ಬಾಲಿವುಡ್ ಟಾಪ್ ನಾಯಕಿಯರನ್ನೇ ಹಿಂದಿಕ್ಕಿದ ಗಾಯಕಿ ಕನ್ನಿಕಾ ಕಪೂರ್!

ಪಾರ್ಟಿ ಮಾಡಿದ್ದ ಕನ್ನಿಕಾ ಕಪೂರ್

ಕನ್ನಿಕಾ ಕಪೂರ್ ವಿದೇಶದಿಂದ ಭಾರತಕ್ಕೆ ಬಂದಿದ್ದರೂ, ಸರ್ಕಾರಕ್ಕೆ ಸೂಕ್ತ ಮಾಹಿತಿ ನೀಡದೆ ಪಾರ್ಟಿಯಲ್ಲಿ ಭಾಗವಹಿಸಿ ಇತರರಿಗೂ ಸಮಸ್ಯೆ ತಂದಿಟ್ಟಿದ್ದರು. ಇವರು ಭಾಗವಹಿಸಿದ್ದ ಪಾರ್ಟಿಯಲ್ಲಿ ಮಾಜಿ ಸಿಎಂ ವಸುಂಧರಾ ರಾಜೆ ಮತ್ತು ಸಂಸದ ದುಷ್ಯಂತ್ ಸಿಂಗ್ ಸಹ ಭಾಗವಹಿಸಿದ್ದರು. ಇದು ಭಾರಿ ಚರ್ಚೆಗೆ ಕಾರಣವಾಗಿತ್ತು.

ಕೊರೊನಾ ಗೆ ತುತ್ತಾದ ಮೊದಲ ಭಾರತೀಯ ಸೆಲೆಬ್ರಿಟಿ

ಸತತ ಆರು ಬಾರಿ ಕೊರೊನಾ ಪರೀಕ್ಷೆ ಮಾಡಿದಾಗಲೂ ಕನ್ನಿಕಾ ಕಪೂರ್ ಅವರಿಗೆ ಪಾಸಿಟಿವ್ ಬಂದಿತ್ತು, ಕನ್ನಿಕಾ ಕಪೂರ್ ಗುಣಮುಖರಾಗಲು ಕೆಲವು ವಾರಗಳೇ ಹಿಡಿದಿದ್ದವು. ಕೊರೊನಾ ಗೆ ತುತ್ತಾದ ಭಾರತದ ಮೊದಲ ಸೆಲೆಬ್ರಟಿ ಸಹ ಅವರೇ ಆಗಿದ್ದರು. ಹಾಗಾಗಿ ಅವರ ಬಗ್ಗೆ ಹೆಚ್ಚಿನ ಹುಡುಕಾಟ ಅಂತರ್ಜಾಲದಲ್ಲಿ ನಡೆದಿದೆ.

ಆಸ್ಪತ್ರೆಯಲ್ಲಿ ಅಹಂಕಾರ ಪ್ರದರ್ಶಿಸಿದ್ದ ಕನ್ನಿಕಾ

ಆಸ್ಪತ್ರೆಯಲ್ಲಿದ್ದಾಗ ಕನ್ನಿಕಾ ಕಪೂರ್ ತನ್ನ 'ಸೆಲೆಬ್ರಿಟಿ ಅಂಹಕಾರ' ಪ್ರದರ್ಶಿಸಿ ಸಹ ಸುದ್ದಿಯಾಗಿದ್ದರು. ಕೊನೆಗೆ ಆಸ್ಪತ್ರೆಯವರು, 'ನೀವು ಇಲ್ಲಿ ಸೆಲೆಬ್ರಿಟಿಯಲ್ಲ, ಸಾಮಾನ್ಯ ವ್ಯಕ್ತಿ' ಎಂದು ಬುದ್ಧಿವಾದ ಹೇಳಬೇಕಾಯಿತು. ಇದು ಸಹ ಆಕೆಯ ಬಗ್ಗೆ ಕುತೂಹಲ ಹೆಚ್ಚಲು ಕಾರಣವಾಯಿತು.

ಪ್ರಖ್ಯಾತ ಹಾಡು ಹಾಡಿರುವ ಕನ್ನಿಕಾ

ಕನ್ನಿಕಾ ಕಪೂರ್ 'ಬೇಬಿ ಡಾಲ್', 'ಚಿಟ್ಟಿಯಾ ಕಲ್ಲಂಯ್ಯಾವೆ' ಸೇರಿ ಇನ್ನೂ ಹಲವು ಹಾಡುಗಳನ್ನು ಹಾಡಿದ್ದಾರೆ. ಕೊರೊನಾ ದಿಂದ ಪೂರ್ಣ ಗುಣಮುಖರಾಗಿರುವ ಅವರು ಪ್ರಸ್ತುತ ಲಾಕ್‌ಡೌನ್ ಪಾಲಿಸುತ್ತಾ ಮನೆಯಲ್ಲಿದ್ದಾರೆ.