'ನಿನಗೇನು ಹುಚ್ಚು ಹಿಡಿದಿದೆಯೇ?': ಮೊದಲ ಚಿತ್ರದ ನೆನಪು ಹಂಚಿಕೊಂಡ ಪ್ರೀತಿ ಜಿಂಟಾ

ಎಚ್ಚರಿಕೆ ನೀಡಿದ್ದರು

ವೃತ್ತಿ ಬದುಕಿನ ಆರಂಭದಲ್ಲಿಯೇ ಟೀನೇಜ್ ಗರ್ಭಿಣಿಯ ಪಾತ್ರವನ್ನು ನಿಭಾಯಿಸುವುದು ಒಳ್ಳೆಯದಲ್ಲ ಎಂದು ಅನೇಕರು ಅವರಿಗೆ ಎಚ್ಚರಿಕೆ ನೀಡಿದ್ದರು. ಆದರೆ ಅದನ್ನು ಗಂಭೀರವಾಗಿ ಪರಿಗಣಿಸದೆಯೇ ಪಾತ್ರ ಒಪ್ಪಿಕೊಂಡು ಮಾಡಿದ್ದಾಗಿ ಪ್ರೀತಿ ತಿಳಿಸಿದ್ದಾರೆ.

ಹುಚ್ಚು ಹಿಡಿದಿದೆಯೇ?

'ನನ್ನ ಆರಂಭದಲ್ಲಿ ಚಿತ್ರದಲ್ಲಿಯೇ ಮದುವೆಯಾಗದೆಯೇ ಗರ್ಭಿಣಿಯಾಗುವ ಟೀನೇಜ್ ಹುಡುಗಿಯ ಪಾತ್ರವನ್ನು ಒಪ್ಪಿಕೊಂಡಾಗ ಎಲ್ಲರೂ ಶಾಕ್‌ಗೆ ಒಳಗಾಗಿದ್ದರು. ನಿನ್ನ ಕೆರಿಯರ್ ಆರಂಭವಾಗುವ ಮೊದಲೇ ಅಂತ್ಯಗೊಳ್ಳುತ್ತದೆ. ನಿನಗೇನು ಹುಚ್ಚು ಹಿಡಿದಿದೆಯೇ? ಎಂದು ಕೇಳಿದ್ದರು' ಎಂಬುದನ್ನು ಪ್ರೀತಿ ನೆನಪಿಸಿಕೊಂಡಿದ್ದಾರೆ.

ಸಿನಿಮಾ ಮಾಡಿದ್ದಕ್ಕೆ ಖುಷಿಯಾಗುತ್ತದೆ

'ಇಂದು ನನ್ನ ಸಿನಿ ಜೀವನದತ್ತ ಮರಳಿ ನೋಡಿದಾಗ ಖುಷಿಯಾಗುತ್ತದೆ. ಈ ಅದ್ಭುತ ಚಿತ್ರಕ್ಕಾಗಿ ನಿರ್ಮಾಪಕ ರಮೇಶ್ ತೌರಾನಿ ಮತ್ತು ಹನಿ ಆಂಟಿ ಅವರಿಗೆ ಕೃತಜ್ಞನಾಗಿರುತ್ತೇನೆ. ಸೈಫ್ ಅಲಿಖಾನ್ ಮತ್ತು ಚಂದ್ರಚೂರ್ ಅವರಿಗೆ ಸಂಯಮದಿಂದ ಇದ್ದು ಬೆಂಬಲ ನೀಡಿದ್ದಕ್ಕೂ ಧನ್ಯವಾದಗಳು' ಎಂದು ತಿಳಿಸಿದ್ದಾರೆ.

ಬಾಕ್ಸಾಫೀಸ್‌ನಲ್ಲಿ ಹಿಟ್

ಫರ್ಹಾನ್ ಅಖ್ತರ್ ತಾಯಿ ಹನಿ ಇರಾನಿ 'ಕ್ಯಾ ಕೆಹ್ನಾ' ಚಿತ್ರದ ಕಥೆಯನ್ನು ಬರೆದಿದ್ದರು. ಅನುಪಮ್ ಖೇರ್ ಮತ್ತು ಫರೀದಾ ಜಲಾಲ್, ಪ್ರೀತಿ ಜಿಂಟಾರ ತಂದೆ ತಾಯಿಯಾಗಿ ನಟಿಸಿದ್ದರು. ಚಂದ್ರಚೂರ್ ಸಿಂಗ್, ಪ್ರೀತಿ ಜಿಂಟಾರ ಆತ್ಮೀಯ ಸ್ನೇಹಿತನಾಗಿ, ಆಕೆಯನ್ನು ಗುಟ್ಟಾಗಿ ಪ್ರೇಮಿಸುವ ಪ್ರೇಮಿಯಾಗಿ ಕಾಣಿಸಿಕೊಂಡಿದ್ದರು. ಈ ಚಿತ್ರ ಬಾಕ್ಸಾಫೀಸ್‌ನಲ್ಲಿ ದೊಡ್ಡ ಯಶಸ್ಸು ಗಳಿಸಿತ್ತು.