ಛೇ.. ಕನ್ನಡಿಗ ಕೆ.ಎಲ್.ರಾಹುಲ್ 'ಬ್ರೋ'ಗೆ ಹೀಗಾಗಬಾರದಿತ್ತು.!

ಆಲ್ ದಿ ಬೆಸ್ಟ್ 'ಬ್ರೋ'

ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಭಾರತ ತಂಡದಲ್ಲಿ ಕೆ.ಎಲ್.ರಾಹುಲ್ ಕೂಡ ಇದ್ದರು. ಪಂದ್ಯದಲ್ಲಿ ಕೆ.ಎಲ್.ರಾಹುಲ್ ಚೆನ್ನಾಗಿ ಪರ್ಫಾಮ್ ಮಾಡಲಿ ಅಂತ ನಿಧಿ ಅಗರ್ವಾಲ್ ''ಆಲ್ ದಿ ಬೆಸ್ಟ್ ಬ್ರೋ'' ಎಂದು ಇನ್ಸ್ಟಾಗ್ರಾಮ್ ನಲ್ಲಿ ಸ್ಟೋರಿ ಹಾಕಿದರು.

ಟ್ರೋಲ್ ಶುರು

ಪಬ್ಲಿಕ್ ಆಗಿ ಕೆ.ಎಲ್.ರಾಹುಲ್ ಗೆ ನಿಧಿ ಅಗರ್ವಾಲ್ 'ಬ್ರೋ' ಅಂತ ಕರೆದ ಮೇಲೆ ಟ್ರೋಲಿಂಗ್ ಶುರುವಾಯ್ತು. ''ಕೆ.ಎಲ್.ರಾಹುಲ್ ಜೀವನದಲ್ಲಿ ಯಾವಾಗಲೂ ಟ್ರಾಜೆಡಿ ಆಗುತ್ತಲೇ ಇರುತ್ತೆ'' ಅಂತ ನೆಟ್ಟಿಗರು ವ್ಯಂಗ್ಯವಾಡಲು ಆರಂಭಿಸಿದರು.

ಕಳಪೆ ಪರ್ಫಾಮೆನ್ಸ್ ಗೆ ಇದೇ ಕಾರಣ.!

ನಿಧಿ ಅಗರ್ವಾಲ್ 'ಬ್ರೋ' ಅಂತ ಕರೆದಿದ್ದಕ್ಕೆ ಏಕದಿನ ಸರಣಿಯಲ್ಲಿ ಕೆ.ಎಲ್.ರಾಹುಲ್ ಪರ್ಫಾಮೆನ್ಸ್ ಯಾಕೆ ಚೆನ್ನಾಗಿರಲಿಲ್ವಂತೆ.!

ಅಸಲಿ ಕಾರಣ...

ಸರಣಿಯಲ್ಲಿ ಕೆ.ಎಲ್.ರಾಹುಲ್ ಕಳಪೆ ಪ್ರದರ್ಶನಕ್ಕೆ 'ಬ್ರೋ' ಕಾರಣ ಅಂತ ಹಲವರು ಕಾಲೆಳೆಯುತ್ತಿದ್ದಾರೆ. ಇಷ್ಟೆಲ್ಲಾ ಆದರೂ, ಕೆ.ಎಲ್.ರಾಹುಲ್ ಆಗಲಿ ನಿಧಿ ಅಗರ್ವಾಲ್ ಆಗಲಿ ತುಟಿಕ್ ಪಿಟಿಕ್ ಎಂದಿಲ್ಲ.!

ಗಾಸಿಪ್ ಗಳಿಂದ ಬೇಸರಗೊಂಡು ಹೀಗೆ ಮಾಡಿದ್ರಾ.?

ಹಾಗ್ನೋದಿದ್ರೆ, ಈ ಲಿಂಕಪ್ ಹಾಗೂ ಗಾಸಿಪ್ ಗಳಿಂದಲೇ ಬೇಸರಗೊಂಡು ಕೆ.ಎಲ್.ರಾಹುಲ್ ಗೆ ನಿಧಿ ಅಗರ್ವಾಲ್ 'ಬ್ರೋ' ಅಂತ ಕರೆದ್ರಾ.? ನಮಗಂತೂ ಗೊತ್ತಿಲ್ಲ. ಒಟ್ನಲ್ಲಿ, 'ಬ್ರೋ' ಅಂದು ಗಾಸಿಪ್ ಪ್ರಿಯರ ಬಾಯಿ ಮುಚ್ಚಿಸಿದ್ದಾರೆ ನಿಧಿ ಅಗರ್ವಾಲ್.