"ಓಂ ಬಾ ನನ್ನ ರೂಮ್‌ಗೆ".. 'ಆದಿಪುರುಷ್' ಟೀಸರ್‌ ನೋಡಿ ಪ್ರಭಾಸ್ ಗರಂ: ವಿಡಿಯೋ ವೈರಲ್

ಓಂ ರಾವುತ್ ಮೇಲೆ ಪ್ರಭಾಸ್ ಗರಂ?

ಅಷ್ಟಕ್ಕೂ ಟೀಸರ್ ರಿಲೀಸ್ ಈವೆಂಟ್ ನಂತರ ಏನಾಯಿತು ಎನ್ನುವುದು ಗೊತ್ತಿಲ್ಲ. ಹೋಟೆಲ್ ರೂಂ ಬಳಿ ಪ್ರಭಾಸ್ ಗರಂ ಆಗಿರುವುದಂತು ನಿಜ. ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ಪ್ರಭಾಸ್ ಕೋಪದಿಂದ "ಓಂ ನೀನು ಬಾ ನನ್ನ ರೂಂಗೆ, ಬರ್ತಿದ್ದೀಯಾ ಅಲ್ವಾ, ಬಾ" ಎಂದು ಕೈ ಬರೆಳು ತೋರಿಸುತ್ತಾ ಆಕ್ರೋಶದಿಂದ ಹೇಳಿರುವುದು ಕಾಣುತ್ತಿದೆ.

ನಿರ್ದೇಶಕರಿಗೆ ಯಂಗ್ ರೆಬಲ್ ಸ್ಟಾರ್ ಕ್ಲಾಸ್?

ಸದ್ಯ ವೈರಲ್ ಆಗಿರುವ ವಿಡಿಯೋ ಬಗ್ಗೆ ನೆಟ್ಟಿಗರು ಬಗೆ ಬಗೆಯ ಕಾಮೆಂಟ್ ಮಾಡ್ತಿದ್ದಾರೆ. ಮೀಮ್ಸ್ ಕ್ರಿಯೇಟ್ ಮಾಡಿ ಟ್ರೋಲ್ ಮಾಡ್ತಿದ್ದಾರೆ. ರೂಂಗೆ ಕರೆದು ಓಂ ರಾವುತ್‌ಗೆ ಪ್ರಭಾಸ್ ಸರಿಯಾಗಿ ಕ್ಲಾಸ್ ತಗೊಂಡಿದ್ದಾರೆ, ಓಂ ನಿನಗೆ ಕಾದಿಗೆ ಮಾರಿಹಬ್ಬ, ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಆದರೆ ಪ್ರಭಾಸ್‌ರ ಈ ವರ್ತನೆಗೆ ಅಸಲಿ ಕಾರಣ ಏನು ಎನ್ನುವುದು ಮಾತ್ರ ಗೊತ್ತಾಗಿಲ್ಲ.

'ಆದಿಪುರುಷ್' ಟೀಸರ್ ದಾಖಲೆ

ಎಷ್ಟೇ ಟ್ರೋಲ್ ಮಾಡಿದರೂ 'ಆದಿಪುರುಷ್' ಸಿನಿಮಾ ಟೀಸರ್ ಹೊಸ ದಾಖಲೆ ಬರೆದಿದೆ. ಎಲ್ಲಾ ಭಾಷೆಗಳು ಸೇರಿ 100 ಮಿಲಿಯನ್‌ಗೂ ಹೆಚ್ಚು ವೀವ್ಸ್ ಸಾಧಿಸಿ ಮುನ್ನುಗ್ಗುತ್ತಿದೆ. ಸ್ವತಃ ಪ್ರಭಾಸ್ ಪೋಸ್ಟ್‌ ಮಾಡಿ ಈ ಬಗ್ಗೆ ಸ್ಪಂದಿಸಿದ್ದು ಎಲ್ಲರಿಗೂ ಧನ್ಯವಾದ ತಿಳಿಸಿದ್ದಾರೆ. ಹಳೇ ದಾಖಲೆಗಳನ್ನೆಲ್ಲಾ ಅಳಿಸಿ 'ಆದಿಪುರುಷ್' ಈಗ ಹೊಸ ದಾಖಲೆ ಬರೆದಿದ್ದಾನೆ.

ಸಂಕ್ರಾಂತಿ ಸಂಭ್ರಮದಲ್ಲಿ 'ಆದಿಪುರುಷ್' ತೆರೆಗೆ

500 ಕೋಟಿ ಬಜೆಟ್‌ನಲ್ಲಿ ಈ ಸಿನಿಮಾ ನಿರ್ಮಾಣ ಮಾಡಿರುವುದಾಗಿ ಹೇಳಲಾಗುತ್ತಿದೆ. ಪ್ರಭಾಸ್ ರಾಮನಾಗಿ ಕಾಣಿಸಿಕೊಂಡಿದ್ರೆ, ರಾವಣನಾಗಿ ಸೈಫ್ ಅಲಿಖಾನ್, ಸೀತೆಮಾತೆಯಾಗಿ ಕೃತಿ ಸನೂನ್, ಲಕ್ಷ್ಮಣನಾಗಿ ಸನ್ನಿ ಸಿಂಗ್ ಮಿಂಚಿದ್ದಾರೆ. ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಸಂಕ್ರಾಂತಿ ಸಂಭ್ರಮದಲ್ಲಿ 'ಆದಿಪುರುಷ್' ಸಿನಿಮಾ ತೆರೆಗೆ ಬರ್ತಿದೆ.