ಪ್ರಿಯಾಂಕಾ-ನಿಕ್ ಮದುವೆ: ವಿಶೇಷ ಕಾರ್ಯಕ್ರಮಗಳ ದಿನ ಮತ್ತು ಸ್ಥಳ ನಿಗದಿ

ಮೆಹಂದಿ-ಸಂಗೀತ್ ಕಾರ್ಯಕ್ರಮ

ಮದುವೆ ಮುಂಚೆ ಸಂಪ್ರದಾಯವಾಗಿ ನಡೆಯುವ ಮೊದಲ ಕಾರ್ಯಕ್ರಮ ಮೆಹಂದಿ ಮತ್ತು ಸಂಗೀತ್. ನವೆಂಬರ್ 29 ರಂದು ಪ್ರಿಯಾಂಕಾ ಮತ್ತು ನಿಕ್ ಕುಟುಂಬದ ಸದಸ್ಯರು ಮೆಹಂದಿ ಮತ್ತು ಸಂಗೀತಾ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ. ಈ ಕಾರ್ಯಕ್ರಮ ಮೆಹ್ರಾನ್ಗಡ್ ಕೋಟೆಯಲ್ಲಿ ನಡೆಯಲಿದೆ. ಅದೇ ದಿನ ಮುಂಬೈನಲ್ಲಿ ದೀಪ್ವೀರ್ ಜೋಡಿಯ ಆರತಕ್ಷತೆ ನಡೆಯಲಿದೆ.

ಕಾಕ್ ಟೈಲ್ ಪಾರ್ಟಿ

ಮೆಹಂದಿ ಮತ್ತು ಸಂಗೀತ್ ಕಾರ್ಯಕ್ರಮದ ನಂತರ ಜೋದ್ ಫುರ್ ನಲ್ಲಿ ಕಾಕ್ ಟೈಲ್ ಪಾರ್ಟಿ ಆಯೋಜನೆಯಾಗಿದೆ. ನವೆಂಬರ್ 30 ರಂದು ನಡೆಯುವ ಈ ಪಾರ್ಟಿಯಲ್ಲಿ ಪ್ರಿಯಾಂಕಾ ಮತ್ತು ನಿಕ್ ಕುಟುಂಬದ ಸದಸ್ಯರು ಮತ್ತು ಸ್ನೇಹಿತರು ಭಾಗವಹಿಸಲಿದ್ದಾರೆ.

ಅರಿಶಿಣ ಕಾರ್ಯಕ್ರಮ

ಮೆಹಂದಿ, ಸಂಗೀತ್ ಮತ್ತು ಕಾಕ್ ಟೈಲ್ ಪಾರ್ಟಿ ಬಳಿಕ ಮದುವೆ ಶಾಸ್ತ್ರ ಬಹುಮುಖ್ಯ ಕಾರ್ಯಕ್ರಮ ಅರಿಶಿಣ. ಡಿಸೆಂಬರ್ 1 ರಂದು ಈ ಕಾರ್ಯಕ್ರಮ ನಡೆಯಲಿದೆ.

ಡಿಸೆಂಬರ್ 2ಕ್ಕೆ ವಿವಾಹ

ಡಿಸೆಂಬರ್ 1 ರಂದು ಅರಿಶಿಣ ಕಾರ್ಯಕ್ರಮ ಮುಗಿದ ಬಳಿಕ, ಶಾಸ್ತ್ರೋಕ್ತವಾಗಿ ಹಾರಗಳನ್ನ ಬದಲಿಸಿಕೊಳ್ಳುವ ಪ್ರಿಯಾಂಕಾ ಮತ್ತು ನಿಕ್, ಡಿಸೆಂಬರ್ 2 ರಂದು ಕ್ರಿಶ್ಚಿಯನ್ ಸಂಪ್ರದಾಯದ ಪ್ರಕಾರ ಮದುವೆಯಾಗಲಿದ್ದಾರೆ.

ಅಂತಾರಾಷ್ಟ್ರೀಯ ವಿನ್ಯಾಸಕರು

ಸದ್ಯದ ಮಾಹಿತಿ ಪ್ರಕಾರ, ಪ್ರಿಯಾಂಕಾ ಚೋಪ್ರಾ ಅವರ ಜೀವನದ ಬಹು ಮುಖ್ಯ ದಿನಕ್ಕಾಗಿ, ಅಂತಾರಾಷ್ಟ್ರೀಯ ವಿನ್ಯಾಸಕರು ಆಗಮಿಸಲಿದ್ದಾರಂತೆ. ಪ್ರಿಯಾಂಕಾ ಅವರ ಮದುವೆ ಕಾಸ್ಟ್ಯೂಮ್ ಕೋಟ್ಯಾಂತರ ರೂಪಾಯಿ ಮೌಲ್ಯದಲ್ಲಿ ಸಿದ್ಧ ಮಾಡಲಾಗಿದೆಯಂತೆ.