ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್ ಬಗ್ಗೆ ನಿಮಗೆಷ್ಟು ಗೊತ್ತು.?

ತೆಲುಗು ಚಿತ್ರವನ್ನ ರಿಜೆಕ್ಟ್ ಮಾಡಿದ್ದ ಜಾಹ್ನವಿ ಕಪೂರ್

'ಧಡಕ್' ಚಿತ್ರಕ್ಕೂ ಮುನ್ನ ಟಾಲಿವುಡ್ ನಿಂದ ಜಾಹ್ನವಿ ಕಪೂರ್ ಗೆ ಬುಲಾವ್ ಬಂದಿತ್ತು. ಮಹೇಶ್ ಬಾಬು ಅಭಿನಯದ ಎ.ಆರ್.ಮುರುಗದಾಸ್ ನಿರ್ದೇಶನದ ಚಿತ್ರದಲ್ಲಿ ನಟಿಸುವ ಆಫರ್ ಜಾಹ್ನವಿ ಕಪೂರ್ ಪಾಲಾಗಿತ್ತು. ಆದ್ರೆ, ನಟನೆಯಲ್ಲಿ ಇನ್ನೂ ತರಬೇತಿ ಬೇಕಿತ್ತು ಎಂಬ ಕಾರಣಕ್ಕೆ ಅಂದು ಸಿಕ್ಕ ಅವಕಾಶವನ್ನ ಜಾಹ್ನವಿ ಕೈಬಿಟ್ಟರು.

ಜಾಹ್ನವಿ ಕಪೂರ್ ಬೆಸ್ಟ್ ಫ್ರೆಂಡ್ ಯಾರು ಗೊತ್ತಾ.?

ಇನ್ಸ್ಟಾಗ್ರಾಮ್ ನಲ್ಲಿ ನೀವು ಜಾಹ್ನವಿ ಕಪೂರ್ ರನ್ನ ಫಾಲೋ ಮಾಡ್ತಿದ್ರೆ, ನಿಮಗೆ ಆಕೆಯ ಗೆಳೆಯನ ಪರಿಚಯ ಇದ್ದೇ ಇರುತ್ತೆ. ಜಾಹ್ನವಿ ಕಪೂರ್ ಬೆಸ್ಟ್ ಫ್ರೆಂಡ್ ಹೆಸರು ಅಕ್ಷತ್ ರಂಜನ್. ಈತನ ಜೊತೆಗೆ ಇರುವ ಫೋಟೋಗಳನ್ನೆಲ್ಲ ಜಾಹ್ನವಿ ತಮ್ಮ ಇನ್ಸ್ಟಾಗ್ರಾಮ್ ಪೇಜ್ ನಲ್ಲಿ ಶೇರ್ ಮಾಡಿದ್ದಾರೆ.

ಪದವಿ ಪಡೆದಿರುವ ಜಾಹ್ನವಿ

ಬಾಲಿವುಡ್ ಗೆ ಪದಾರ್ಪಣೆ ಮಾಡುವ ಮುನ್ನ ಓದು ಮುಗಿಸಿ ಪದವಿ ಪಡೆದಿದ್ದಾರೆ ಜಾಹ್ನವಿ ಕಪೂರ್. ಅಲ್ಲದೇ, ಯು.ಎಸ್.ಎ ನಲ್ಲಿರುವ ದಿ ಲೀ ಸ್ಟ್ರಾಸ್ಬರ್ಗ್ ಥಿಯೇಟರ್ ಅಂಡ್ ಫಿಲ್ಮ್ ಇನ್ಸ್ಟಿಟ್ಯೂಟ್ ನಲ್ಲಿ ನಟನೆಯ ತರಬೇತಿ ಪಡೆದಿದ್ದಾರೆ.

ನಟಿಯಾಗುವ ಬಯಕೆ

ಚಿಕ್ಕವಯಸ್ಸಿನಿಂದಲೂ ಜಾಹ್ನವಿ ಕಪೂರ್ ಗೆ ನಟಿಯಾಗುವ ಇಚ್ಛೆ ಇತ್ತು. ಅಮ್ಮನಂತೆ ತಾನೂ ಬೆಳ್ಳಿತೆರೆ ಮೇಲೆ ಮಿಂಚಬೇಕು ಎಂಬ ಬಯಕೆ ಚಿಗುರೊಡೆದಿತ್ತು.

ಟ್ರಾವೆಲ್ಲಿಂಗ್ ಅಂದ್ರೆ ಪ್ರಾಣ

ಜಾಹ್ನವಿ ಕಪೂರ್ ಗೆ ಟ್ರಾವೆಲ್ಲಿಂಗ್ ಅಂದ್ರೆ ಪ್ರಾಣ. ಕುಟುಂಬಸ್ಥರು ಹಾಗೂ ಸ್ನೇಹಿತರ ಜೊತೆಗೆ ಹೊಸ ಹೊಸ ಜಾಗಗಳಿಗೆ ಭೇಟಿ ಕೊಡುವುದು ಜಾಹ್ನವಿ ಹವ್ಯಾಸ.

ಜಾಹ್ನವಿಗೆ ಸಿಗುತ್ತಾ ಜೈಕಾರ.?

ಇದೇ ತಿಂಗಳ 20 ರಂದು ಬಾಲಿವುಡ್ ಬೆಳ್ಳಿತೆರೆ ಮೇಲೆ ಜಾಹ್ನವಿ ಮಿನುಗಲಿದ್ದಾರೆ. ಶ್ರೀದೇವಿ ಅಭಿನಯ ನೋಡಿ ನೀವೆಲ್ಲ ಶಿಳ್ಳೆ ಹೊಡೆದಂತೆ ಜಾಹ್ನವಿಗೂ ಜೈಕಾರ ಹಾಕ್ತೀರಾ.?