ಗಂಗೂಲಿ ಬಯೋಪಿಕ್ ಅಧಿಕೃತ: ರೇಸ್‌ನಲ್ಲಿ ಇಬ್ಬರು ಸ್ಟಾರ್ ನಟರು?

ಕ್ರಿಕೆಟ್ ನನ್ನ ಜೀವನ

ಬಯೋಪಿಕ್ ಘೋಷಣೆಯಾದ ಬಳಿಕ ಟ್ವೀಟ್ ಮಾಡಿ ಸಂತಸ ವ್ಯಕ್ತಪಡಿಸಿರುವ ಗಂಗೂಲಿ, ''ಕ್ರಿಕೆಟ್ ನನ್ನ ಜೀವನ, ನನ್ನ ಜೀವನದಲ್ಲಿ ಆತ್ಮವಿಶ್ವಾಸ ಹೆಚ್ಚಿಸಿ, ಸಮಾಜದಲ್ಲಿ ಘನತೆಯಿಂದ ತಲೆ ಎತ್ತಿ ಮುಂದೆ ಸಾಗುವ ಅವಕಾಶ ಮಾಡಿಕೊಟ್ಟಿದೆ. ಲವ್ ಫಿಲಂಸ್ ತನ್ನ ಬಯೋಪಿಕ್ ಘೋಷಣೆ ಮಾಡಿರುವುದು ಥ್ರಿಲ್ಲಿಂಗ್ ಆಗಿದೆ. ನನ್ನ ಕ್ರಿಕೆಟ್ ಜೀವನವನ್ನು ತೆರೆಮೇಲೆ ನೋಡುವುದು ರೋಮಾಂಚನದ ಸಂಗತಿ'' ಎಂದಿದ್ದಾರೆ.

ಇಬ್ಬರು ಸ್ಟಾರ್ ನಟರ ಹೆಸರು?

ಸೌರವ್ ಗಂಗೂಲಿ ಪಾತ್ರಕ್ಕೆ ಯಾವ ನಟ ಸೂಕ್ತ ಎನ್ನುವ ಕುತೂಹಲ ಹೆಚ್ಚಾಗಿದೆ. ಸದ್ಯಕ್ಕೆ ಬಯೋಪಿಕ್ ಮಾತ್ರ ಅನೌನ್ಸ್ ಮಾಡಿರುವ ಚಿತ್ರತಂಡ ಕಲಾವಿದರು ಯಾರೆಂದು ಆಯ್ಕೆ ಮಾಡಿಕೊಂಡಿಲ್ಲ. ಈ ನಡುವೆ ಬಿಟೌನ್ ಇಂಡಸ್ಟ್ರಿಯಲ್ಲಿ ಇಬ್ಬರು ಖ್ಯಾತ ನಾಮರ ಹೆಸರು ಚಾಲ್ತಿಯಲ್ಲಿದೆ. ಹೃತಿಕ್ ರೋಷನ್ ಮತ್ತು ರಣ್ಬೀರ್ ಕಪೂರ್ ಹೆಸರು ಗಂಗೂಲಿ ಬಯೋಪಿಕ್‌ಗಾಗಿ ಹೆಚ್ಚು ಕೇಳಿ ಬರ್ತಿದೆ. ಇದು ನಿಜವೇ ಆದರೆ ಈ ಇಬ್ಬರಲ್ಲಿ ಒಬ್ಬರು ತೆರೆಮೇಲೆ ದಾದಾ ರೂಪ ತಾಳಲಿದ್ದಾರೆ.

ಸುಶಾಂತ್ ಸಿಂಗ್ ಸ್ಮರಿಸಿದ ಫ್ಯಾನ್ಸ್

ಒಂದು ವೇಳೆ ಸುಶಾಂತ್ ಸಿಂಗ್ ರಜಪೂತ್ ಬದುಕಿದ್ದರೆ ಖಂಡಿತವಾಗಿಯೂ ಗಂಗೂಲಿ ಬಯೋಪಿಕ್‌ಗೆ ಸೂಕ್ತವಾಗಿರುತ್ತಿದ್ದರು ಎಂಬ ಅಭಿಪ್ರಾಯವೂ ಇದೆ. ಸುಶಾಂತ್ ಇರುವಾಗಲೇ ಗಂಗೂಲಿ ಬಯೋಪಿಕ್ ಬಗ್ಗೆ ಚರ್ಚೆಯಾಗಿತ್ತು. ಆಗ ಇದೇ ಸುಶಾಂತ್ ಹೆಸರು ಕೇಳಿ ಬಂದಿತ್ತು ಎನ್ನುವ ಸುದ್ದಿಯೂ ಇದೆ. ಆದ್ರೀಗ, ಸುಶಾಂತ್ ಬದುಕಿಲ್ಲ. ಹಾಗಾಗಿ, ಇದು ಫ್ಯಾನ್ಸ್‌ಗೆ ನಿರಾಸೆ ಮೂಡಿಸಿದೆ.

ಯಾರ ಪಾತ್ರದಲ್ಲಿ ಯಾವ ನಟ ನಟಿಸಿದ್ದರು?

ಮಹೇಂದ್ರ ಸಿಂಗ್ ಧೋನಿ ಪಾತ್ರದಲ್ಲಿ ಸುಶಾಂತ್ ಸಿಂಗ್ ರಜಪೂತ್ ನಟಿಸಿದ್ದರು. ಕಮರ್ಷಿಯಲ್ ಆಗಿ ಈ ಚಿತ್ರ ಬಹಳ ದೊಡ್ಡ ಯಶಸ್ಸು ಕಂಡಿತ್ತು. 'ಅಜರ್' ಚಿತ್ರದಲ್ಲಿ ಇಮ್ರಾನ್ ಹಶ್ಮಿ ಮೊಹಮ್ಮದ್ ಅಜರುದ್ದೀನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಸಚಿನ್ ತೆಂಡೂಲ್ಕರ್ ಸಾಕ್ಷ್ಯಚಿತ್ರ ಮಾದರಿಯಲ್ಲಿತ್ತು. ಸ್ವತಃ ಸಚಿನ್ ಅವರೇ ಕಾಣಿಸಿಕೊಂಡಿದ್ದರು. '83' ಚಿತ್ರದಲ್ಲಿ ರಣ್ವೀರ್ ಸಿಂಗ್, ಕಪಿಲ್ ದೇವ್ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

ಮಿಥಾಲಿ ರಾಜ್ ಬಯೋಪಿಕ್

ಇನ್ನು ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ದಿಗ್ಗಜ ಆಟಗಾರ್ತಿ ಮಿಥಾಲಿ ರಾಜ್ ಬಯೋಪಿಕ್ ಸಹ ತಯಾರಾಗಿದೆ. 'ಶಭಾಶ್ ಮಿಥು' ಎನ್ನುವ ಹೆಸರಿನಲ್ಲಿ ಬಯೋಪಿಕ್ ರೆಡಿಯಾಗಿದ್ದು, ತಾಪ್ಸಿ ಪೆನ್ನು ಮಿಥಾಲಿ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಇನ್ನು ಭಾರತೀಯ ಮಹಿಳಾ ಬೌಲರ್ ಜುಲಾನ್ ಗೋಸ್ವಾಮಿ ಬಯೋಪಿಕ್‌ನಲ್ಲಿ ಅನುಷ್ಕಾ ಶರ್ಮಾ ನಟಿಸುವ ಸಾಧ್ಯತೆ ಇದೆ ಎಂದಿದ್ದಾರೆ. ಈ ಸುದ್ದಿ ಅಧಿಕೃತವಾಗಿಲ್ಲ.