಿಗೆ ಕೆಲವರ ಒತ್ತಾಯದ ಮೇರೆಗೆ ದುಬೈಗೆ ತೆರಳಿದರು. ಅಲ್ಲಿಗೂ ಅವರು ವೇಶ್ಯಾವಾಟಿಕೆಗೆಂದೇ ಹೋಗಿದ್ದರು.

ಮದುವೆಯಾಗುತ್ತೇನೆ ಎಂದ ಪಾಕಿಸ್ತಾನಿ ವ್ಯಕ್ತಿ

ದುಬೈನಲ್ಲಿ ಅವರಿಗಿಂತ ಇಪ್ಪತ್ತು ವರ್ಷ ದೊಡ್ಡವನಾದ ಪಾಕಿಸ್ತಾನಿ ಬ್ಯುಸಿನೆಸ್‌ಮ್ಯಾನ್ ಒಬ್ಬ ಶಗುಫ್ತಾ ಅವರನ್ನನು ಮದುವೆಯಾಗುವುದಾಗಿ ಹೇಳಿದ. ಹಾಗೂ-ಹೀಗೂ ಒಂದು ನೆಲೆಯಾದರೂ ಸಿಗುತ್ತದೆಂದು ಹೂಂ ಎಂದರು ಶಗುಫ್ತಾ. ಆದರೆ ಅವರ ದುರಾದೃಷ್ಟಕ್ಕೆ ಆತ ಅಚಾನಕ್ಕಾಗಿ ಮರಣಕ್ಕೀಡಾದ.

ಹೆಣ್ಣಾಗಿ ಹುಟ್ಟಿದ್ದು ತಪ್ಪೇ?: ಕಣ್ಣೀರು ಹಾಕಿದ ನಟಿ ಅದಿತಿ

ಡಾನ್ಸ್‌ ಬಾರ್‌ನಲ್ಲಿ ಕುಣಿಯುವುದು ಮುಂದುವರೆಸಿದರು

ನಂತರ ಅವರು ಮುಂಬೈಗೆ ಬಂದು ಡಾನ್ಸ್‌ ಬಾರ್‌ಗಳಲ್ಲಿ ಕುಣಿಯುವ ಕೆಲಸ ಮುಂದುವರೆಸಿದರು. ಅದರ ನಡುವೆಯೇ ಕತೆಗಳನ್ನು ಬರೆಯಲು ಪ್ರಾರಂಭಿಸಿದರು. ತಾವು ಅನುಭವಿಸಿದ, ತಾವು ಕಂಡ, ಕೇಳಿದ ಕತ್ತಲ ಸಾಮ್ರಾಜ್ಯದ ಕತೆಗಳನ್ನು ಬರೆದರು.

19 ಬಾಲಿವುಡ್‌ ಸಿನಿಮಾಗಳಿಗೆ ಕತೆ

ಸಿನಿಮಾಗಳಲ್ಲಿ ಪ್ರಯತ್ನಿಸುವಾಗ ವಿನೇಶ್ ಸ್ಟುಡಿಯೋಸ್‌ನ ಮಹೇಶ್ ಭಟ್, ಶಗುಫ್ತಾ ಅವರ ಪ್ರತಿಭೆ ಗುರುತಿಸಿ ತಮ್ಮ ಸ್ಟುಡಿಯೋಕ್ಕೆ ಸೇರಿಸಿಕೊಂಡರು. ಈ ವರೆಗೆ 19 ಸಿನಿಮಾಗಳಿಗೆ ಕತೆ, ಚಿತ್ರಕತೆ ಬರೆದಿದ್ದಾರೆ ಶಗುಫ್ತಾ. ಒಂದು ತೆಲುಗು ಸಿನಿಮಾಕ್ಕೂ ಕತೆ ಬರೆದಿದ್ದಾರೆ.

ಮೂರು ಸಿನಿಮಾ ನಿರ್ದೇಶನ ಸಹ ಮಾಡಿದ್ದಾರೆ

ಶಗುಫ್ತಾ ಸ್ವತಃ ನಿರ್ದೇಶನಕ್ಕೂ ಇಳಿದಿದ್ದು, ಪಂಜಾಬಿಯಲ್ಲಿ ದುಶ್ಮನ್, ಬಂಗಾಳಿಯಲ್ಲಿ ಮೋನ್ ಜಾನೆ ನಾ ಸಿನಿಮಾ ನಿರ್ದೇಶಿಸಿದ್ದಾರೆ. ಅವರ ಮತ್ತೊಂದು ನಿರ್ದೇಶನದ ಸಿನಿಮಾ 'ಸೆವೆನ್' ಬಿಡುಗಡೆ ಆಗಬೇಕಿದೆ.