ಶ್ರೀದೇವಿ ಜೊತೆ ಹೋಲಿಕೆ ಬಗ್ಗೆ ಜಾಹ್ನವಿ ಕಪೂರ್ ಹೇಳಿದ್ದೇನು?

ಅದು ಒತ್ತಡ ಅಲ್ಲ, ಜವಾಬ್ದಾರಿ

ಶ್ರೀದೇವಿ ಮಗಳು ಎನ್ನುವ ಕಾರಣಕ್ಕೆ ಜಾಹ್ನವಿ ಕಪೂರ್ ಮೇಲೆ ಸಹಜವಾಗಿ ನಿರೀಕ್ಷೆಗಳು ಹೆಚ್ಚಿದೆ. ಒಳ್ಳೊಳ್ಳೆ ಸಿನಿಮಾಗಳು, ಅದ್ಭುತ ಅಭಿನಯ ನೀಡಬೇಕು, ಶ್ರೀದೇವಿಯಂತೆ ಮಗಳು ಯಶಸ್ಸು ಸಾಧಿಸಬೇಕು ಎಂಬ ಒತ್ತಡ ಇಂಡಸ್ಟ್ರಿಯಲ್ಲಿದೆ. ಈ ಬಗ್ಗೆ ಇತ್ತೀಚಿಗಿನ ಸಂದರ್ಶನವೊಂದರಲ್ಲಿ ಪ್ರಶ್ನಿಸಿದ ವೇಳೆ ಉತ್ತರಿಸಿದ ಜಾಹ್ನವಿ ''ಅದು ಒತ್ತಡವಲ್ಲ, ನನ್ನ ಜವಾಬ್ದಾರಿ'' ಎಂದಿದ್ದಾರೆ.

ತಾಯಿಯ ಜೊತೆ ಹೋಲಿಕೆ ಖುಷಿ ಕೊಡುತ್ತೆ

''ಶ್ರೀದೇವಿ ಮಗಳು ಎನ್ನುವ ಕಾರಣಕ್ಕೆ ನನಗೆ ಸಾಕಷ್ಟು ಅವಕಾಶ ಇದೆ. ತುಂಬಾ ಪ್ರೀತಿ ಸಿಕ್ಕಿದೆ. ಬಹುಶಃ ಅದಕ್ಕೆ ನಾನು ಅರ್ಹವಾಗಿರಲಿಲ್ಲ. ಜನರು ನನ್ನ ಮೇಲೆ ಹೆಚ್ಚು ನಿರೀಕ್ಷೆ ಹೊಂದಿದ್ದಾರೆ. ಅದನ್ನು ನಾನು ಅರ್ಥ ಮಾಡಿಕೊಂಡಿದ್ದೇನೆ. ನನ್ನ ತಾಯಿ ಜೊತೆ ಹೋಲಿಸುವ ಬಗ್ಗೆ ಖುಷಿ ಇದೆ, ಏಕಂದ್ರೆ ಅತ್ಯುತ್ತಮ ಎನ್ನುವವರ ಜೊತೆ ಏಕೆ ಹೋಲಿಸಬಾರದು ಅಲ್ವಾ'' ಎಂದು ಹೇಳಿಕೊಂಡಿದ್ದಾರೆ.

ಶ್ರೀದೇವಿ ಪಾತ್ರದಲ್ಲಿ ಜಾಹ್ನವಿ

ಒಂದು ವೇಳೆ ಬಾಲಿವುಡ್‌ನಲ್ಲಿ ಶ್ರೀದೇವಿ ಬಯೋಪಿಕ್ ತಯಾರಾದರೆ, ಆ ಪಾತ್ರದಲ್ಲಿ ಜಾಹ್ನವಿ ಕಪೂರ್ ನಟಿಸಬೇಕು ಎಂದು ಲೆಜೆಂಡ್ ನೃತ್ಯ ಸಂಯೋಜಕಿ ಸರೋಜ್ ಖಾನ್ ಈ ಹಿಂದೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು.

Recommended Video

Prema ಅವರ ಬದುಕಿನಲ್ಲಿ ಈಗ ಏನು ನಡೆಯುತ್ತಿದೆ | Filmibeat Kannada

ದೋಸ್ತಾನ 2 ಚಿತ್ರದಲ್ಲಿ ಜಾಹ್ನವಿ

ಕರಣ್ ಜೋಹರ್ ನಿರ್ಮಾಣದ ದೋಸ್ತಾನ 2 ಚಿತ್ರದಲ್ಲಿ ಜಾಹ್ನವಿ ಕಪೂರ್ ನಟಿಸಿದ್ದಾರೆ. ಸಿದ್ಧಾರ್ಥ್ ಸೇನಗುಪ್ತಾ ನಿರ್ದೇಶನದ ಗುಡ್ ಲಕ್ ಜೆರ್ರಿ ಸಿನಿಮಾದಲ್ಲೂ ಜಾಹ್ನವಿ ಅಭಿನಯಿಸಿದ್ದು, ಈ ಎರಡು ಚಿತ್ರಗಳು ಶೂಟಿಂಗ್ ಮುಗಿಸಿದೆ. ಕೋವಿಡ್ ಪರಿಸ್ಥಿತಿ ನಿಯಂತ್ರಣಕ್ಕೆ ಬಂದಮೇಲೆ ತೆರೆಗೆ ಬರಲಿದೆ.