ಶ್ರೀದೇವಿ ಸಾವಿನ ಹಿಂದೆ ಬಿದ್ದ ಪ್ರಿಯಾ ವಾರಿಯರ್: ಬೋನಿ ಕಪೂರ್ ವಾರ್ನಿಂಗ್.!

ಎಲ್ಲದಕ್ಕೂ ಕಾರಣ 'ಶ್ರೀದೇವಿ ಬಂಗಲೆ'

ಪ್ರಿಯಾ ಪ್ರಕಾಶ್ ವಾರಿಯರ್ ಮತ್ತು ತಂಡಕ್ಕೆ ಬೋನಿ ಕಪೂರ್ ಲೀಗಲ್ ನೋಟೀಸ್ ನೀಡಲು ಕಾರಣ 'ಶ್ರೀದೇವಿ ಬಂಗಲೆ' ಸಿನಿಮಾ. ಪ್ರಶಾಂತ್ ಮಂಬಲಿ ನಿರ್ದೇಶನದ ಈ ಚಿತ್ರದ ಟೀಸರ್ ರಿಲೀಸ್ ಆಗಿದ್ದು, ಇದು ಶ್ರೀದೇವಿ ಸಾವಿನ ಸುತ್ತ ಕಥೆ ಮಾಡಲಾಗಿದೆ ಎಂಬ ಅನುಮಾನ ಮೂಡಿಸಿದೆ.

ನಟಿ ಶ್ರೀದೇವಿ ಅಕಾಲ ಸಾವಿಗೆ ನಿಜವಾದ ಕಾರಣ 'ಇದೇ'ನಾ.?

ಬಾತ್ ಟಬ್ ನಲ್ಲಿ ಶ್ರೀದೇವಿ

ದುಬೈನಲ್ಲಿ ಮದುವೆ ಸಮಾರಂಭಕ್ಕೆ ಹೋಗಿದ್ದ ಶ್ರೀದೇವಿ ಬಾತ್ ಟಬ್ ನಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಈಗ ರಿಲೀಸ್ ಆಗಿರುವ 'ಶ್ರೀದೇವಿ ಬಂಗಲೆ' ಚಿತ್ರದ ಟೀಸರ್ ನಲ್ಲೂ ಆ ದೃಶ್ಯವಿದೆ. ಜೊತೆಗೆ ಈ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿರುವ ಪ್ರಿಯಾ ಪಾತ್ರದ ಹೆಸರು ಶ್ರೀದೇವಿ. ಈಕೆಯೊಬ್ಬ ಖ್ಯಾತ ನಟಿಯ ಪಾತ್ರ ನಿರ್ವಹಿಸಿದ್ದಾರೆ. ಇದೆಲ್ಲವನ್ನ ಗಮನಿಸಿದ್ರೆ ಇದು ಶ್ರೀದೇವಿ ಸಾವಿನ ಸುತ್ತ ಮಾಡುತ್ತಿರುವ ಸಿನಿಮಾ ಎಂಬುದು ಸಾಮಾನ್ಯ ಜನರಿಗೂ ಗೊತ್ತಾಗುತ್ತೆ.

ಸರ್ಪ್ರೈಸ್ ಕೊಡಲು ಹೋದ ಬೋನಿ ಕಪೂರ್ ಗೆ ಕಾದಿತ್ತು ಶಾಕ್: ಬಾತ್ ಟಬ್ ನಲ್ಲಿ ಬಿದ್ದಿದ್ದ ಶ್ರೀದೇವಿ!

ಬೋನಿ ಕಪೂರ್ ಕೋಪ.!

ಇದೀಗ, 'ಶ್ರೀದೇವಿ ಬಂಗಲೆ' ಟೀಸರ್ ನೋಡಿದ ಬೋನಿ ಕಪೂರ್ ಚಿತ್ರತಂಡಕ್ಕೆ ಲೀಗಲ್ ನೋಟಿಸ್ ನೀಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ನಿರ್ದೇಶಕ ಪ್ರಶಾಂತ್ ಮಂಬಲಿ, ನಾವು ಇದನ್ನ ಎದರಿಸುತ್ತೇವೆ. ನಮ್ಮದು ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ. ಶ್ರೀದೇವಿ ಎಂಬುದು ಕಾಮನ್ ಹೆಸರು. ನಟಿಯೊಬ್ಬರ ಕಥೆ ಮಾಡುತ್ತಿದ್ದೇವೆ'' ಎಂದು ಸ್ಪಷ್ಟಪಡಿಸಿದ್ದಾರೆ.

ಸಾವಿಗೂ ಮುನ್ನ ನೆರವೇರಲಿಲ್ಲ ಶ್ರೀದೇವಿ ಅವರ ಈ ಒಂದು ಆಸೆ

ಪ್ರಿಯಾ ಪ್ರಕಾಶ್ ಕಥೆಯೇನು?

'ಒರು ಅದಾರ್ ಲವ್' ಚಿತ್ರದ ಹಾಡಿನ ಮೂಲಕ ಭಾರಿ ಸದ್ದು ಮಾಡಿದ ಪ್ರಿಯಾ, ಈಗ ಶ್ರೀದೇವಿ ಬಂಗಲೆ ಚಿತ್ರದಿಂದ ಬಾಲಿವುಡ್ ಗೆ ಪ್ರವೇಶ ಮಾಡ್ತಿದ್ದಾರೆ. ಮೊದಲ ಸಿನಿಮಾನೇ ವಿವಾದಕ್ಕೆ ಸಿಲುಕಿಕೊಂಡಿದೆ. ಲೀಗಲ್ ನೋಟೀಸ್ ಬಗ್ಗೆ ಪ್ರಿಯಾ ಏನೂ ಮಾತನಾಡಿಲ್ಲ. ಸದ್ಯ, ಶೂಟಿಂಗ್ ನಡೆಯುತ್ತಿದ್ದು, ಟೀಸರ್ ಬಿಸಿಬಿಸಿ ಚರ್ಚೆಯಾಗ್ತಿದೆ.

ಶ್ರೀದೇವಿಯನ್ನೇ ಹೋಲುತ್ತಿದ್ದ ನಟಿ: ಈಕೆಯದ್ದು ದುರಂತ ಸಾವೇ.!