ಅಷ್ಟಕ್ಕೂ, ಶ್ರೀದೇವಿ ಮೃತದೇಹ ತರಲು ಅನಿಲ್ ಅಂಬಾನಿ ಯಾಕೆ ಪ್ರೈವೇಟ್ ಜೆಟ್ ಕಳುಹಿಸಬೇಕು.?

ಅನಿಲ್ ಅಂಬಾನಿ ಹಾಗೂ ಶ್ರೀದೇವಿ ಸಂಬಂಧಿಕರು

ನಿಜ ಹೇಳಬೇಕು ಅಂದ್ರೆ, ಶ್ರೀದೇವಿ ಹಾಗೂ ಅನಿಲ್ ಅಂಬಾನಿ ದೂರದ ಸಂಬಂಧಿಕರು.

ಮೋಹಿತ್ ಮಾರ್ವಾ ಯಾರು ಗೊತ್ತಾ.?

ನಟಿ ಶ್ರೀದೇವಿ ದುಬೈಗೆ ತೆರಳಿದ್ದು ಮೋಹಿತ್ ಮಾರ್ವಾ ಮದುವೆಯಲ್ಲಿ ಭಾಗವಹಿಸೋಕೆ. ಈ ಮೋಹಿತ್ ಮಾರ್ವಾ ಯಾರು ಅಂತೀರಾ.? ಬೇರೆ ಯಾರೂ ಅಲ್ಲ. ಶ್ರೀದೇವಿ ಪತಿ ಬೋನಿ ಕಪೂರ್ ಸಹೋದರಿ ರೀನಾ ಪುತ್ರ.

ಮೋಹಿತ್ ಮಾರ್ವಾ ಮದುವೆ ಆಗಿದ್ದು ಯಾರನ್ನ.?

ಕಳೆದ ವಾರ ಮೋಹಿತ್ ಮಾರ್ವಾ ಮದುವೆ ಆಗಿದ್ದು ಅಂತರಾ ಮೋತಿವಾಲಾ ಎಂಬ ಬೆಡಗಿಯನ್ನ. ಈ ಅಂತರಾ ಮೋತಿವಾಲಾ, ಮಾಜಿ ನಟಿ ಟೀನಾ ಮುನಿಮ್ ಸಂಬಂಧಿ.

ಟೀನಾ ಮುನಿಮ್ ಯಾರು.?

ಒಂದ್ಕಾಲದಲ್ಲಿ ನಟಿಯಾಗಿದ್ದ ಟೀನಾ ಮುನಿಮ್ ಖ್ಯಾತ ಉದ್ಯಮಿ ಅನಿಲ್ ಅಂಬಾನಿ ಪತ್ನಿ. ಮೋಹಿತ್ ಮಾರ್ವಾ ಮದುವೆಯಿಂದಲೇ ಶ್ರೀದೇವಿ ಹಾಗೂ ಅನಿಲ್ ಅಂಬಾನಿ ದೂರ ಸಂಬಂಧಿಕರಾದರು. ದುರಂತ ಅಂದ್ರೆ, ಇದೇ ಮದುವೆ ಮುಗಿದ್ಮೇಲೆ, ಶ್ರೀದೇವಿ ಮೃತಪಟ್ಟಿದ್ದಾರೆ. ಶ್ರೀದೇವಿ ಕುಟುಂಬಕ್ಕೆ ಸಾಂತ್ವನ ತಿಳಿಸಿರುವ ಅನಿಲ್ ಅಂಬಾನಿ, ಮೃತದೇಹವನ್ನ ಭಾರತಕ್ಕೆ ತರಲು ತಮ್ಮ ಪ್ರೈವೇಟ್ ಜೆಟ್ ನ ದುಬೈಗೆ ಕಳುಹಿಸಿದ್ದಾರೆ.