1995ರಲ್ಲಿ 'DDLJ' ಗಳಿಸಿದ್ದೆಷ್ಟು, ಇಂದಿಗೆ ಅದರ ಮೌಲ್ಯವೆಷ್ಟು? ಕಲೆಕ್ಷನ್ ಕುರಿತು ಬಿಚ್ಚಿಟ್ಟ ನಿರ್ಮಾಪಕ

ಡಿಡಿಎಲ್‌ಜೆ ಚಿತ್ರಕ್ಕೆ ಬಂಡವಾಳ ಎಷ್ಟು?

ಶಾರೂಖ್ ಖಾನ್, ಕಾಜೋಲ್, ಅಂಬರೀಶ್ ಪುರಿ, ಫರೀದ ಜಲಾಲ್, ಅನುಪಮ್ ಖೇರ್ ಸೇರಿದಂತೆ ಬಹುದೊಡ್ಡ ತಾರಬಳಗ ಕಾಣಿಸಿಕೊಂಡಿದ್ದ ಸಿನಿಮಾ 1995 ಅಕ್ಟೋಬರ್ 25 ರಂದು ಬಿಡುಗಡೆಯಾಗಿತ್ತು. ಆದಿತ್ಯ ಚೋಪ್ರಾ ನಿರ್ದೇಶಿಸಿದ್ದ ಈ ಚಿತ್ರವನ್ನು ಯಶ್ ಚೋಪ್ರಾ ನಿರ್ಮಿಸಿದ್ದರು. ಆಗಿನ ಸಮಯದಲ್ಲಿ ಈ ಚಿತ್ರ ತಯಾರಿಸಲು ತಗುಲಿದ ವೆಚ್ಚು ಕೇವಲ 4 ಕೋಟಿ. ಈ ಮಾಹಿತಿಯನ್ನು ಖ್ಯಾತ ವಿಶ್ಲೇಷಕ ತರಣ್ ಆದರ್ಶ್ ಹಂಚಿಕೊಂಡಿದ್ದಾರೆ.

'DDLJ' ಚಿತ್ರಕ್ಕೆ 25ನೇ ವರ್ಷದ ಸಂಭ್ರಮ: ಲಂಡನ್ ನಲ್ಲಿ ಶಾರುಖ್-ಕಾಜೋಲ್ ಪ್ರತಿಮೆ ಅನಾವರಣ

ಡಿಡಿಎಲ್‌ಜೆ ಗಳಿಕೆ ಎಷ್ಟು?

'ದಿಲ್ವಾಲೆ ದುಲ್ಹನಿಯಾ ಲೇ ಜಾಯೆಂಗೆ' ಸಿನಿಮಾ ತೆರೆಕಂಡಾಗ ಭರ್ಜರಿ ಓಪನಿಂಗ್ ಸಿಕ್ಕಿತ್ತು. ಸಿನಿಮಾ ದೊಡ್ಡ ಮಟ್ಟದಲ್ಲಿ ಹಿಟ್ ಆಯಿತು. ಇದರ ಪರಿಣಾಮ ಡಿಡಿಎಲ್‌ಜೆ ಆಗಿನ ಸಮಯದಲ್ಲಿ ಗಳಿಸಿದ್ದು ಬರೋಬ್ಬರಿ 102.5 ಕೋಟಿ. (ಭಾರತದಲ್ಲಿ 89 ಕೋಟಿ ಹಾಗೂ ವಿದೇಶದಲ್ಲಿ 13.5 ಕೋಟಿ ಗಳಿಕೆ).

ಈಗ ಅದರ ಮೌಲ್ಯವೆಷ್ಟು?

ನಿರ್ಮಾಪಕರು ನೀಡಿರುವ ಮಾಹಿತಿ ಆಧಾರದಲ್ಲಿ ನೋಡುವುದಾದರೆ ಆಗಿನ ಸಮಯಕ್ಕೆ DDLJ ಕಲೆಕ್ಷನ್ ದಾಖಲೆಯಾಗಿತ್ತು. ಆಗಲೇ ನೂರು ಕೋಟಿ ಕ್ಲಬ್‌ ದಾಟಿತ್ತು. ಈಗಿನ ಸಮಯದಕ್ಕೆ ಅದರ ಮೌಲ್ಯ ಎಷ್ಟು ಎಂದು ಅಂದಾಜು ಹಾಕಿದರೆ ನಿಜಕ್ಕೂ ಅಚ್ಚರಿಯಾಗುತ್ತದೆ. ಈಗ ಅದರ ಅಂದಾಜು 524 ಕೋಟಿ ಎಂದು ಹೇಳಲಾಗಿದೆ. (ಭಾರತದಲ್ಲಿ 455 ಕೋಟಿ ಹಾಗೂ ವಿದೇಶದಲ್ಲಿ 69 ಕೋಟಿ)

'DDLJ' ಚಿತ್ರಕ್ಕೆ 25ನೇ ವರ್ಷದ ಸಂಭ್ರಮ: ಹೆಸರು ಬದಲಾಯಿಸಿಕೊಂಡ ಶಾರುಖ್-ಕಾಜೋಲ್

Recommended Video

ಮೈಸೂರಿನಲ್ಲಿ ಬೀಡುಬಿಟ್ಟ ಹರಿಪ್ರಿಯಾ, ನೀನಾಸಂ ಸತೀಶ್ | Filmibeat Kannada

ಹೆಚ್ಚು ಗಳಿಕೆ ಮಾಡಿದ ಶಾರೂಖ್ ಚಿತ್ರ

ಜಗತ್ತಿನಾದ್ಯಂತ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರಗಳ ಪೈಕಿ ಶಾರೂಖ್ ನಟಿಸಿರುವ ಚೆನ್ನೂ ಎಕ್ಸ್‌ಪ್ರೆಸ್‌ ಸಿನಿಮಾ 18ನೇ ಸ್ಥಾನದಲ್ಲಿದೆ. 423 ಕೋಟಿ ಗಳಿಕೆ ಕಂಡಿರುವ ಈ ಚಿತ್ರ ಶಾರೂಖ್ ವೃತ್ತಿ ಜೀವನದಲ್ಲಿ ಮೊದಲ ಸ್ಥಾನದಲ್ಲಿದೆ. ಹಾಗ್ನೋಡಿದ್ರೆ, ಡಿಡಿಎಲ್‌ಜೆ ಸಿನಿಮಾ ಈ ದಾಖಲೆಯನ್ನು ಸಹ ಬ್ರೇಕ್ ಮಾಡಿದೆ.