ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ಮದುವೆಯಲ್ಲಿ ಧರಿಸಿದ್ದ ಸೀರೆಯ ಬೆಲೆ ಕೇಳಿದ್ರೆ ದಂಗಾಗ್ತೀರಾ

ಕುತೂಹಲ ಮೂಡಿಸಿತ್ತು ಐಶ್ವರ್ಯ ಅಲಂಕಾರ

ಐಶ್ವರ್ಯ ಮದುವೆಯಲ್ಲಿ ಯಾವ ರೀತಿಯ ಉಡುಪು ಧರಿಸಲಿದ್ದಾರೆ, ಹೇಗೆ ಕಾಣಿಸಿಕೊಳ್ಳುತ್ತಾರೆ ಎನ್ನುವ ಕುತೂಹಲ ಕೋಟ್ಯಂತರ ಅಭಿಮಾನಿಗಳ ಜೊತೆಗೆ ಸಿನಿಗಣ್ಯರಲ್ಲೂ ಇತ್ತು. ಅವರೆಲ್ಲರು ನಿರೀಕ್ಷೆಯಂತೆ ಐಶ್ ಅದ್ದೂರಿಯಾಗಿ ಅಲಂಕಾರ ಮಾಡಿಕೊಂಡಿದ್ದರು.

ಕಾಂಜೀವರಂ ಸೀರೆಯಲ್ಲಿ ಮಿಂಚಿದ್ದ ಐಶ್ವರ್ಯ

ಮದುವೆ ದಿನ ಐಶ್ವರ್ಯ ಸಾಂಪ್ರದಾಯಿಕ ಸೀರೆ ಮತ್ತು ಲೆಹಂಗಾದಲ್ಲಿ ಮಿಂಚಿದ್ದರು. ಅಭಿಷೇಕ್ ಬಚ್ಚನ್ ಶೇರ್ವಾನಿಯಲ್ಲಿ ಕಂಗೊಳಿಸುತ್ತಿದ್ದರು. ಕಾಂಜೀವರಂ ಸೀರೆ ಧರಿಸಿದ್ದರು. ಈ ಸೀರೆಯನ್ನು ಖ್ಯಾತ ಡಿಸೈನರ್ ನೀತಾ ಲುಲ್ಲಾ ವಿನ್ಯಾಸಗೊಳಿಸಿದ್ದರು. ಸೀರೆ ಮತ್ತು ಆಭರಣಗಳಲ್ಲಿ ಐಶ್ವರ್ಯ ಅದ್ಭುತವಾಗಿ ಕಾಣಿಸುತ್ತಿದ್ದರು.

ಐಶ್ವರ್ಯ ಧರಿಸಿದ್ದ ಸೀರೆಯ ಬೆಲೆ 75 ಲಕ್ಷ ರೂಪಾಯಿ

ಮದುವೆಯಲ್ಲಿ ಐಶ್ವರ್ಯ ಧರಿಸಿದ್ದ ಸೀರೆಯ ಬೆಲೆ ಬರೋಬ್ಬರಿ 75 ಲಕ್ಷ ರೂಪಾಯಿಯಂತೆ. ಹೌದು, ಸೀರೆಯನ್ನು ದುಬಾರಿ ಹರಳುಗಳು ಮತ್ತು ಚಿನ್ನದ ದಾರಗಳಿಂದ ವಿನ್ಯಾಸಗೊಳಿಸಲಾಗಿತ್ತು. 75 ಲಕ್ಷದ ಸೀರೆ ಗೋಲ್ಡ್ ಬಣ್ಣದ ಬಾರ್ಡರ್ ಹೊಂದಿತ್ತು. ಐಶ್ವರ್ಯ ಧರಿಸಿರುವ ಸೀರೆಗಳಲ್ಲಿ ಮದುವೆಗೆ ಧರಿಸಿದ್ದ ಸೀರೆ ಅತ್ಯಂತ ದುಬಾರಿ ಸೀರೆಯಾಗಿತ್ತು. ದಕ್ಷಿಣ ಭಾರತೀಯ ಸಾಂಪ್ರದಾಯಿಕ ಉಡುಗೆಯಲ್ಲಿ ಐಶ್ವರ್ಯ ಮಿಂಚಿದ್ದರು.

ಸದ್ಯ ತಮಿಳು ಸಿನಿಮಾದಲ್ಲಿ ಐಶ್ವರ್ಯ ನಟನೆ

ಐಶ್ವರ್ಯ ರೈ ಮದುವೆಯಾಗಿ 13 ವರ್ಷಗಳು ಕಳೆದಿವೆ. ಐಶ್ವರ್ಯ ಮತ್ತು ಅಭಿಷೇಕ್ ದಂಪತಿಗೆ ಆರಾದ್ಯ ಎನ್ನುವ ಮುದ್ದಾದ ಮಗಳಿದ್ದಾಳೆ. ಅಂದ್ಹಾಗೆ ಐಶ್ವರ್ಯ ಮಗಳು ಜನಿಸಿದ ಬಳಿಕ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದು ತೀರಾ ಕಡಿಮೆ. ಮೂರ್ನಾಲ್ಕು ಸಿನಿಮಾಗಳನ್ನು ಮಾಡಿದ್ದರೂ ನಿರೀಕ್ಷೆಯ ಗೆಲವು ಸಿಗಲಿಲ್ಲ. ಇದೀಗ ಐಶ್ವರ್ಯ ರೈ ತಮಿಳು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.