ಬಾಲಿವುಡ್ ಗೆ ಕಮಲ್ ಹಾಸನ್ ಎರಡನೇ ಪುತ್ರಿ ಎಂಟ್ರಿ

ಮಹಾನ್ ಕಲಾವಿದ ಕಮಲ್ ಹಾಸನ್ ಅವರ ಎರಡನೇ ಪುತ್ರಿ ಬೆಳ್ಳಿತೆರೆಗೆ ಅಡಿಯಿಡುತ್ತಿದ್ದಾರೆ. ಕಮಲ್ ಅವರ ಮೊದಲ ಪುತ್ರಿ ಶ್ರುತಿ ಹಾಸನ್ ಈಗಾಗಲೆ ಬೆಳ್ಳಿಪರದೆ ಮೇಲೆ ತಮ್ಮದೇ ಆದಂತಹ ಛಾಪು ಮೂಡಿಸಿದ್ದಾರೆ. ಹಾಟ್ ಬೆಡಗಿಯಾಗಿಯೂ ಗುರುತಿಸಿಕೊಂಡಿದ್ದಾರೆ.

ಈಗ ಕಮಲ್ ಅವರ ಎರಡನೇ ಪುತ್ರಿ ಅಕ್ಷರಾ ಹಾಸನ್ ನೇರವಾಗಿ ಬಾಲಿವುಡ್ ಚಿತ್ರದ ಮೂಲಕ ಬೆಳ್ಳಿಪರದೆಗೆ ಪರಿಚಯವಾಗುತ್ತಿದ್ದಾರೆ. ಆರ್. ಬಾಲ್ಕಿ ಅವರು ನಿರ್ದೇಶಿಸುತ್ತಿರುವ ಚಿತ್ರದಲ್ಲಿ ಅಕ್ಷರಾ ಅವರು ನಾಯಕಿ. ಇಷ್ಟು ದಿನ ಅಕ್ಷರಾ ಅವರು ಅಸೋಸಿಯೇಟ್ ಡೈರೆಕ್ಟರ್ ಆಗಿ ಹಲವರ ಜೊತೆ ಕೆಲಸ ಮಾಡಿದ್ದಾರೆ.

ಅಕ್ಕನ ಜೊತೆ ತಂಗಿ

ತಂಗಿಗೆ ಅಕ್ಕ ಶ್ರುತಿ ಹಾಸನ್ ಮುಂಬೈಗೆ ಸ್ಥಳಾಂತರವಾಗುವಂತೆಯೂ ಸಲಹೆ ನೀಡಿದ್ದಾರಂತೆ. ಮುಂಬೈನಲ್ಲಿ ಈಗಾಗಲೆ ಅಕ್ಷರಾ ಹಾಸನ್ ಫ್ಲಾಟ್ ಗಾಗಿ ಹುಡುಕಾಟವನ್ನೂ ನಡೆಸಿದ್ದಾರಂತೆ. ಅಕ್ಕಂನಂತೆ ತಂಗಿಯೂ ಬಹುಮುಖ ಪ್ರತಿಭಾವಂತೆ.

ಆರಂಭದಲ್ಲಿ ಶ್ರುತಿ ಹಾಸನ್ ಗಾಯಕಿಯಾಗಿ ಸಂಗೀತ ನಿರ್ದೇಶಕಿಯಾಗಿ ಇಂಡಸ್ಟ್ರಿಗೆ ಅಡಿಯಿಟ್ಟಿದ್ದರು. ಈಗ ಅಕ್ಷರಾ ಸಹ ಅಷ್ಟೆ ಚಿತ್ರಕಥೆ ರಚನೆ, ನಿರ್ದೇಶಕಿಯಾಗಿ ಅನುಭವ ಪಡೆದುಕೊಂಡು ಈಗ ನಟನೆಗೆ ಮರಳುತ್ತಿದ್ದಾರೆ. (ಏಜೆನ್ಸೀಸ್)