Don't Miss!
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Lifestyle ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- News ಮೈಸೂರು: ಪ್ರಧಾನಿ ಮೋದಿ ಕುರಿತಾದ ಹಾಡು ಶೇರ್ ಮಾಡಿ ಎಂದಿದ್ದಕ್ಕೆ ಯುವಕನ ಮೇಲೆ ಹಲ್ಲೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಾರೂಖ್ ಖಾನ್, ಗೌರಿ ದಂಪತಿಗಳಿಗೆ ಗಂಡು ಮಗು
ಬಾಲಿವುಡ್ ಬಾದಶಾ ಶಾರೂಖ್ ಖಾನ್ ಗಂಡು ಮಗುವಿನ ತಂದೆಯಾಗಿದ್ದಾರೆ. ತನ್ನ ಮಡದಿ ಗೌರಿ ಖಾನ್ ಅವರ ಅತ್ತಿಗೆ ನಮಿತಾ ಚಿಬ್ಬರ್ ಹೆತ್ತು ಕೊಟ್ಟ ಮಗುವಿಗೆ ಶಾರೂಖ್ ಖಾನ್ ಅಪ್ಪ ಆಗಿದ್ದಾರೆ.
ಶಾರೂಖ್ ಮತ್ತು ಗೌರಿ ಬಾಡಿಗೆ ತಾಯಿ ಮೂಲಕ ಗಂಡು ಮಗುವನ್ನು ಪಡೆಯಲಿದ್ದಾರೆ ಎನ್ನುವ ಸುದ್ದಿಯಾಗಿತ್ತು. ಅದು ಈಗ ನಿಜವಾಗಿದೆ. ಗೌರಿ ಅತ್ತಿಗೆ ನಮಿತಾ ಕಳೆದ ಜೂನ್ ನಾಲ್ಕರಂದೇ ಮಗುವಿಗೆ ಜನ್ಮ ನೀಡಿದ್ದರು. ಆದರೆ ಪ್ರಿಮೆಚ್ಯೂರ್ಡ್ ಮಗುವಾಗಿರುವುದರಿಂದ ಮುಂಬೈನ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಯ ಐಸಿಯುನಲ್ಲಿ ಇಡಲಾಗಿದೆ.
ಮಗು ಬೇಕಾದಷ್ಟು ತೂಕ ಬರುವವರೆಗೆ ಆಸ್ಪತ್ರೆಯಲ್ಲೇ ಉಳಿಯಲಿದೆ ಎನ್ನಲಾಗುತ್ತಿದೆ. ನಮಿತಾ ಚೆಬ್ಬರ್ ಆಸ್ಪತ್ರೆಯಿಂದ ಬಿಡುಗಡೆಯಾದಾಗ ಡಿಸ್ಚಾರ್ಜ್ ಫಾರಂನಲ್ಲಿ ಶಾರೂಖ್ ಖಾನ್ ಅವರ ಖಾಸಾಗಿ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿದ್ದಾರೆ, ಅಲ್ಲದೇ ಮಗುವಿನ ಹೆಸರನ್ನು 'ಅಬ್ರಾಂ' ಎಂದು ಬರೆದಿದ್ದಾರೆ.
ಶಾರೂಖ್ ಮತ್ತು ಗೌರಿ ದಂಪತಿಗಳಿಗೆ ಆರ್ಯನ್ ಮತ್ತು ಸುಹಾನ ಎಂಬ ಇಬ್ಬರು ಮಕ್ಕಳಿದ್ದಾರೆ. ಬಾಲಿವುಡ್ ತಾರೆಗಳು ದತ್ತು ಪಡೆಯುವುದು ಹೊಸದೇನಲ್ಲ. ಕೆಲವೊಂದು ಸ್ಲೈಡಿನಲ್ಲಿದೆ ನೋಡಿ..
ಶಾರೂಖ್ - ಗೌರಿ
ಶಾರುಖ್ ಮತ್ತು ದೀಪಿಕಾ ಪಡುಕೋಣೆ ಪ್ರಮುಖ ತಾರಾಗಣದಲ್ಲಿರುವ ಚೆನ್ನೈ ಎಕ್ಸ್ ಪ್ರೆಸ್ ಚಿತ್ರದ ಚಿತ್ರೀಕರಣದ ವೇಳೆ ಶಾರೂಖ್ ದಂಪತಿಗಳಿಗೆ ಇನ್ನೊಂದು ಮಗು ಪಡೆಯುವ ಆಸೆಯಾಗಿತ್ತು. ಆದರೆ ಗೌರಿಗೆ ನಲವತ್ತು ವರ್ಷ ದಾಟಿದ್ದರಿಂದ ಅಪಾಯ ತಂದುಕೊಳ್ಳಲು ಇಷ್ಟಪಡದೇ ದತ್ತು ಪಡೆಯಲು ನಿರ್ಧರಿಸಿದ್ದರು.
ಅಮೀರ್ ಖಾನ್ - ಕಿರಣ್ ರಾವ್
ಬಾಲಿವುಡ್ ಜಗತ್ತಿನ Mr. Perfectionist ಎಂದೇ ಹೆಸರಾಗಿರುವ ಅಮೀರ್ ಖಾನ್ ಮತ್ತು ಕಿರಣ್ ರಾವ್ ದಂಪತಿಗಳೂ ಬಾಡಿಗೆ ತಾಯಿ ಮೂಲಕ ಗಂಡು ಮಗುವನ್ನು ಪಡೆದಿದ್ದರು. ಮಗುವಿಗೆ ಆಜಾದ್ ರಾವ್ ಎಂದು ಹೆಸರಿಡಲಾಗಿದೆ.
ಸುಭಾಷ್ ಘಾಯ್
ಹೆಸರಾಂತ ಹಿಂದಿ ಚಿತ್ರ ನಿರ್ಮಾಪಕ ಸುಭಾಷ್ ಘಾಯ್ ಹೆಣ್ಣು ಮಗುವನ್ನು ದತ್ತು ಪಡೆದಿದ್ದರು. ಇವಳಿಗೆ ಸಂಪೂರ್ಣವಾಗಿ ಲಂಡನ್ ನಲ್ಲಿ ವಿದ್ಯಾಭ್ಯಾಸ ನೀಡಿದ ಸುಭಾಷ್ ಘಾಯ್ , ನಟನೆಯ ಜವಾಬ್ದಾರಿಯನ್ನು ವಿಜಲಿಂಗ್ ವುಡ್ಸ್ ಎನ್ನುವ ಸಂಸ್ಥೆಗೆ ನೀಡಿದ್ದರು. ಈಕೆಯ ಹೆಸರು ಮೇಘನಾ.
ರವೀನಾ ಟಂಡನ್
ಇಬ್ಬರು ಹೆಣ್ಣು ಮಕ್ಕಳನ್ನು ರವೀನಾ ದತ್ತು ಪಡೆದಿದ್ದರು. ರವೀನಾ, ಅನಿಲ್ ತಡಾನಿ ಅವರನ್ನು ವರಿಸುವ ಮುನ್ನವೇ ದತ್ತು ಪಡೆದಿದ್ದರು. ಇವರ ಹೆಸರು ಛಾಯಾ ಮತ್ತು ಪೂಜಾ.
ಸುಷ್ಮಿತಾ ಸೇನ್
ಎರಡು ಹೆಣ್ಣು ಮಗುವನ್ನು ದತ್ತು ಪಡೆದ ಬಾಲಿವುಡ್ಡಿನ ಮತ್ತೊಬ್ಬ ನಟಿ. ಮಕ್ಕಳನ್ನು ತನ್ನ ಜೊತೆಯೇ ಸಾಕುತ್ತಿರುವ ಸುಷ್ಮಿತಾ, ಮಕ್ಕಳಿಗೆ ರೀನೆ ಮತ್ತು ಆಲಿಶ್ ಎಂದು ಹೆಸರಿಟ್ಟಿದ್ದಾರೆ.