ಕಂಗನಾಗೂ ಅಂಟಿದ ಡ್ರಗ್ಸ್ ನಂಟು: ಹಳೆ ವಿಡಿಯೋ ವೈರಲ್

2016 ರ ವಿಡಿಯೋ ಭಾರಿ ವೈರಲ್

ಕಂಗನಾ ರನೌತ್ ಮಾಜಿ ಆಪ್ತ, ನಟ ಆಧ್ಯಾಯನ್ ಸುಮನ್, 2016 ರಲ್ಲಿ ಮಾಧ್ಯಮವೊಂದಕ್ಕೆ ಕೊಟ್ಟಿದ್ದ ಸಂದರ್ಶನದಲ್ಲಿ 'ಕಂಗನಾ ರನೌತ್, ನನಗೆ ಕೊಕೇನ್ ತೆಗೆದುಕೊಳ್ಳುವಂತೆ ಒತ್ತಾಯ ಮಾಡಿದ್ದರು' ಎಂದಿದ್ದರು. ಆ ಸಂದರ್ಶನದ ವಿಡಿಯೋ ತುಣುಕು ಇದೀಗ ಭಾರಿ ವೈರಲ್ ಆಗಿದೆ.

ಕೊಕೇನ್ ಸೇವಿಸೋಣ ಎಂದರು ಕಂಗನಾ: ಆಧ್ಯಾಯನ್

ಅಂದಿನ ಸಂದರ್ಶನದಲ್ಲಿ ಕಂಗನಾ ಬಗ್ಗೆ ಹಲವು ವಿಷಯ ಮಾತನಾಡಿದ್ದ ಆಧ್ಯಾಯನ್, 'ಐಶಾರಾಮಿ ಹೋಟೆಲ್ ಒಂದರಲ್ಲಿ ಕಂಗನಾ ಪಾರ್ಟಿ ಮಾಡಿದ್ದಳು, ನಾನೂ ಹೋಗಿದ್ದೆ, ಎಲ್ಲರೂ ಇಂದು ಕೊಕೇನ್ ಡ್ರಗ್ಸ್ ಸೇವಿಸೋಣ ಎಂದು ಕಂಗನಾ ಒತ್ತಾಯಿಸಿದರು ಆದರೆ ನಾನು ಸೇವಿಸಲಿಲ್ಲ. ಇದರಿಂದ ನನ್ನೊಂದಿಗೆ ಕಂಗನಾ ಜಗಳವನ್ನೂ ಆಡಿದರು' ಎಂದಿದ್ದರು.

ಕಂಗನಾ ಜೊತೆಗೆ ಗಾಂಜಾ ಸೇದಿದ್ದೇನೆ: ಆಧ್ಯಾಯನ್

ಅದೇ ಸಂದರ್ಶನದಲ್ಲಿ, ಕಂಗನಾ ಜೊತೆಗೆ ಹಲವು ಬಾರಿ ಗಾಂಜಾ ಸೇವನೆ ಮಾಡಿದ್ದಾಗಿಯೂ ಆಧ್ಯಾಯನ್ ಹೇಳಿದ್ದಾರೆ. ಅಷ್ಟೇ ಅಲ್ಲದೆ, ಕಂಗನಾ ಹಾಗೂ ಹೃತಿಕ್ ರೋಷನ್ ನಡುವಿನ ಸಂಬಂಧದ ಬಗ್ಗೆಯೂ ಆಧ್ಯಾಯನ್ ಅಂದು ಮಾತನಾಡಿದ್ದರು. ಡಿಎನ್‌ಎ ಆ ಸಂದರ್ಶನವನ್ನು ಮಾಡಿತ್ತು.

ನೆಟ್ಟಿಗರಿಂದ ಕಂಗನಾಗೆ ಪ್ರಶ್ನೆ

ಆಧ್ಯಾಯನ್ ನ ಹಳೆಯ ವಿಡಿಯೋ ಭಾರಿ ವೈರಲ್ ಆಗಿದ್ದು, ಕಂಗನಾ ಅನ್ನು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. 'ಕಂಗನಾ ಸ್ವತಃ ಡ್ರಗ್ಸ್ ತೆಗೆದುಕೊಳ್ಳುತ್ತಾರೆ ಆದರೆ ಇತರರ ಮೇಲೆ ಆರೋಪ ಮಾಡುತ್ತಿದ್ದಾರೆ ಎಂದು ದೂರಿದ್ದಾರೆ.