ಹೃತಿಕ್ ರೋಷನ್ ಗರ್ಲ್‌ಫ್ರೆಂಡ್ ಹಾಕಿದ ಈ ಫೋಟೊ ಸಿಕ್ಕಾಪಟ್ಟೆ ವೈರಲ್

ಸಬಾ ಅಜಾದ್ ಫೋಟೊದಲ್ಲೇನಿದೆ?

ಹೃತಿಕ್ ರೋಷನ್ ಗೆಳತಿ ಸಬಾ ಅಜಾದ್ ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಒಂದು ಫೋಟೊವನ್ನು ಹಂಚಿಕೊಂಡಿದ್ದರು. ತಾನು ಹೋಮಿ ಬಾಬಾ ಪತ್ನಿಯಾಗಿ ನಟಿಸಿದ್ದ ರಾಕೆಟ್ ಬಾಯ್ಸ್ ವೆಬ್ ಸಿರೀಸ್‌ನ ಫೋಟೊವನ್ನು ಶೇರ್ ಮಾಡಿಕೊಂಡಿದ್ದರು. 40-50ರ ದಶಕದ ಮಹಿಳೆಯ ಅವತಾರವೆತ್ತಿದ್ದ ಸಬಾ ಲುಕ್ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಮೆಚ್ಚುಗೆ ವ್ಯಕ್ತವಾಗಿತ್ತು. ಸಬಾ ಅಜಾದ್ ವಿಂಟೇಜ್ ಲುಕ್‌ಗೆ ಹೃತಿಕ್ ರೋಷನ್ ಸೋದರ ಸಂಬಂಧಿ ಹಾಗೂ ಸೊಸೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಹೃತಿಕ್ ಸಂಬಂಧಿಗಳ ಕಮೆಂಟ್ ಏನು?

ಸಬಾ ಅಜಾದ್ ತನ್ನ ವಿಂಟೇಜ್ ಫೋಟೊ ಶೇರ್ ಮಾಡುತ್ತಿದ್ದಂತೆ ಹೃತಿಕ್ ಸೋದರ ಸಂಬಂಧಿ ಹಾಗೂ ಸೊಸೆ ಕೆಮೆಂಟ್ ಮಾಡಿದ್ದು ವೈರಲ್ ಆಗಿದೆ. ಪಶ್ಮಿನಾ ರೋಷನ್ ಹಾಗೂ ಸುರಾನಿಕಾ ಸೋನಿ ಇಬ್ಬರು ಸಬಾ ಅಜಾದ್ ಕಾಲೆಳೆದಿದ್ದಾರೆ. ಸುರಾನಿಕಾ ಸೋನಿ " ಸಾಕು ನಿಲ್ಲಿಸು" ಎಂದು ಕಮೆಂಟ್ ಮಾಡಿ ಹಾರ್ಟ್ ಐ ಎಮೋಜಿ ಹಾಕಿದ್ದಾರೆ. ಇತ್ತ ಪಶ್ಮಿನಾ ರೋಷನ್ ಸುಸ್ತಾದವರಂತೆ" ಉಫ್" ಎಂದು ಕಮೆಂಟ್ ಮಾಡಿದ್ದಾರೆ.

ಹೃತಿಕ್ ಮನೆಯಲ್ಲಿ ಸಬಾ ವೀಕೆಂಡ್

ಹೃತಿಕ್ ರೋಷನ್ ಹಾಗೂ ಸಬಾ ಅಜಾದ್ ಬಹಿರಂಗವಾಗಿ ಕೈ ಕೈ ಹಿಡಿದು ಹೊರಬರುತ್ತಿದ್ದಂತೆ ಸುದ್ದಿಯಾಗಿದ್ದರು. ಇಬ್ಬರ ಬಗ್ಗೆ ಸುದ್ದಿ ಹಬ್ಬಿದ ಕೆಲವೇ ದಿನಗಳಲ್ಲಿ ಹೃತಿಕ್ ರೋಷನ್ ಮನೆಯಲ್ಲಿ ಸಬಾ ಕಾಣಿಸಿಕೊಂಡಿದ್ದರು. ಹೃತಿಕ್ ರೋಷನ್ ಜೊತೆ ತಂದೆ ರಾಕೇಶ್ ರೋಷನ್, ಚಿಕ್ಕಪ್ಪ ರಾಕೇಶ್ ರೋಷನ್ ಜೊತೆ ಇಬ್ಬರ ಮಕ್ಕಳು ಹಾಗೂ ಸಂಬಂಧಿಗಳ ಮಧ್ಯೆ ಸಬಾ ಅಜಾದ್ ಕಾಣಿಸಿಕೊಂಡಿದ್ದರು. ಈ ಫೋಟೊ ರಿವೀಲ್ ಆದ ಬಳಿಕ ಸಬಾ ಅಜಾದ್ ಹಾಗೂ ಹೃತಿಕ್ ನಡುವಿನ ಡೇಟಿಂಗ್ ವಿಷಯಕ್ಕೆ ಮತ್ತಷ್ಟು ರೆಕ್ಕೆ ಪುಕ್ಕಗಳು ಅಂಟಿಕೊಂಡಿವೆ.

ಹೃತಿಕ್ ರೋಷನ್ ಬ್ಯುಸಿ

ಹೃತಿಕ್ ರೋಷನ್ ಸದ್ಯ ಎರಡು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ದೀಪಿಕಾ ಪಡುಕೋಣೆ ಜೊತೆ ಇದೇ ಮೊದಲ ಬಾರಿಗೆ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ 'ಫೈಟರ್' ಎಂದು ಟೈಟಲ್ ಫಿಕ್ಸ್ ಆಗಿದೆ. ಇನ್ನೊಂದು ಕಡೆ ಸೈಫ್ ಅಲಿ ಖಾನ್ ಜೊತೆ ನಟಿಸುತ್ತಿದ್ದಾರೆ. ಇದು ತಮಿಳಿನ 'ವಿಕ್ರಂ-ವೇದ' ಸಿನಿಮಾದ ರಿಮೇಕ್. ಎರಡೆರಡು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಹೃತಿಕ್ ಈ ನಡುವೆ ಗರ್ಲ್‌ಫ್ರೆಂಡ್ ವಿಚಾರದಲ್ಲೂ ಚರ್ಚೆಯಲ್ಲಿದ್ದಾರೆ.