ಕಣ್ಣೀರು ಹಾಕುತ್ತಾ ಕೇಂದ್ರ ಸರ್ಕಾರಕ್ಕೆ ಮನವಿ ಮಾಡಿದ ಕಂಗನಾ

ಹಿಂದುಗಳ ಜೀವ ಅಷ್ಟೋಂದು ಅಗ್ಗವೆ?: ಕಂಗನಾ

'ಭಾರತದ ವಿರುದ್ಧ ಎಂಥಹಾ ಪಿತೂರಿ ಮಾಡುತ್ತಿದ್ದಾರೆ ಎಂಬುದು ನನಗೆ ಅರ್ಥವಾಗುತ್ತಿಲ್ಲ. ಹಿಂದುಗಳ ರಕ್ತ ಅಷ್ಟೋಂದು ಅಗ್ಗವೇ? ಅಥವಾ ನಾವೆಲ್ಲರೂ ದೊಡ್ಡ ಪಿತೂರಿಗೆ ನಾವು ಬಲಿಯಾಗುತ್ತಿದ್ದೇವಾ?' ಎಂದಿದ್ದಾರೆ ಕಂಗನಾ.

''ದೇಶದ್ರೋಹಿಗಳಿಗೆ ಏಕೆ ಅಷ್ಟೋಂದು ಹೆದರುತ್ತೀರಿ?''

''ನಾನು ನಮ್ಮ ಸರ್ಕಾರವನ್ನು ಬಹುವಾಗಿ ಬೆಂಬಲಿಸುವವಳು, ಆದರೆ ಇಂದು ನಾನು ಬಹಳ ಬೇಸರಗೊಂಡಿದ್ದೇನೆ. ಬಂಗಾಳದಲ್ಲಿ ರಕ್ತದ ಕೋಡಿ ಹರಿಯುತ್ತಿದೆ. ನೀವು ಅದರ ವಿರುದ್ಧ ಧರಣಿ ಮಾಡಲು ಯೋಜಿಸುತ್ತಿದ್ದೀರಿ. ಅದನ್ನು ವಿರೋಧಿಸಲು ಯೋಚಿಸುತ್ತಿದ್ದೀರಿ, ಯಾಕೆ ನೀವು ದೇಶದ್ರೋಹಿಗಳಿಂದ ಅಷ್ಟೋಂದು ಹೆದರುತ್ತಿದ್ದೀರಿ?' ಎಂದು ಸರ್ಕಾರವನ್ನು ಪ್ರಶ್ನಿಸಿದ್ದಾರೆ ಕಂಗನಾ.

ರಾಷ್ಟ್ರಪತಿ ಆಡಳಿತ ಹೇರಿ: ಕಂಗನಾ ರನೌತ್

'ದೇಶದ್ರೋಹಿಗಳಿಗೆ ಏಕೆ ನೀವು ಹೆದರುತ್ತಿದ್ದೀರಿ? ದೇಶದ್ರೋಹಿಗಳೇ ದೇಶವನ್ನು ನಡೆಸುತ್ತಾರೇನು ಈಗ? ಈಗ ರಾಷ್ಟ್ರಪತಿ ಆಡಳಿತದ ಅವಶ್ಯಕತೆ ಇದೆ. ಜವಾಹಾರ್‌ ಲಾಲ್ ನೆಹರು 8 ಅಥವಾ 12 ಬಾರಿ ರಾಷ್ಟ್ರಪತಿ ಆಡಳಿತ ಹೇರಿದ್ದರು. ಇಂದಿರಾಗಾಂಧಿ 50 ಬಾರಿ ರಾಷ್ಟ್ರಪತಿ ಆಡಳಿತ ಹೇರಿದ್ದರು. ಮನಮೋಹನ್ ಸಿಂಗ್ 10-12 ಬಾರಿ ರಾಷ್ಟ್ರಪತಿ ಆಡಳಿತ ಹೇರಿದ್ದರು. ನೀವು ಏಕೆ ಹೆದರುತ್ತಿದ್ದೀರಿ?'' ಎಂದು ಅಳುತ್ತಾ ಪ್ರಶ್ನೆ ಮಾಡಿದ್ದಾರೆ ಕಂಗನಾ.

ಕೇವಲ ಪ್ರತಿಭಟನೆ ಮಾಡುತ್ತಾ ಕೂರಬೇಕಾ?: ಕಂಗನಾ

''ಈ ದೇಶವನ್ನು ದೇಶದ್ರೋಹಿಗಳು ನಡೆಸುತ್ತಾರೇನು? ಅಮಾಯಕರ ಹತ್ಯೆ ಆದಾಗಲೂ ನಾವು ಕೇವಲ ಪ್ರತಿಭಟನೆ ಮಾಡುತ್ತಾ ಕೂರಬೇಕೇನು? ಆದಷ್ಟು ಬೇಗ ಈ ನರಮೇಧವನ್ನು ನಿಲ್ಲಿಸಿ ಎಂದು ನಮ್ಮ್ ಸರ್ಕಾರದ ಬಳಿ ನಾನು ಮನವಿ ಮಾಡುತ್ತೇನೆ'' ಎಂದಿದ್ದಾರೆ ಕಂಗನಾ ರನೌತ್.