ನನ್ನ ಹೆಸರನ್ನು ಬಲವಂತವಾಗಿ ಬದಲಾಯಿಸಲಾಯಿತು; ಮನೋಜ್ ಬಾಜಪೇಯಿ ಪತ್ನಿ ಶಬಾನಾ

ಕುಟುಂಬ ಚೆನ್ನಾಗಿದ್ದರೆ ಮಾತ್ರ ಉತ್ತಮ ಕೆಲಸ ಮಾಡಬಹುದು

'ಒಂದುವೇಳೆ ನನ್ನ ಮಗಳು ಅನಾರೋಗ್ಯದಿಂದ ಬಳಲುತ್ತಿದ್ದರೆ ಅಥವಾ ನನ್ನ ಹೆಂಡತಿಗೆ ಆನಾರೋಗ್ಯವಾದರೆ ನಾನು ಸಂಪೂರ್ಣವಾಗಿ ಡಿಸ್ಟರ್ಬ್ ಆಗುತ್ತೆ. ನನಗೆ ಕೆಲಸ ಮಾಡಲು ಸಾಧ್ಯವಾಗುವುದಿಲ್ಲ. ಕುಟುಂಬದ ಸಂತೋಷವೇ ಹೆಚ್ಚು. ಆಗ ಮಾತ್ರ ಚೆನ್ನಾಗಿ ಕೆಲಸ ಮಾಡಲು ಸಾಧ್ಯ. ಒಂದುವೇಳೆ ನೋವಾಗಿದ್ದರೂ ಸಹ ನೀವು ಹೆದರುವುದಿಲ್ಲ. ನಿಮ್ಮನ್ನು ಕಾಡುವುದಿಲ್ಲ. ಚೆನ್ನಾಗಿ ಕೆಲಸ ಮಾಡಬೇಕು ಎಂದರೆ ಕುಟುಂಬ ಸಂತೋಷವಾಗಿರಬೇಕು' ಎಂದು ಹೇಳಿದ್ದಾರೆ.

ಪತ್ನಿ ಶಬಾನಾ ಕೂಡ ನಟಿ

ಅಂದಹಾಗೆ ಮನೋಜ್ ಬಾಜಪೇಯಿ ಪತ್ನಿ ಶಬಾನಾ ಕೂಡ ನಟಿ. ಬಾಲಿವುಡ್ ನಲ್ಲಿ ಸಾಕಷ್ಟು ಸಿನಿಮಾಗಳಲ್ಲಿ ಮಿಂಚಿದ್ದಾರೆ. 1998ರಲ್ಲಿ ಕರೀಬ್ ಚಿತ್ರದ ಮೂಲಕ ಬಾಲಿವುಡ್ ಗೆ ಕಾಲಿಟ್ಟ ಶಬಾನಾ ಬಳಿಕ ಹೃತಿಕ್ ರೋಷನ್, ಅಜಯ್ ದೇವನ್ ಸೇರಿದಂತೆ ಅನೇಕ ಸ್ಚಾರ್ ಕಲಾವಿದರ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ಸಿನಿಮಾರಂಗಕ್ಕೆ ಕಾಲಿಡುವ ಪ್ರಾರಂಭದಲ್ಲಿ ಶಬಾನಾ ಹೆಸರನ್ನು ನೇಹಾ ಎಂದು ಬದಲಾಯಿಸಲಾಯಿತು. ಅಪ್ಪ-ಅಮ್ಮ ಇಟ್ಟರನ್ನು ಬಲವಂತವಾಗಿ ಬದಲಾಯಿಸಲಾಗಿದೆ ಎಂದು ಶಬಾನಾ ಈ ಹಿಂದೆ ನೀಡಿದ ಸಂದರ್ಶವೊಂದರಲ್ಲಿ ಹೇಳಿದ್ದರು.

ಬಲವಂತವಾಗಿ ನನ್ನ ಹೆಸರು ಬದಲಾಯಿಸಲಾಯಿತು

'ನಾನು ಎಂದಿಗೂ ನೇಹಾ ಆಗಿಲ್ಲ. ನಾನು ಯಾವಾಗಲು ಶಬಾನಾ. ನನ್ನ ಹೆಸರನ್ನು ಬಲವಂತವಾಗಿ ಬದಲಾಯಿಸಲಾಗಿದೆ. ಅದರಲ್ಲಿ ನನ್ನ ತಪ್ಪಿಲ್ಲ. ನನ್ನ ಹೆತ್ತವರು ನನಗೆ ಶಬಾನಾ ಎಂದು ಹೆಸರಿಟ್ಟಿದ್ದರು. ಅದನ್ನು ಬದಲಾಯಿಸಬೇಕಿಲ್ಲ. ಆದರೆ ಅಂದ ನನ್ನ ಮಾತನ್ನು ಯಾರು ಕೇಳಿಲ್ಲ' ಎಂದು ಹೇಳಿದ್ದರು.

ಅಂದು ಮಾತನ್ನು ಯಾರು ಕೇಳಲಿಲ್ಲ

'ಸಿನಿಮಾರಂಗಕ್ಕೆ ಪ್ರವೇಶ ಪಡೆದ ಬಳಿಕ ನಾನು ತುಂಬಾ ಪ್ರಬುದ್ಧಳಾಗಿದ್ದೇನೆ. ಮೊದಲು ನನಗೆ ಎಲ್ಲದರ ಬಗ್ಗೆಯೂ ತುಂಬಾ ಭಯವಿತ್ತು. ಆದರೆ ಈಗ ನನಗೆ ಎಲ್ಲಾ ಚೆನ್ನಾಗಿ ಅರ್ಥವಾಗುತ್ತೆ' ಎಂದು ಹೇಳಿದ್ದರು. 'ಸಿನಿಮಾಗಾಗಿ ನೇಹಾ ಎಂದು ಹೆಸರು ಬದಲಾಯಿಸಿದ ಬಳಿಕ ನನ್ನ ಮೂಲ ಹೆಸರಿಗೆ ನಾನು ಹಿಂದಿರುಗಬೇಕೆಂದು ಬಯಸಿದಾಗ ಯಾರು ನನ್ನ ಮಾತು ಕೇಳಿಲ್ಲ.'

Recommended Video

Yash Radhikaರ ಮಗನ ಹೊಸ ವಿಡಿಯೋ ಫುಲ್ ವೈರಲ್ | Filmibeat Kannada

ನನ್ನ ಮೂಲ ಹೆಸರನ್ನು ಮತ್ತೆ ಪಡೆದಿದ್ದೇನೆ

'2008ರಲ್ಲಿ ಬಿಡುಗಡೆಯಾದ 'ಅಲಿಬಗ್' ಸಿನಿಮಾದಿಂದ ಮತ್ತೆ ಹಳೆಯ ಹೆಸರನ್ನು ಮರಳಿ ಪಡೆದರು. ಈ ಮೂಲಕ ಮೂಲ ಹೆಸರನ್ನು ಸಿನಿಮಾದಲ್ಲಿ ಬಳಸುವಲ್ಲಿ ಯಶಸ್ವಿಯಾದರು. 'ಅಲಿಬಗ್ ಚಿತ್ರದಲ್ಲಿ ನಟಿಸುವ ಸಮಯದಲ್ಲಿ ಶಬಾನಾ ಹೆಸರಿಗೆ ಮರಳಿದೆ. ನಾನು ನನ್ನ ಗುರುತನ್ನು ಕಳೆದುಕೊಂಡಿದ್ದೆ. ಆದರೆ ಈಗ ಮರಳಿ ಪಡೆದಿದ್ದೇನೆ' ಎಂದು ಹೇಳಿದ್ದರು. ಶಬಾನಾ 2009ರ ಬಳಿಕ ಮತ್ತೆ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ.