ಪ್ರಭಾಸ್ ಅಭಿಮಾನಿಗಳ ಸಿಟ್ಟೇರಿಸಿದ ದೀಪಿಕಾ ಪಡುಕೋಣೆ ಟ್ವೀಟ್

'ಸಿನಿಮಾ ಹೆಸರು 'ಪ್ರಭಾಸ್ 21' ಅಲ್ಲ'

ಈ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿ ಭಾನುವಾರ ಟ್ವೀಟ್ ಮಾಡಿರುವ ದೀಪಿಕಾ, 'ಈ ಸಿನಿಮಾಕ್ಕೆ ಪ್ರಭಾಸ್ 21 ಎಂದು ಹೆಸರಿಟ್ಟಿಲ್ಲ. ಇದು ಪ್ರಭಾಸ್ ನಟಿಸುತ್ತಿರುವ 21ನೇ ಸಿನಿಮಾ ಅಷ್ಟೆ' ಎಂದು ಹೇಳಿದ್ದಾರೆ. ಮುಂದುವರೆದು ಇನ್ನೂ ಕೆಲವು ವಿಷಯಗಳನ್ನು ದೀಪಿಕಾ ಸ್ಪಷ್ಟಪಡಿಸಿದ್ದಾರೆ.

'ಇದು ತ್ರಿಭಾಷಾ ಸಿನಿಮಾ, ಕೇವಲ ತೆಲುಗು ಸಿನಿಮಾ ಅಲ್ಲ'

ಇದು ತ್ರಿಭಾಷಾ ಸಿನಿಮಾ ಆಗಿದ್ದು, ಸಿನಿಮಾವನ್ನು ಹಿಂದಿ, ತೆಲುಗು, ತಮಿಳು ಭಾಷೆಗಳಲ್ಲಿ ನಿರ್ಮಿಸಲಾಗುತ್ತಿದೆ. ಇದು ಕೇವಲ ತೆಲುಗು ಸಿನಿಮಾ ಮಾತ್ರ ಅಲ್ಲ ಎಂಬರ್ಥದಲ್ಲಿ ಹೇಳಿದ್ದಾರೆ ದೀಪಿಕಾ ಪಡುಕೋಣೆ.

13 ವರ್ಷದ ಹಿಂದೆ ತನಗಾಗಿ ಬರೆದಿದ್ದ ಕತೆಯನ್ನು ಈಗ ಒಪ್ಪಿಕೊಂಡ ಪ್ರಭಾಸ್

ಪ್ರಭಾಸ್ ವೈಭವೀಕರಣಕ್ಕೆ ದೀಪಿಕಾ ಆಕ್ಷೇಪ

ಸಿನಿಮಾವನ್ನು ಕೇವಲ ಪ್ರಭಾಸ್‌ಗೆ ಸೀಮಿತ ಮಾಡುತ್ತಿರುವುದಕ್ಕೆ ದೀಪಿಕಾ ಆಕ್ಷೇಪ ವ್ಯಕ್ತಪಡಿಸಿದ್ದು, ಸಿನಿಮಾದಲ್ಲಿ ನಾಯಕ ನಟನನ್ನು ಮಾತ್ರವೇ ವೈಭವೀಕರಿಸುತ್ತಿರುವ ಬಗ್ಗೆ ಆಕ್ಷೇಪ ಹೊಂದಿರುವುದು ಅವರ ಟ್ವೀಟ್‌ನಲ್ಲಿ ಕಂಡುಬರುತ್ತಿದೆ.

ಪ್ರಭಾಸ್‌ಗಾಗಿಯೇ ರಚಿಸಲಾದ ಚಿತ್ರಕತೆ

ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿರುವ ಪ್ರಭಾಸ್ ಅಭಿಮಾನಿಗಳು, ಈ ಸಿನಿಮಾದ ಚಿತ್ರಕತೆಯನ್ನು ಪ್ರಭಾಸ್‌ಗಾಗಿಯೇ ರಚಿಸಲಾಗಿದೆ, ಹಾಗಾಗಿ ಅದನ್ನು ಪ್ರಭಾಸ್ 21 ಎಂದು ಕರೆಯಲಾಗುತ್ತದೆ. ಹಾಗೂ ಸಿನಿಮಾದ ನಾಯಕ, ನಿರ್ದೇಶಕ, ನಿರ್ಮಾಪಕ ಎಲ್ಲರೂ ತೆಲುಗಿನವರು ಹಾಗಾಗಿ ಇದು ತೆಲುಗು ಸಿನಿಮಾ. ತಮಿಳು ಹಾಗೂ ಹಿಂದಿಗೆ ಡಬ್ ಆಗುತ್ತಿದೆ ಅಷ್ಟೆ ಎಂದು ದೀಪಿಕಾ ಗೆ ಉತ್ತರಿಸಿದ್ದಾರೆ.

'ಕೇವಲ ಪ್ರಭಾಸ್ ಅಲ್ಲ ಇದು ಎಲ್ಲರ ಸಿನಿಮಾ'

ದೀಪಿಕಾ ಪಡುಕೋಣೆ ಸಹ ಸೂಪರ್ ಸ್ಟಾರ್ ನಟಿ, ಆಕೆಗೆ ಸಿನಿಮಾದಲ್ಲಿ ಪ್ರಾಮುಖ್ಯತೆ ನೀಡದಿರುವುದು ಅವರಿಗೆ ಸಿಟ್ಟು ತರಿಸಿರುವುದು ಸಾಮಾನ್ಯ. ಇದು ಕೇವಲ ಪ್ರಭಾಸ್ ಸಿನಿಮಾ ಅಲ್ಲ ಎಲ್ಲರ ಸಿನಿಮಾ ಎಂದು ದೀಪಿಕಾ ಗೆ ಬೆಂಬಲ ನೀಡಿದ್ದಾರೆ ಸಹ.

ಪ್ರಭಾಸ್ ಸಿನಿಮಾ ಬಹಿಷ್ಕರಿಸಲು ಆಗ್ರಹ: ಕನ್ನಡಿಗರ ಅಸಮಾಧಾನಕ್ಕೆ ಕಾರಣವೇನು?