ಫೋರ್ಬ್ಸ್ ಪಟ್ಟಿ: ಶಾರುಖ್ ಹಿಂದಿಕ್ಕಿದ ಅಮಿತಾಬ್, ಸಲ್ಮಾನ್

ಪಟ್ಟಿಯಲ್ಲಿ ಅಮಿತಾಬ್ , ಸಲ್ಮಾನ್, ಅಕ್ಷಯ್

ಹಾಲಿವುಡ್ ನಟರ ಜೊತೆ ಬಾಲಿವುಡ್ ನಟರನ್ನು ಮೊದಲ ಬಾರಿಗೆ ಪರಿಗಣಿಸಿದ ಫೋರ್ಬ್ಸ್ ಬಿಡುಗಡೆ ಮಾಡಿದ ಪಟ್ಟಿಯಲ್ಲಿರುವ ಅಮಿತಾಬ್ ಬಚ್ಚನ್, ಸಲ್ಮಾನ್ ಖಾನ್ ಹಾಗೂ ಅಕ್ಷಯ್ ಕುಮಾರ್ ಅವರು ಡಾಯ್ನ ‘ದಿ ರಾಕ್' ಜಾನ್ಸನ್ ಹಾಗೂ ಜಾನಿ ಡೆಪ್‌ರನ್ನು ಹಿಂದಿಕ್ಕಿದ್ದಾರೆ.

ಮೊದಲ ಬಾರಿಗೆ ಪಟ್ಟಿಯಲ್ಲಿ ಬಾಲಿವುಡ್ ನಟರು

2014ರ ಜೂನ್ 1 ಹಾಗೂ 2015ರ ಜೂನ್ 1ರ ನಡುವಿನ ಅವಧಿಯಲ್ಲಿ ನಟರು ಪಡೆದಿರುವ ಸಂಭಾವನೆಯ ಮೊತ್ತವನ್ನು ಆಧರಿಸಿ ಫೋರ್ಬ್ಸ್ ಈ ಪಟ್ಟಿಯನ್ನು ಸಿದ್ಧಪಡಿಸಿದೆ. ಇದೇ ಮೊದಲ ಬಾರಿಗೆ ಹಾಲಿವುಡ್ ನಟರ ಜೊತೆಗೆ ಬಾಲಿವುಡ್ ನಟರ ಗಳಿಕೆ ಪಟ್ಟಿಯನ್ನು ಪರಿಗಣಿಸಲಾಗಿದ್ದು, ಬಾಲಿವುಡ್ ಕಲಾವಿದರು ಟಾಪ್ ಸ್ಥಾನಗಳನ್ನೇ ಪಡೆದುಕೊಂಡಿದ್ದಾರೆ.

ಟಾಪ್ 10 ಪಟ್ಟಿಯಲ್ಲಿ ಬಾಲಿವುಡ್ ನಟರು

ಸಲ್ಮಾನ್ ಹಾಗೂ ಅಮಿತಾಬ್ 33.5 ಮಿಲಿಯನ್ ಡಾಲರ್ ನೊಂದಿಗೆ 7ನೇ ಸ್ಥಾನದಲ್ಲಿದ್ದಾರೆ. ನಂತರದ ಸ್ಥಾನದಲ್ಲಿ ಅಕ್ಷಯ್ ಕುಮಾರ್ 32.5 ಮಿಲಿಯನ್ ಡಾಲರ್ ನೊಂದಿಗೆ ಇದ್ದಾರೆ.

ಕಿಂಗ್ ಖಾನ್ ಶಾರುಖ್

ಕಿಂಗ್ ಖಾನ್ ಶಾರುಖ್ ಅವರು 18ನೇ ಸ್ಥಾನಕ್ಕೆ ಕುಸಿದಿದ್ದು 26 ಮಿಲಿಯನ್ ಡಾಲರ್ ಮಾತ್ರ ಹೊಂದಿದ್ದಾರೆ.

ರಣಬೀರ್ ಕಪೂರ್

ರಾಯ್ ಹಾಗೂ ಬಾಂಬೆ ವೆಲ್ವೆಟ್ ಸೋಲಿನ ನಡುವೆಯೂ ರಣಬೀರ್ ಕಪೂರ್ ಅವರು 15 ಮಿಲಿಯನ್ ಡಾಲರ್ ನೊಂದಿಗೆ 30ನೇ ಸ್ಥಾನದಲ್ಲಿದ್ದಾರೆ.

ರಣ್‌ಬೀರ್ ಕಪೂರ್ ಬಗ್ಗೆ ಫೋರ್ಬ್ಸ್ ನಿಂದ ಟ್ವೀಟ್

15 ದಶಲಕ್ಷ ಡಾಲರ್ ಸಂಭಾವನೆ ಪಡೆದಿರುವ ರಣಬೀರ್ ಕಪೂರ್ ಬಗ್ಗೆ ಫೋರ್ಬ್ಸ್ ಟ್ವೀಟ್ ಮಾಡಿದ್ದು ಹೀಗೆ...