ಕ್ರೈಸ್ತ ಧರ್ಮದ ಪ್ರಕಾರ ಕರೀನಾ, ಸೈಫ್ ಮದುವೆ

ಬಾಲಿವುಡ್ ತಾರಾ ಜೋಡಿ ಕರೀನಾ ಕಪೂರ್ ಹಾಗೂ ಸೈಫ್ ಆಲಿ ಖಾನ್ ರಿಜಿಸ್ಟರ್ಡ್ದ್ ಮದುವೆಯಾಗುವ ಮೂಲಕ ಅಕ್ಟೋಬರ್ 16ರಂದು ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟರು. ಆದರೆ ಇವರಿಬ್ಬರ ಮದುವೆ ಇಸ್ಲಾಂ ಧರ್ಮದ ಪ್ರಕಾರ ನಡೆದಿಲ್ಲ ಎಂಬ ಸಂಗತಿ ತಡವಾಗಿ ಬೆಳಕಿಗೆ ಬಂದಿದೆ.

ಇವರಿಬ್ಬರೂ ಉಂಗುರ ಬದಲಾಯಿಸಿಕೊಳ್ಳುವ ಮೂಲಕ ಕ್ರೈಸ್ತ ಧರ್ಮದ ಪ್ರಕಾರ ಮದುವೆಯಾಗಿದ್ದಾರೆ. ಕರೀನಾ ಅವರ ತಾಯಿ ಬಬಿತಾ ಅವರ ಆಶಯದಂತೆ ಕ್ರೈಸ್ತ ಧರ್ಮದ ವಿಧಿ ವಿಧಾನಗಳ ಪ್ರಕಾರ ಇವರಿಬ್ಬರ ಮದುವೆ ನೆರವೇರಿದೆ.

ಕರೀನಾ ಮದುವೆ ಗ್ಯಾಲರಿ

ಕೊಲಾಬ್ ನಲ್ಲಿರುವ ತಾಜ್ ಮಹಲ್ ಹೋಟೆಲ್ ನಲ್ಲಿ ಉಂಗುರ ಬದಲಾಯಿಸಿಕೊಳ್ಳುವ ಮೂಲಕ ಇವರಿಬ್ಬರ ಮದುವೆ ಕ್ರೈಸ್ತ ಧರ್ಮದ ವಿಧಿವಿಧಾನದಂತೆ ನೆರವೇರಿದೆ. ಆದರೆ ಆರತಕ್ಷತೆ ಕಾರ್ಯಕ್ರಮ ಮಾತ್ರ ಮೊಘಲ್ ಸಂಪ್ರದಾಯದಂತೆ ನಡೆಸಲು ಇಬ್ಬರೂ ಕುಟುಂಬಿಕರು ಒಪ್ಪಿಗೆ ಸೂಚಿಸಿದ್ದಾರೆ. ಗುರುವಾರ (ಅ.18) ದೆಹಲಿಯಲ್ಲಿ ಆರತಕ್ಷತೆ ಕಾರ್ಯಕ್ರಮ ನಡೆಯಲಿದೆ.

ಸೈಫ್ ಅವರನ್ನು ಕರೀನಾ ವರಿಸುತ್ತಿದ್ದರೂ ಅವರು ಮುಸ್ಲಿಂ ಧರ್ಮಕ್ಕೆ ಮತಾಂತರವಾಗುತ್ತಿಲ್ಲ. ಹಿಂದು ಧರ್ಮದ ಅಸ್ತಿತ್ವವನ್ನು ಉಳಿಸಿಕೊಂಡು ಅವರು ಸೈಫ್ ಜೊತೆ ಬಾಳಪಯಣ ಆರಂಭಿಸಿದ್ದಾರೆ. ಮುಂದೆ ತಮ್ಮ ಮನಸ್ಸನ್ನು ಬದಲಾಯಿಸಿಕೊಂಡು ಮತಾಂತರವಾಗುತ್ತಾರೋ ಇಲ್ಲವೋ ಗೊತ್ತಿಲ್ಲ. (ಏಜೆನ್ಸೀಸ್)