ಮಹೇಶ್ ಭಟ್ ವಿರುದ್ಧ ನಟಿಯಿಂದ ಕಿರುಕುಳ ಆರೋಪ: ಪ್ರಕರಣಕ್ಕೆ ಟ್ವಿಸ್ಟ್‌

'ಮಹೇಶ್ ಭಟ್ ಸೋದರಳಿಯನ ಪತ್ನಿ'

ಮಹೇಶ್ ಭಟ್ ಅವರ ಸೋದರಳಿಯನ ಪತ್ನಿ ಎಂದು ಹೇಳಿಕೊಂಡಿರುವ ನಟಿ ಲುವೀನಾ ಲೂದ್, 'ಮಹೇಶ್ ಭಟ್ ಚಿತ್ರರಂಗದ ಡಾನ್, ಆತನು ಹಲವರ ಜೀವನ ಹಾಳುಮಾಡಿದ್ದಾನೆ. ನನಗೂ ಕಿರುಕುಳ ನೀಡಿದ್ದಾನೆ, ನನ್ನನ್ನು ಮನೆಯಿಂದ ಹೊರಗೆ ಹಾಕಲು ಯತ್ನಿಸಿದ್ದಾರೆ' ಎಂದು ಆರೋಪ ಮಾಡಿದ್ದಾರೆ ಲವೀನಾ.

ನನ್ನ ಪತಿ ನಟ-ನಟಿಯರಿಗೆ ಡ್ರಗ್ಸ್ ಸರಬರಾಜು ಮಾಡುತ್ತಾರೆ: ಲುವೀನಾ

ತನ್ನ ಪತಿಯ ವಿರುದ್ಧ ಆರೋಪ ಮಾಡಿರುವ ಲುವೀನಾ ಲೂದ್, 'ನನ್ನ ಪತಿ ಸುಮಿತ್ ಸಭರ್ವಾಲ್, ನಟ-ನಟಿಯರಿಗೆ ಡ್ರಗ್ಸ್ ಅನ್ನು ಸರಬರಾಜು ಮಾಡುತ್ತಾನೆ. ಅಮೈರಾ ದಸ್ತರ್ ಹಾಗೂ ಸಪ್ನಾ ಪಬ್ಬಿಗೆ ಡ್ರಗ್ಸ್ ಅನ್ನು ಸರಬರಾಜು ಮಾಡುತ್ತಾನೆ' ಎಂದು ಆರೋಪಿಸಿದ್ದರು.

ಪತ್ರಿಕಾ ಹೇಳಿಕೆ ನೀಡಿರುವ ಸುಮಿತ್ ಸಭರ್ವಾಲ್

ಇದೀಗ, ಲುವೀನಾ ಪತಿ ಸುಮಿತ್ ಸಭರ್ವಾಲ್ ತಮ್ಮ ವಕೀಲರ ಮೂಲಕ ಪತ್ರಿಕಾ ಹೇಳಿಕೆ ನೀಡಿದ್ದು, 'ನನ್ನ ಪತ್ನಿ ಹೇಳಿರುವಂತೆ ನಾನು ನಿರ್ದೇಶಕ, ನಿರ್ಮಾಪಕ ಮಹೇಶ್ ಭಟ್ ಅಥವಾ ಅವರ ಸಹೋದರ ಮುಖೇಶ್ ಭಟ್ ಸಂಬಂಧಿ ಅಲ್ಲ' ಎಂದಿದ್ದಾರೆ.

Recommended Video

Shashi Kumar ಮಗನಿಗೆ ಸಾಥ್ ಕೊಟ್ಟ ಉಪೇಂದ್ರ | Filmibeat Kannada

2016 ರಿಂದಲೂ ಪ್ರಕರಣ ನಡೆಯುತ್ತಿದೆ

'ನನ್ನ ಹಾಗೂ ಮಹೇಶ್ ಭಟ್, ಮುಖೇಶ್ ಭಟ್ ನಡುವೆ ಸಂಬಂಧ ಹುಟ್ಟುಹಾಕುವ ಯತ್ನ ಕೇವಲ ಒಂದು ಷಡ್ಯಂತ್ರವಾಗಿದೆಯಷ್ಟೆ. ನನ್ನ ಪತ್ನಿ ಹಾಗೂ ನನ್ನ ನಡುವೆ 2016 ರಿಂದಲೂ ನ್ಯಾಯಾಲಯದಲ್ಲಿ ಪ್ರಕರಣ ಚಾಲ್ತಿಯಲ್ಲಿದ್ದು, ನನ್ನ ಮಾನಹಾನಿಗೆ ಆಕೆ ಹೀಗೆ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ' ಎಂದಿದ್ದಾರೆ.