ಲಾಕ್‌ಡೌನ್ ಎಫೆಕ್ಟ್: ಬಾಲಿವುಡ್‌ಗೆ ಎಷ್ಟು ಕೋಟಿ ನಷ್ಟ? ಇಲ್ಲಿದೆ ಲೆಕ್ಕಾಚಾರ!

ದೊಡ್ಡ ಚಿತ್ರಗಳ ಬಿಡುಗಡೆ ಮುಂದೂಡಿಕೆ

ಮಾರ್ಚ್ ತಿಂಗಳಿಂದ ರಿಲೀಸ್ ಆಗಬೇಕಿದ್ದ ಚಿತ್ರಗಳು ಮುಂದೂಡಿಕೆಯಾಗಿದ್ದರಿಂದ ಬಾಕ್ಸ್ ಆಫೀಸ್‌ ಲೆಕ್ಕಾಚಾರ ಸಂಪೂರ್ಣವಾಗಿ ತಲೆಕೆಳಗಾಗಿದೆ. ರಣ್ವೀರ್ ಸಿಂಗ್ ನಟನೆಯ '83' ಸಿನಿಮಾ ಹಾಗೂ ಅಕ್ಷಯ್ ಕುಮಾರ್ ನಟನೆಯ ಸೂರ್ಯವಂಶಿ ಚಿತ್ರಗಳು ಮುಂದಕ್ಕೆ ಹೋಗಿವೆ.

3500 ಕೋಟಿ ನಷ್ಟ!

Koimoi ವೆಬ್‌ಸೈಟ್‌ ವರದಿ ಮಾಡಿರುವ ಪ್ರಕಾರ, 2020ನೇ ವರ್ಷಾಂತ್ಯಕ್ಕೆ ಬಾಲಿವುಡ್‌ನಲ್ಲಿ 3000 ರಿಂದ 3500 ಕೋಟಿ ರೂಪಾಯಿ ನಷ್ಟ ಆಗಲಿದೆ ಎಂದು ಅಂದಾಜಿಸಲಾಗಿದೆ.

ಕೆಲವೇ ಚಿತ್ರಗಳು ದುಡ್ಡು ಮಾಡಿದ್ವು

ಜನವರಿಯಿಂದ ಮಾರ್ಚ್ ಅರ್ಧ ತಿಂಗಳವರೆಗೂ ಸುಮಾರು ಹದಿನೈದು ಪ್ರಮುಖ ಚಿತ್ರಗಳು ಬಿಡುಗಡೆಯಾಗಿದ್ದವು. ಅದರಲ್ಲಿ ಕೇವಲ ಐದಾರು ಚಿತ್ರಗಳು ಮಾತ್ರ ಬಾಕ್ಸ್ ಆಫೀಸ್‌ನಲ್ಲಿ ಬಿಸಿನೆಸ್ ಮಾಡಿವೆ. ತಾನ್ಹಾಜಿ, ಭಾಗಿ 3, ಸ್ಟ್ರೀಟ್ ಡ್ಯಾನ್ಸರ್, ಶುಭ ಮಂಗಲ್ ಝ್ಯಾದಾ ಸಾವಧಾನ್, ಮಲಾಂಗ್ ಸಿನಿಮಾ ಮಾತ್ರ ಗಮನಾರ್ಹ ಪ್ರದರ್ಶನ ಕಂಡಿತ್ತು. ತಪ್ಪಾಡ್, ಚಪಾಕ್, ಭೂತ್ ದಿ ಹಂಟೆಡ್ ಶಿಪ್, ಜವಾನಿ ಜಾನೇಮನ್ ಅಂತಹ ಸಿನಿಮಾಗಳು ಉತ್ತಮ ಗಳಿಕೆ ಕಂಡಿಲ್ಲ.

Recommended Video

K Kalyan ಜೀವನದಲ್ಲಿ ಕಲಹ ಎಬ್ಬಿಸಿದ್ದ Ganga Kulkarni ಆತ್ಮಹತ್ಯೆ | Filmibeat Kannada

ಸ್ಟಾರ್ಸ್ ಚಿತ್ರಗಳು ಮುಂದೂಡಿಕೆ

ಈ ವರ್ಷದ ಬಾಕ್ಸ್ ಆಫೀಸ್‌ನಲ್ಲಿ ಭಾರಿ ನಿರೀಕ್ಷೆಯಿದ್ದ ಹುಟ್ಟಿಸಿದ್ದ ಸೂರ್ಯವಂಶಿ, ಲಾಲ್ ಸಿಂಗ್ ಚಡ್ಡಾ, ರಾಧೆ, ಬ್ರಹ್ಮಾಸ್ತ್ರ, ಸತ್ಯಮೇವ ಜಯತೆ-2 ಸೇರಿದಂತೆ ಹಲವು ಚಿತ್ರಗಳು 2021ಕ್ಕೆ ಮುಂದೂಡಲಾಗಿದೆ, ಆದರೆ, ಭುಜ್: ದಿ ಪ್ರೈಡ್ ಆಫ್ ಇಂಡಿಯಾ, ಕೂಲಿ ನಂ 1 ಮತ್ತು ಲಕ್ಷ್ಮಿ ಬಾಂಬ್ ಸಿನಿಮಾಗಳು ಒಟಿಟಿ ಪ್ಲಾಟ್‌ಫಾರ್ಮ್‌ಗಳ ಮೊರೆ ಹೋಗುವ ಸಾಧ್ಯತೆ ಹೆಚ್ಚಿದೆ.