ಪ್ರಭಾಸ್ ಸಿನಿಮಾಕ್ಕೆ ಕೈಕೊಟ್ಟರಾ ದೀಪಿಕಾ ಪಡುಕೋಣೆ?

ಹೃತಿಕ್ ರೋಷನ್ ಸಿನಿಮಾಕ್ಕೆ ಡೇಟ್ಸ್ ನೀಡಿದ ದೀಪಿಕಾ

ನಾಗ್ ಅಶ್ವಿನ್ ನಿರ್ದೇಶಿಸಲಿರುವ ಪ್ರಭಾಸ್-ದೀಪಿಕಾ ನಟನೆಯ ಸಿನಿಮಾವು ಮೇ-ಜೂನ್ ವೇಳೆಗೆ ಪ್ರಾರಂಭವಾಗಲಿತ್ತು. ಅದೇ ವೇಳೆಗೆ ದೀಪಿಕಾ ಪಡುಕೋಣೆ ಚಿತ್ರೀಕರಣಕ್ಕೆ ಹಾಜರಾಗಬೇಕಿತ್ತು. ಆದರೆ ಅದೇ ಡೇಟ್ಸ್ ಅನ್ನು ಈಗ ಹೃತಿಕ್ ರೋಷನ್ ಸಿನಿಮಾಕ್ಕೆ ಕೊಟ್ಟಿದ್ದಾರೆ ದೀಪಿಕಾ ಪಡುಕೋಣೆ.

ಫೈಟರ್ ಗಾಗಿ ಪ್ರಭಾಸ್ ಸಿನಿಮಾದಿಂದ ಹಿಂದಕ್ಕೆ

'ಫೈಟರ್' ಸಿನಿಮಾಕ್ಕಾಗಿ ಪ್ರಭಾಸ್ ಸಿನಿಮಾದಿಂದ ದೀಪಿಕಾ ಪಡುಕೋಣೆ ಹಿಂದೆ ಸರಿದಿದ್ದಾರೆ ಎನ್ನಲಾಗುತ್ತಿದೆ. ಸಲಾರ್ ಹಾಗೂ ಆದಿಪುರುಷ್ ಸಿನಿಮಾದಲ್ಲಿ ಬ್ಯುಸಿಯಾಗಿರುವ ಪ್ರಭಾಸ್ , ದೀಪಿಕಾ ಜೊತೆಗಿನ ಸಿನಿಮಾವನ್ನು ಇನ್ನಷ್ಟು ಹಿಂದಕ್ಕೆ ತಳ್ಳಿದ್ದಾರೆ ಎನ್ನಲಾಗಿದೆ.

ಹೃತಿಕ್ ಸಿನಿಮಾಕ್ಕೆ ಡೇಟ್ಸ್ ಕೊಟ್ಟ ದೀಪಿಕಾ

ಸಿನಿಮಾ ವನ್ನು ಮುಂದೂಡಿದ ಕಾರಣದಿಂದಲೇ ದೀಪಿಕಾ ಪಡುಕೋಣೆ ತಮ್ಮ ಡೇಟ್ಸ್ ಅನ್ನು ಹೃತಿಕ್ ಸಿನಿಮಾಕ್ಕೆ ನೀಡಿದ್ದಾರೆ, ಪ್ರಭಾಸ್ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ನಟಿಸುವುದು ಅನುಮಾನ ಎನ್ನಲಾಗುತ್ತಿದೆ. ನಿರ್ದೇಶಕ ನಾಗ್ ಅಶ್ವಿನ್, ಹೊಸ ನಾಯಕಿಯನ್ನು ಹುಡುಕಬೇಕಾದ ಪರಿಸ್ಥಿತಿ ಒದಗಿ ಬರುವ ಸಾಧ್ಯತೆ ಇದೆ.

ಯಾವ-ಯಾವ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ ಪ್ರಭಾಸ್-ದೀಪಿಕಾ

ನಟಿ ದೀಪಿಕಾ ಪಡುಕೋಣೆ ಪ್ರಸ್ತುತ ಶಾರುಖ್ ಖಾನ್ ನಟನೆಯ 'ಪಠಾಣ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆ ಸಿನಿಮಾದ ಬಳಿಕ ಹೃತಿಕ್ ಜೊತೆ ಫೈಟರ್ ಪ್ರಾರಂಭಿಸಲಿದ್ದಾರೆ. ಇನ್ನು ನಟ ಪ್ರಭಾಸ್, ರಾಧೆ-ಶ್ಯಾಂ ಚಿತ್ರೀಕರಣ ಮುಗಿಸಿ ಇದೀಗ ಸಲಾರ್ ಹಾಗೂ ಆದುಪುರುಷ್ ಸಿನಿಮಾದ ಚಿತ್ರೀಕರಣದಲ್ಲಿ ತೊಡಗಿಕೊಳ್ಳಲಿದ್ದಾರೆ.