ಬೆಂಗಳೂರಿನಲ್ಲಿ 'ಪದ್ಮಾವತ್' ಚಿತ್ರದ 1 ಟಿಕೆಟ್ ಗೆ 1 ಸಾವಿರ ರೂಪಾಯಿ !

ನಾಳೆ ಸಂಜೆ 5.30ಕ್ಕೆ ಮೊದಲ ಶೋ

'ಪದ್ಮಾವತ್' ಚಿತ್ರ ಜನವರಿ 25ಕ್ಕೆ ರಿಲೀಸ್ ಆಗಬೇಕಾಗಿತ್ತು. ಆದರೆ ಬೆಂಗಳೂರಿನ 50ಕ್ಕೂ ಹೆಚ್ಚು ಚಿತ್ರಮಂದಿರದಲ್ಲಿ ನಾಳೆ ಸಂಜೆಯೇ ಪ್ರದರ್ಶನ ಶುರು ಆಗುತ್ತಿದೆ. ನಾಳೆ ಸಂಜೆ 5.30ಕ್ಕೆ ಚಿತ್ರದ ಮೊದಲ ಶೋ ಪ್ರಾರಂಭ ಆಗಲಿದೆ.

1 ಟಿಕೆಟ್ ಗೆ 1 ಸಾವಿರ

ಬೆಂಗಳೂರಿನ ಮಲ್ಟಿಪ್ಲೆಕ್ಸ್ ಗಳ ಗೋಲ್ಡ್ ಕ್ಲಾಸ್ ನಲ್ಲಿ ಒಂದು ಟಿಕೆಟ್ ಗೆ ಒಂದು ಸಾವಿರ ರೂಪಾಯಿ ದರವನ್ನು ಫಿಕ್ಸ್ ಮಾಡಲಾಗಿದೆ. ಅನೇಕ ಚಿತ್ರಮಂದಿರಗಳಲ್ಲಿಯೂ ಟಿಕೆಟ್ ದರವನ್ನು ಡಬಲ್ ಮಾಡಿದ್ದಾರೆ.

ದೊಡ್ಡ ಬೇಡಿಕೆ

ಸಾವಿರ ರೂಪಾಯಿ ಇದ್ದರೂ ಕೂಡ 'ಪದ್ಮಾವತ್' ಟಿಕೆಟ್ ಡಿಮ್ಯಾಂಡ್ ಜೋರಾಗಿದೆ. 'ಬುಕ್ ಮೈ ಶೋ' ದಲ್ಲಿ ಚಿತ್ರದ ಟಿಕೆಟ್ ಗಳು ಬಿಸಿ ಬಿಸಿ ದೋಸೆಯಂತೆ ಮಾರಾಟ ಆಗುತ್ತಿದೆ.

'ಪದ್ಮಾವತ್' V/S 'ಭಾಗಮತಿ'

'ಪದ್ಮಾವತ್' ಚಿತ್ರದ ಜೊತೆಗೆ ಅನುಷ್ಕಾ ಶೆಟ್ಟಿ ನಟನೆಯ 'ಭಾಗಮತಿ' ಸಿನಿಮಾ ಕೂಡ ಚಿತ್ರಮಂದಿರಕ್ಕೆ ಬರಲು ರೆಡಿಯಾಗಿದೆ. ಈ ಸಿನಿಮಾ ಇದೇ ತಿಂಗಳ 26ಕ್ಕೆ ಅಂದರೆ ಇದೇ ಶುಕ್ರವಾರ ಬಿಡುಗಡೆಯಾಗುತ್ತಿದೆ. ಈ ಎರಡು ಸಿನಿಮಾಗಳಿಗೂ ಒಂದೇ ಒಂದು ದಿನ ಗ್ಯಾಪ್ ಇದ್ದು, ಎರಡು ಚಿತ್ರಗಳ ನಡುವೆ ನೇರ ಪೈಪೋಟಿ ಶುರುವಾಗಿದೆ.

'ಪದ್ಮಾವತ್' ಚಿತ್ರದ ಬಗ್ಗೆ

'ಪದ್ಮಾವತ್' ದೀಪಿಕಾ ಪಡುಕೋಣೆ ಮತ್ತು ನಿರ್ದೇಶಕ ಸಂಜಯ್ ಲೀಲಾ ಬಸ್ಸಾಲಿ ಕಾಂಬಿನೇಶನ್ ನಲ್ಲಿ ಬರುತ್ತಿರುವ 3ನೇ ಸಿನಿಮಾಗಿದೆ. ಚಿತ್ರದಲ್ಲಿ ನಟ ರಣವೀರ್ ಸಿಂಗ್ ಹಾಗೂ ಶಾಹಿದ್ ಕಪೂರ್ ಕೂಡ ನಟಿಸಿದ್ದಾರೆ. ಎಲ್ಲ ಅಡೆ ತಡೆಗಳ ನಂತರ 'ಪದ್ಮಾವತಿ' ಚಿತ್ರ 'ಪದ್ಮಾವತ್' ಆಗಿ ತೆರೆಗೆ ಬರುತ್ತಿದೆ.