ದೀಪಿಕಾ ಪಡುಕೋಣೆಯ ಪಾರ್ಟಿ ವಿಡಿಯೋ ಪರಿಶೀಲಿಸುತ್ತಿರುವ NCB: ಆ ವಿಡಿಯೋದಲ್ಲಿ ಏನಿದೆ?

ದೀಪಿಕಾ ಪಾರ್ಟಿ ಮಾಡಿದ ವಿಡಿಯೋ ಪರಿಶೀಲನೆ

ಮುಂಬೈನ ಕಮಲಾ ಮಿಲ್ಸ್ ಬಳಿ ಇರುವ ರೆಸ್ಟೊರೆಂಟ್ ನಲ್ಲಿ ಡ್ರಗ್ಸ್ ವ್ಯವಹಾರ ನಡೆದಿತ್ತು ಎನ್ನಲಾಗುತ್ತಿದೆ. ಅಲ್ಲೇ ದೀಪಿಕಾ ಪಡುಕೋಣೆ ಪಾರ್ಟಿ ಮಾಡಿದ್ದರು ಎನ್ನುವ ಮಾಹಿತಿ ಕೇಳಿಬರುತ್ತಿದೆ. ಆ ಪಾರ್ಟಿಯ ಸಿಸಿಟಿವಿ ದೃಶ್ಯಗಳನ್ನು ಎನ್ ಸಿ ಬಿ ಪೊಲೀಸರು ಪರಿಶೀಲನೆ ಮಾಡಲಿದ್ದಾರೆ.

ದೀಪಿಕಾ ಡ್ರಗ್ಸ್ ಚಾಟ್

ದೀಪಿಕಾ ಟ್ಯಾಲೆಂಟ್ ಮ್ಯಾನೇಜರ್ ಕರೀಷ್ಮಾ ಬಳಿ, 'ನಿನ್ನ ಬಳಿ ಮಾಲ್ ಇದೆಯಾ?' ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ಕರಿಷ್ಮಾ, 'ಇದೆ ಆದರೆ ಮನೆಯಲ್ಲಿದೆ, ನಾನು ಬಾಂದ್ರಾದಲ್ಲಿ ಇದ್ದೀನಿ'. 'ನಿಮಗೆ ಬೇಕಾದರೆ ಅಮಿತ್ ಬಳಿ ಕೇಳುತ್ತೇನೆ.' ಎಂದಿದ್ದಾರೆ. ಇದಕ್ಕೆ 'ದೀಪಿಕಾ ಸರಿ ದಯವಿಟ್ಟು ಕೇಳಿ' ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. 'ಅಮಿತ್ ಬಳಿ ಇದೆ' ಎಂದು ಕರೀಷ್ಮಾ ಹೇಳಿದ್ದಾರೆ. ದೀಪಿಕಾ, 'ಹ್ಯಾಷ್ ಹಾ?' ಎಂದು ಕೇಳಿದ್ದಾರೆ. 'ಇಲ್ಲ ವೀಡ್ ಇದೆ' ಎಂದು ಕರೀಷ್ಮಾ ಪ್ರತಿಕ್ರಿಯಿಸಿದ್ದಾರೆ. ಈ ಚಾಟ್ ಈಗ ವೈರಲ್ ಆಗಿದೆ.

ದೀಪಿಕಾ ವ್ಯವಸ್ಥಾಪಕಿಗೆ ನೋಟಿಸ್

ದೀಪಿಕಾ ವಾಟ್ಸಪ್ ಚಾಟ್ ಆಧಾರದ ಮೇಲೆ ಎನ್ ಸಿ ಬಿ ನೋಟಿಸ್ ನೀಡುವ ಸಾಧ್ಯತೆ ಇದೆ. ದೀಪಿಕಾ ಜೊತೆ ಚಾಟ್ ಮಾಡಿರುವ ಕರೀಷ್ಮಾ ಪ್ರಕಾಶ್ ಗೆ ನೋಟಿಸ್ ನೀಡಲಾಗಿದೆ. ಕರೀಷ್ಮಾ ಮಾತ್ರವಲ್ಲದೇ ಕ್ವಾನ್ ಟ್ಯಾಲೆಂಟ್ ಏಜೆನ್ಸಿಯ ಸಿಇಒ ಧ್ರುವ ಚಿಟ್ಗೋಪ್ಕೇರ್ ಗೂ ಎನ್‌ಸಿಬಿ ಸಮನ್ಸ್ ನೀಡಿದ್ದು, ವಿಚಾರಣೆಗೆ ಹಾಜರಾಗುವಂತೆ ಹೇಳಿದೆ.

ಗೋವಾದಲ್ಲಿ ನಟಿ ದೀಪಿಕಾ

ದೀಪಿಕಾ ಪಡುಕೋಣೆ ಸದ್ಯ ಚಿತ್ರೀಕರಣ ಸಲುವಾಗಿ ಗೋವಾದಲ್ಲಿ ಬೀಡುಬಿಟ್ಟಿದ್ದಾರೆ. ಮೂಲಗಳ ಪ್ರಕಾರ ದೀಪಿಕಾ ಈಗಾಗಲೇ ದೆಹಲಿಯಲ್ಲಿರುವ ಕಾನೂನು ತಂಡದದೊಂದಿಗೆ ಮಾತುಕತೆ ನಡೆಸಿದ್ದಾರೆ ಎನ್ನಲಾಗುತ್ತಿದೆ. ವಿಚಾರಣೆಗೆ ಹಾಜರಾಗುವಂತೆ ದೀಪಿಕಾಗೆ ನೋಟಿಸ್ ನೀಡುವ ಸಾಧ್ಯತೆ ಇದ್ದು, ಶೀಘ್ರದಲ್ಲಿಯೇ ದೀಪಿಕಾ ಮುಂಬೈಗೆ ವಾಪಸ್ ಆಗಲಿದ್ದಾರೆ ಎಂದು ಹೇಳಲಾಗುತ್ತಿದೆ.