ಚಾಕೋಲೇಟ್ ಬಾಯ್ ಕಿಸ್ಸಿಗೆ ಮಾಧುರಿ ಢಮಾರ್

ಬಾಲಿವುಡ್ ಚಾಕೋಲೇಟ್ ಹೀರೋ ರಣಬೀರ್ ಕಪೂರ್ ಸೀರಿಯಲ್ ಕಿಸ್ಸರ್ ಅಲ್ಲದಿದ್ದರೂ ಒಂದಷ್ಟು ಬೆಡಗಿಯರಿಗಂತೂ ಚುಮ್ಮಾ ಕೊಟ್ಟ ಬೆಚ್ಚಗಿನ ಅನುಭವವಂತೂ ಇದ್ದೇ ಇದೆ. ಆದರೆ ಇತ್ತೀಚೆಗೆ ಧಕ್ ಧಕ್ ಬೆಡಗಿ ಮಾಧುರಿ ದೀಕ್ಷಿತ್ ಗೆ ಪಪ್ಪಿ ಕೊಡಲು ಸುವರ್ಣಾವಕಾಶ ರಣಬೀರ್ ಗೆ ಸಿಕ್ಕಿದೆ.

ಸುದೀರ್ಘ ಸಮಯದ ಬಳಿಕ ಮಾಧುರಿ ದೀಕ್ಷಿತ್ ಮತ್ತೆ ಬಣ್ಣ ಹಚ್ಚುತ್ತಿರುವುದು ಗೊತ್ತೇ ಇದೆ. 'ಯೇ ಜಾವಾನಿ ಹೈ ದಿವಾನಿ' ಚಿತ್ರದ ಸ್ಪೆಷಲ್ ಸಾಂಗ್ ನಲ್ಲಿ ಮಾಧುರಿ ಸೊಂಟ ಬಳುಕಿಸುತ್ತಿದ್ದಾರೆ. ಈ ಹಾಡಿನಲ್ಲಿ ಮಾಧುರಿ ಜೊತೆ ರಣಬೀರ್ ಹೆಜ್ಜೆ ಹಾಕುತ್ತಿದ್ದು ಚುಂಬನ ದೃಶ್ಯಕ್ಕಾಗಿ ನಾಲ್ಕು ಟೇಕ್ ತೆಗೆದುಕೊಂಡಿದ್ದಾನೆ.

ಯೇ ಜಾವಾನಿ ಹೈ ದಿವಾನಿ

ಮಾಧುರಿ ಜೊತೆ ಅಭಿನಯಿಸಬೇಕು ಎಂದು ಚಿಕ್ಕಂದಿನಿಂದಲೂ ಕನಸು ಕಂಡಿದ್ದೆ. ಅದು ಈಗ ನೆರವೇರುತ್ತಿದೆ. ಅವರೊಂದಿಗೆ ಹೆಜ್ಜೆ ಹಾಕಿದ್ದು ನಿಜಕ್ಕೂ ನನಗೆ ಖುಷಿಕೊಟ್ಟಿದೆ. "ಘಾಗ್ರಾ" ಎಂಬ ಐಟಂ ಹಾಡು ಚಿತ್ರದಲ್ಲಿದ್ದು ಈ ಹಾಡಿನ ಕೊನೆಗೆ ಮಾಧುರಿಗೆ ಕಿಸ್ ಕೊಡುತ್ತಾನೆ ರಣಬೀರ್.

ಆದರೆ ಹಾಡಿನಲ್ಲಿ ಈ ಕಿಸ್ಸಿಂಗ್ ಸೀನ್ ಇರಲಿಲ್ಲವಂತೆ. ಸ್ವತಃ ರಣಬೀರ್ ಅವರು ನಿರ್ದೇಶಕ ಅಯನ್ ಮುಖರ್ಜಿ ಅವರಿಗೆ ಹೇಳಿ ಈ ಸೀನ್ ಬರುವಂತೆ ನೋಡಿಕೊಂಡಿದ್ದಾರೆ. ಆದರೆ ಒಂದೇ ಶಾಟ್ ನಲ್ಲಿ ಓಕೆ ಮಾಡದೆ ನಾಲ್ಕು ಶಾಟ್ ಗಳನ್ನು ತೆಗೆದುಕೊಂಡ ರಣಬೀರ್ ತನ್ನ ಮನದಾಳದ ಸುದೀರ್ಘ ಬಯಕೆಯನ್ನು ತೀರಿಸಿಕೊಂಡಿದ್ದಾರೆ.

ಈ ರೀತಿಯ ಸುವರ್ಣಾವಕಾಶ ಮುಂದೆ ಬರುತ್ತದೋ ಇಲ್ಲವೋ ನನಗೆ ಗೊತ್ತಿಲ್ಲ. ಮಾಧುರಿಯ ಸೇಬಿನಂತಹ ಕೆನ್ನೆಗೆ ಕಿಸ್ ಕೊಡಲು ನಾಲ್ಕು ಸಲ ಪ್ರಯತ್ನಿಸಿ ಸೋತೆ. ಕಡೆಗೂ ಅಂದುಕೊಂಡ ರೀತಿಯಲ್ಲಿ ಆ ಸೀನ್ ಮೂಡಿಬಂತು ಬಿಡಿ. ಆದರೆ ನಾಲ್ಕು ಟೇಕ್ ಗಳನ್ನು ತೆಗೆದುಕೊಳ್ಳಬೇಕು ಎಂಬ ಉದ್ದೇಶ ನನಗಿರಲಿಲ್ಲ. ಕಾಕತಾಳೀಯವಾಗಿ ನಡೆದುಹೋಯಿತು ಎಂದಿದ್ದಾನೆ 'ಕಿಸ್' ಕಳ್ಳ. ಅಂದಹಾಗೆ 'ಯೇ ಜಾವಾನಿ ಹೈ ದಿವಾನಿ' ಚಿತ್ರ ಮೇ31ಕ್ಕೆ ಬಿಡುಗಡೆಯಾಗುತ್ತಿದೆ. (ಏಜೆನ್ಸೀಸ್)