ವಿಡಿಯೋ: ಫೋಟೊ ಕೇಳಿದ ಅಭಿಮಾನಿಯೊಂದಿಗೆ ಹೀಗಾ ನಡೆದುಕೊಳ್ಳೋದು ಕರೀನಾ?

ಹೋಳಿ ಹಬ್ಬದ ದಿನ ನಡೆದ ಘಟನೆ

ಹೋಳಿ ಹಬ್ಬದ ದಿನ ಮಗ ತೈಮೂರ್‌ ನೊಂದಿಗೆ ಹೊರಗೆ ಹೋಗಿ ಕರೀನಾ ಕಪೂರ್ ವಾಪಸ್ಸಾಗುತ್ತಿದ್ದಾಗ ಇಬ್ಬರು ಯುವತಿಯರು ಕರೀನಾ ಅವರಿಗೆ ಹೋಳಿಯ ಶುಭಾಶಯ ತಿಳಿಸಿದ್ದಾರೆ. ಅವರತ್ತ ಕಣ್ಣೆತ್ತಿ ಸಹ ನೋಡದ ಕರೀನಾ ಸುಮ್ಮನೆ ಹಾಗೆ ಹೋಗಿದ್ದಾರೆ.

ವಿನಯದಿಂದಲೇ ಚಿತ್ರಕ್ಕಾಗಿ ಕೇಳಿಕೊಂಡ ಅಭಿಮಾನಿ

ಸ್ಟಾರ್ ನಟಿಯೊಂದಿಗೆ ಚಿತ್ರ ತೆಗೆಸಿಕೊಳ್ಳಬೇಕೆಂಬ ಹಂಬಲದಿಂದ ವಿನಯದಿಂದಲೇ ಕರಿನಾ ಕಪೂರ್ ಅವರನ್ನು ಚಿತ್ರಕ್ಕಾಗಿ ಕೇಳಿಕೊಂಡಿದ್ದಾರೆ. ಚಿತ್ರಕ್ಕೆ ನಿಲ್ಲುವ ಮೊದಲು ಯುವತಿಯೊಂದಿಗೆ ಸಿಟ್ಟಿನಲ್ಲಿ ಮಾತನಾಡಿ ಚಿತ್ರಕ್ಕಾಗಿ ನಿಂತ ಕರೀನಾ, ಒಂದು ಸಣ್ಣ ಮುಗುಳ್ನಗೆಯನ್ನೂ ನೀಡದೆ, ಎರಡೇ ಸೆಕೆಂಡ್‌ನಲ್ಲಿ ಅಲ್ಲಿಂದ ಹೊರಟುಹೋಗಿದ್ದಾರೆ.

ಭಾರಿ ವೈರಲ್ ಆಗಿರುವ ವಿಡಿಯೋ

ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದ್ದು, ಕರೀನಾ ಕಪೂರ್‌ ರ ಈ ವರ್ತನೆ ಬಗ್ಗೆ ಹಲವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಕರೀನಾ ಕಪೂರ್‌ ಗೆ ಆಟಿಟ್ಯೂಡ್ ಹೆಚ್ಚಾಗಿದೆ. ನವಾಬ್ ಕುಟುಂಬದ ಅಹಂಕಾರ ಕರೀನಾ ಗೂ ಸೋಕಿದೆ ಎಂದು ಮೂದಲಿಸಿದ್ದಾರೆ.

ಅಭಿಮಾನಿ ಮೇಲೆ ಹಲ್ಲೆ ಮಾಡಿದ್ದ ಸೈಫ್ ಅಲಿ ಖಾನ್

ಕರೀನಾ ಕಪೂರ್ ಪತಿ ಸೈಫ್ ಅಲಿ ಖಾನ್ ಸಹ ಅಭಿಮಾನಿಗಳೊಂದಿಗೆ ಜಗಳ ಮಾಡಿ ಸುದ್ದಿಯಾಗಿದ್ದರು. ಸ್ಟಾರ್ ಹೊಟೆಲ್ ಒಂದರಲ್ಲಿ ಅಭಿಮಾನಿ ಮೇಲೆ ಸೈಫ್ ಹಲ್ಲೆ ಮಾಡಿದ್ದು ಭಾರಿ ಸುದ್ದಿಯಾಗಿತ್ತು.