Don't Miss!
- News Smartphone: ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ಬರುತ್ತಿದೆ ಸ್ಯಾಮ್ಸಂಗ್ M35 5G
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Technology Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್...
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೋಕ್ ಗಿಂತ ಹಾಲೇ ಹೆಚ್ಚು ವಿಷಕಾರಕ: ಅಮೀರ್
ಚೆನ್ನೈ. ಆ.13: ಹಿಂದಿ ಚಿತ್ರರಂಗದ ಪ್ರಬುದ್ಧ ನಟ ಎನಿಸಿರುವ ಅಮೀರ್ ಖಾನ್ ಈ ನಡುವೆ ವಿವಾದಗಳೊಡನೆ ಗಂಟು ಹಾಕಿಕೊಳ್ಳುವುದು ಸಾಮಾನ್ಯವಾಗಿದೆ. ತಮ್ಮ ಬ್ಲಾಗಿನಲ್ಲಿ ಬರೆವ ಲೇಖನಗಳಿಂದ ಒಂದಿಷ್ಟು ಕಿರಿಕಿರಿ ಸೃಷ್ಟಿಸಿದ ಅಮೀರ್ ಈಗ ತಮ್ಮ ನೆಚ್ಚಿನ ಪೇಯ ಕೋಕಾ ಕೋಲಾಕ್ಕೆ ಪ್ರಚಾರ ನೀಡುವ ಭರದಲ್ಲಿ ಭಾರತೀಯರು ಅಮೃತ ಸಮಾನ ಎಂದು ಭಾವಿಸುವ ಶುಭ್ರವಾದ ಹಾಲಿಗೆ ಕಳಂಕ ತರುವಂಥ ಮಾತುಗಳನ್ನಾಡಿದ್ದಾರೆ. ದಕ್ಷಿಣ ಭಾರತದ ಭಾಷೆಗಳಲ್ಲಿ ತಾರೇ ಜಮೀನ್ ಪರ್ ಚಿತ್ರವನ್ನು ಭಟ್ಟಿ ಇಳಿಸುವ ಹಂಚಿಕೆಯಲ್ಲಿರುವ ಅಮೀರ್ ಚೆನ್ನೈಗೆ ಬಂದಿದ್ದರು.
ಕೋಕಾಕೋಲಾದಲ್ಲಿ ಕ್ರಿಮಿನಾಶಕ ಇರುವುದು ಸಾಬೀತಾದ ಮೇಲೂ ನೀವು ಅದಕ್ಕೆ ಪ್ರಚಾರ ಕೊಡುವುದೇಕೆ ಎಂಬ ಪ್ರಶ್ನೆಗೆ ಉತ್ತರ ರೂಪದಲ್ಲಿ ಅಮೀರ್ ಹೇಳಿದಿಷ್ಟು: "ಕೋಕ್ ಇಂದ ಆರೋಗ್ಯಕ್ಕೆ ಏನು ಹಾನಿಯಿಲ್ಲ. ಬದಲಿಗೆ ದಿನನಿತ್ಯ ಉಪಯೋಗಿಸುವ ಹಾಲು, ನೀರು, ಮೊಟ್ಟೆ ಹಾಗೂ ತರಕಾರಿಗಳಲ್ಲೇ ಹೆಚ್ಚಿನ ಪ್ರಮಾಣದ ಕಲುಷಿತ ರಾಸಾಯನಿಕಗಳಿರುತ್ತದೆ. ಕ್ರಿಮಿನಾಶಕದ ಪ್ರಮಾಣದ ಕೋಕ್ ಗಿಂತ ಹಾಲಿನಲ್ಲೇ ಹೆಚ್ಚು" ಎಂದಿದ್ದಾರೆ. ನಾನು ಎಳೆಯ ವಯಸ್ಸಿನಲ್ಲಿದ್ದಾಗನಿಂದ ಕೋಕ್ ಕುಡಿಯುತ್ತಿದ್ದೇನೆ. ಕೋಕ್ ಅಂದರೆ ನನಗೆ ಇಷ್ಟ. ಶಾಲಾ ಮಕ್ಕಳು ಹಾನಿಕಾರಕ ಪೇಯವನ್ನು ಕುಡಿದರೆ ಏನು ಗತಿ ಎಂದು ಕೇಳಿದರೆ, ನಿಮ್ಮ ಪ್ರಶ್ನೆಯಲ್ಲಿ ಹುರುಳಿಲ್ಲ ಎಂದು ಉತ್ತರಿಸದೇ ಜಾಣ ನಟ ನುಣುಚಿಕೊಂಡಿದ್ದಾರೆ.
ಸ್ವಾಮಿನಿಷ್ಠೆಯ ಪರಮಾವಧಿಗೆ ಅಮೀರ್ ಜೀವಂತ ಉದಾಹರಣೆ ಎನ್ನಬಹುದು. ಅಮೆರಿಕದ ಕಂಪೆನಿಗಳು ಕೊಡುವ ಕಾಂಚನ ಕುಣಿಸಿದಂತೆ ಕುಣಿಯುವ ಈ ನಟರನ್ನು ಭವ್ಯ ಭಾರತದ ಭವಿಷ್ಯದ ನಾಗರೀಕರು ಅನುಕರಿಸುತ್ತಾ ಹಿಂಬಾಲಿಸುತ್ತಿದ್ದಾರೆ ಎನ್ನುವುದು ಶೋಚನೀಯ ಸಂಗತಿ.
(ದಟ್ಸ್ ಕನ್ನಡ ಜಾಲಿವುಡ್)