'ಬ್ರಹ್ಮಾಸ್ತ್ರ' ಠುಸ್: ಪಿವಿಆರ್ ಹಾಗೂ ಐನಾಕ್ಸ್‌ಗೆ ₹800 ಕೋಟಿ ನಷ್ಟ ಹೇಗೆ?

'ಬ್ರಹ್ಮಾಸ್ತ್ರ' ಬಜೆಟ್ ಎಷ್ಟು?

ರಣ್‌ಬೀರ್ ಕಪೂರ್, ಆಲಿಯಾ ಭಟ್ ಅಮಿತಾಬ್ ಬಚ್ಚನ್ ಹಾಗೂ ಟಾಲಿವುಡ್ ಸ್ಟಾರ್ ನಾಗಾರ್ಜುನಾ ಅಭಿನಯಿಸಿದ ಸಿನಿಮಾ 'ಬ್ರಹ್ಮಾಸ್ತ್ರ'. ಇದೇ ಸಿನಿಮಾದಲ್ಲಿ ಬಾಲಿವುಡ್‌ನ ಕಿಂಗ್ ಖಾನ್ ಶಾರುಖ್ ಖಾನ್ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಷ್ಟು ದೊಡ್ಡ ತಾರಾಗಣವಿರುವ 'ಬ್ರಹ್ಮಾಸ್ತ್ರ' ₹410 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣ ಆಗಿದೆ ಎನ್ನಲಾಗಿದೆ. ಈ ಸಿನಿಮಾದ ನಿರ್ಮಾಪಕರಲ್ಲಿ ಕರಣ್ ಜೋಹರ್ ಕೂಡ ಒಬ್ಬರು. ಇವರೊಂದಿಗೆ ರಣ್‌ಬೀರ್ ಕಪೂರ್ ಸೇರಿದಂತೆ ನಿರ್ದೇಶಕ ಅಯಾನ್ ಮುಖರ್ಜಿ ಕೂಡ ನಿರ್ಮಾಪಕರಲ್ಲಿ ಒಬ್ಬರು.

ಪಿವಿಆರ್‌-ಐನಾಕ್ಸ್‌ಗೆ ನಷ್ಟ ಹೇಗೆ?

'ಬ್ರಹಾಸ್ತ್ರ'ಗೂ ಪಿವಿಆರ್‌ ಹಾಗೂ ಐನಾಕ್ಸ್‌ಗೂ ಏನು ಸಂಬಂಧ ಅನ್ನುವ ಪ್ರಶ್ನೆ ಮೂಡಬಹುದು. ಸಿನಿಮಾವನ್ನು ಪ್ರದರ್ಶನ ಮಾಡುವುದು ಬಿಟ್ಟರೆ, ಬೇರೆ ಯಾವುದೇ ವ್ಯವಹಾರವಿಲ್ಲ. ಆದರೂ, ಇವೆರಡೂ ಮಲ್ಟಿಪ್ಲೆಕ್ಸ್‌ಗೆ ₹800 ಕೋಟಿ ನಷ್ಟ ಆಗಿದೆ. ಅಷ್ಟಕ್ಕೂ ಇಷ್ಟೊಂದು ನಷ್ಟ ಆಗಿದ್ದೇಗೆ? ಅನ್ನೋ ಪ್ರಶ್ನೆಗೆ ಉತ್ತರ ಇಲ್ಲಿದೆ. ಪಿವಿಆರ್ ಹಾಗೂ ಐನಾಕ್ಸ್ ಎರಡರ ಷೇರುಗಳು ಕಳೆದ ಎರಡು ವಾರಗಳಲ್ಲಿ ಶೇ.7 ರಿಂದ 10ರಷ್ಟು ಏರಿಕೆಯಾಗಿತ್ತು. ಹೀಗಾಗಿ 'ಬ್ರಹ್ಮಾಸ್ತ್ರ' ಸಿನಿಮಾದಿಂದ ಮತ್ತೆ ಏರಿಕೆಯಾಗಬಹುದು ಎಂದು ನಿರೀಕ್ಷೆ ಮಾಡಲಾಗಿತ್ತು. ಆದರೆ, ಕೆಟ್ಟ ವಿಮರ್ಶೆಯಿಂದ ಪಿವಿಆರ್ ಹಾಗೂ ಐನಾಕ್ಸ್‌ನ ಗಣನೀಯ ಇಳಿಕೆ ಕಂಡಿದೆ. ಪಿವಿಆರ್ ಶೆ.5.31ರಷ್ಟು ಕುಸಿತ ಕಂಡಿದ್ರೆ, ಐನಾಕ್ಸ್ ಶೇ.5.31ರಷ್ಟು ಇಳಿಕೆ ಕಂಡಿದೆ. ಹೀಗಾಗಿ ಇವೆರಡರಿಂದ ₹800 ಕೋಟಿ ಬಂಡವಾಳ ಕಳೆದುಕೊಂಡಿದೆ ಎಂದು ವರದಿಯಾಗಿದೆ.

'ಬ್ರಹ್ಮಾಸ್ತ್ರ' ಎಷ್ಟು ಸ್ಕ್ರೀನ್‌ಗಳಲ್ಲಿ ರಿಲೀಸ್

ರಣ್‌ಬೀರ್ ಕಪೂರ್ ಹಾಗೂ ಆಲಿಯಾ ಭಟ್ ಸಿನಿಮಾ 'ಬ್ರಹ್ಮಾಸ್ತ್ರ' ವಿಶ್ವದಾದ್ಯಂತ ಸುಮಾರು 8 ಸಾವಿರ ಸ್ಕ್ರೀನ್‌ಗಳಲ್ಲಿ ರಿಲೀಸ್ ಆಗಿದೆ. ಭಾರತದಲ್ಲಿ 5 ಸಾವಿರ ಸ್ಕ್ರೀನ್‌ಗಳಲ್ಲಿ ಬಿಡುಗಡೆಯಾಗಿದ್ದರೆ. ವಿದೇಶದಲ್ಲಿ ಸುಮಾರು 3 ಸಾವಿರ ಸ್ಕ್ರೀನ್‌ಗಳಲ್ಲಿ ರಿಲೀಸ್ ಆಗಿದೆ.

ಕಿಕ್ ಕೊಟ್ಟಿತ್ತು ಅಡ್ವಾನ್ಸ್ ಬುಕಿಂಗ್

'ಬ್ರಹ್ಮಾಸ್ತ್ರ' ಬಿಡುಗಡೆಗೂ ಮುನ್ನವೇ ಸುಮಾರು 1 ಲಕ್ಷ ಟಿಕೆಟ್‌ಗಳನ್ನು ಸೇಲ್ ಮಾಡಿತ್ತು. ಹೀಗಾಗಿ ಮೊದಲ ದಿನ ಸುಮಾರು 23 ಕೋಟಿ ರೂ. ಕಲೆ ಹಾಕಿರಬಹುದು ಎಂದು ನಿರೀಕ್ಷೆ ಮಾಡಲಾಗಿತ್ತು. ಈಗ ಹೊರಬಿದ್ದಿರೋ ವಿಮರ್ಶೆಯ ಪ್ರಕಾರ, 'ಬ್ರಹ್ಮಾಸ್ತ್ರ' 200 ರಿಂದ 270 ಕೋಟಿ ಲೈಫ್‌ ಟೈಮ್‌ನಲ್ಲಿ ಕಲೆ ಹಾಕಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ.