'ಬಾಹುಬಲಿ'ಗಿಂತ ದೊಡ್ಡ ಸಿನಿಮಾದಲ್ಲಿ ಕಂಗನಾ, ಡೈರೆಕ್ಟರ್ ಅವರೇ.!

ಕಥೆ ಆಯ್ತು, ಫೋಟೋ ಶೂಟ್ ಆಗ್ಬೇಕು

ಮೇಕಿಂಗ್ ಹಾಗೂ ಬಜೆಟ್ ವಿಷ್ಯದಲ್ಲಿ 'ಬಾಹುಬಲಿ', 'ಪದ್ಮಾವತ್' ಚಿತ್ರಗಳು ಹೆಚ್ಚು ಗಮನ ಸೆಳೆದಿತ್ತು. ಇದೀಗ, ಕಂಗನಾ ರಣಾವತ್ ಈ ಚಿತ್ರವನ್ನ ಮೀರಿಸುವಂತೆ ಸಿನಿಮಾ ಮಾಡ್ತಾರಂತೆ. ಈಗಾಗಲೇ ಈ ಚಿತ್ರಕ್ಕೆ ಕಥೆ ಅಂತಿಮವಾಗಿದ್ದು, ಸದ್ಯದಲ್ಲೇ ಭರ್ಜರಿ ಫೋಟೋಶೂಟ್ ಮಾಡುತ್ತೇನೆ ಎಂದು ಹೇಳಿಕೊಂಡಿದ್ದಾರೆ.

ಕಬಡ್ಡಿ ಕಥೆ ಆಧಾರಿತ ಸಿನಿಮಾ

ಅಂದ್ಹಾಗೆ, ಕಂಗನಾ ಮಾಡಲು ಹೊರಟಿರುವುದು ಕಬಡ್ಡಿ ಆಧಾರಿತ ಕಥೆಯಂತೆ. ಈಗಾಗಲೇ ಕಂಗನಾ ಕಬಡ್ಡಿ ಟ್ರೈನಿಂಗ್ ಪಡೆದುಕೊಳ್ಳುತ್ತಿದ್ದಾರಂತೆ. ಆದ್ರೆ, ಬಯೋಪಿಕ್ ಅಥವಾ ಕಾಲ್ಪನಿಕ ಕಥೆನಾ ಎಂಬುದರ ಬಗ್ಗೆ ಮಾಹಿತಿ ಇಲ್ಲ. ಆದ್ರೆ, ಕಂಗನಾ ಕಾನ್ಫಿಡೆನ್ಸ್ ನೋಡ್ತಿದ್ರೆ ನಿಜಕ್ಕೂ ಕ್ರೀಡಾ ಆಧಾರಿತ ಚಿತ್ರದಲ್ಲಿ 'ಬಾಹುಬಲಿ' ಚಿತ್ರವನ್ನ ಮೀರಿಸುತ್ತಾರಾ ಎಂಬ ಕುತೂಹಲ ಕಾಡ್ತಿದೆ.

ಡೈರೆಕ್ಟರ್ ಅವರೇ.!

ಅಂದ್ಹಾಗೆ, ಇಂತಹ ದೊಡ್ಡ ಸಿನಿಮಾವನ್ನ ನಿರ್ದೇಶನ ಮಾಡುತ್ತಿರುವುದು ಬೇರೆ ಯಾರೂ ಅಲ್ಲ. ಸ್ವತಃ ಕಂಗನಾ ಆಕ್ಷನ್ ಕಟ್ ಹೇಳಲಿದ್ದಾರಂತೆ. ಈ ಹಿಂದಿನ ಚಿತ್ರ 'ಮಣಿಕರ್ಣಿಕಾ'ಗೂ ಕಂಗನಾ ನಿರ್ದೇಶನ ಮಾಡಿದ ಅನುಭವ ಹೊಂದಿದ್ದಾರೆ. ಹಾಗಾಗಿ, ಅದೇ ಜೋಶ್ ನಲ್ಲಿ ಈ ಸಿನಿಮಾ ಮಾಡಲು ಸಜ್ಜಾಗುತ್ತಿದ್ದಾರೆ.

ಜಯಲಲಿತಾ ಬಯೋಪಿಕ್ ನಂತರ.!

ಸದ್ಯ ಜಯಲಲಿತಾ ಅವರ ಬಯೋಪಿಕ್ ಚಿತ್ರದಲ್ಲಿ ಕಂಗನಾ ನಟಿಸುತ್ತಿದ್ದಾರೆ. ಎ.ಎಲ್ ವಿಜಯ್ ನಿರ್ದೇಶನ ಮಾಡುತ್ತಿರುವ 'ತಲೈವಿ' ಸಿನಿಮಾದಲ್ಲಿ ಜಯಲಲಿತಾ ಪಾತ್ರ ಮಾಡ್ತಿರುವ ಕಂಗನಾ, ಈ ಸಿನಿಮಾ ಬಳಿಕ ತಮ್ಮದೇ ನಿರ್ದೇಶನದ ಸಿನಿಮಾವನ್ನ ಆರಂಭಿಸಲಿದ್ದಾರಂತೆ.