ಗೂಗಲ್‌ನಲ್ಲಿ ರಶೀದ್ ಖಾನ್ ಪತ್ನಿ ಎಂದು ಹುಡುಕಿದರೆ ಅನುಷ್ಕಾ ಹೆಸರು ಬರುತ್ತೆ ಏಕೆ?

ಗೂಗಲ್ ಎಡವಟ್ಟು!

ಗೂಗಲ್‌ನಲ್ಲಿ rashid khan wife ಎಂದು ಟೈಪ್ ಮಾಡಿದರೆ ಫಲಿತಾಂಶದಲ್ಲಿ ಅನುಷ್ಕಾ ಶರ್ಮಾ ಹೆಸರು ಬರುತ್ತದೆ. ಅನುಷ್ಕಾ ಶರ್ಮಾ ಪತ್ನಿ ಎಂದು ತೋರಿಸುತ್ತದೆ. ಇದನ್ನು ನೋಡಿದ ನೆಟ್ಟಿಗರು ಗೂಗಲ್‌ನ ಟ್ರೋಲ್ ಮಾಡ್ತಿದ್ದಾರೆ.

ರಶೀದ್ ಖಾನ್‌ಗೆ ಮದುವೆ ಆಗಿದ್ಯಾ?

ಅಫ್ಘಾನಿಸ್ತಾನ್ ತಂಡದ ಆಟಗಾರ ಹಾಗೂ ಐಪಿಎಲ್‌ನಲ್ಲಿ ಸನ್‌ರೈಸ್ ಹೈದರಾಬಾದ್ ತಂಡದಲ್ಲಿ ಆಡುತ್ತಿರುವ ರಶೀದ್ ಖಾನ್ ಇನ್ನು ಮದುವೆ ಆಗಿಲ್ಲ. ಅಫ್ಘಾನಿಸ್ತಾನ್ ತಂಡ ವಿಶ್ವಕಪ್ ಗೆಲ್ಲುವವರೆಗೂ ನಾನು ಮದುವೆ ಆಗಿಲ್ಲ ಎಂದು ಈ ಹಿಂದೆಯೊಮ್ಮೆ ರಶೀದ್ ಖಾನ್ ಹೇಳಿದ್ದು ಇಲ್ಲಿ ಸ್ಮರಿಸಬಹುದು.

ಅನುಷ್ಕಾ ಶರ್ಮಾ ನೆಚ್ಚಿನ ನಟಿ

2018ರಲ್ಲಿ ಇನ್ಸ್ಸಾಗ್ರಾಂನಲ್ಲಿ ಫ್ಯಾನ್ಸ್ ಜೊತೆ ಚಾಟ್ ಮಾಡಬೇಕಾದರೆ, ನಿಮ್ಮ ನೆಚ್ಚಿನ ನಟಿ ಯಾರು ಎಂದು ಕೇಳಿದ್ದಕ್ಕೆ ಅನುಷ್ಕಾ ಶರ್ಮಾ ಮತ್ತು ಪ್ರೀತಿ ಜಿಂಟಾ ಎಂದಿದ್ದರು. ಅನುಷ್ಕಾ ಶರ್ಮಾ ಅವರು ರಶೀದ್ ಖಾನ್ ಅವರ ನೆಚ್ಚಿನ ನಟಿ ಎಂದು ಸುದ್ದಿಗಳು ಸಹ ಆಗಿತ್ತು. ಹೀಗಾಗಿ, ರಶೀದ್ ಖಾನ್ ಮತ್ತು ಅನುಷ್ಕಾ ಶರ್ಮಾ ಹೆಸರಿನ ನಡುವೆ ಸಂಬಂಧ ಇದೆ. ಆದ್ರೆ, ಗೂಗಲ್‌ ಮಾತ್ರ ಅನುಷ್ಕಾ ಶರ್ಮಾ ಕ್ರಿಕೆಟರ್ ರಶೀದ್ ಖಾನ್ ಪತ್ನಿ ಎಂದು ತೋರಿಸುತ್ತಿದೆ.

ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿ ಅನುಷ್ಕಾ

ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಗರ್ಭಿಣಿಯಾಗಿದ್ದು, ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಜನವರಿ ತಿಂಗಳಲ್ಲಿ ಡಿಲವರಿ ದಿನಾಂಕ ನೀಡಿದ್ದಾರೆ ಎನ್ನಲಾಗಿದೆ. ಸದ್ಯ ಐಪಿಎಲ್ ಟೂರ್ನಿ ವೀಕ್ಷಣೆಗಾಗಿ ದುಬೈಗೆ ತೆರಳಿರುವ ಅನುಷ್ಕಾ, ಆರ್‌ಸಿಬಿ ಪಂದ್ಯದ ವೇಳೆ ಡ್ರೆಸ್ಸಿಂಗ್ ರೂಂನಲ್ಲಿ ಕಾಣಿಸಿಕೊಂಡಿದ್ದರು.