ಆ ಜಾಹೀರಾತುಗಳಲ್ಲಿ ನಟಿಸಿದ್ದಕ್ಕೆ ಈಗಲೂ ಪಶ್ಚಾತ್ತಾಪ ಪಡುತ್ತಿರುವ ಪ್ರಿಯಾಂಕಾ ಚೋಪ್ರಾ

ಸೌಂದರ್ಯವರ್ಧಕ ಜಾಹೀರಾತುಗಳಲ್ಲಿ ನಟಿಸಿ ತಪ್ಪು ಮಾಡಿದೆ: ಪ್ರಿಯಾಂಕಾ

ಈ ಬಗ್ಗೆ ಹಾಲಿವುಡ್ ಮ್ಯಾಗಜಿನ್ 'ಮೇರಿ ಕ್ಲೈರಿ' ಗೆ ನೀಡಿರುವ ಸಂದರ್ಶನದಲ್ಲಿ ಮಾತನಾಡಿರುವ ಪ್ರಿಯಾಂಕಾ ಚೋಪ್ರಾ, 'ನಾನು ಸೌಂದರ್ಯವರ್ಧಕ ಜಾಹೀರಾತಿನಲ್ಲಿ ನಟಿಸಬಾರದಿತ್ತು. ದಕ್ಷಿಣ ಏಷ್ಯಾದಲ್ಲಿ ಸೌಂದರ್ಯ ವರ್ಧಕ ಜಾಹೀರಾತು ಈಗಲೂ ಸಾಮಾನ್ಯ ವಿಷಯ' ಎಂದಿದ್ದಾರೆ.

ಹಲವು ನಟಿಯರು ಈಗಲೂ ನಟಿಸುತ್ತಾರೆ: ಪ್ರಿಯಾಂಕಾ

'ತ್ವಚೆ ಬೆಳ್ಳಗೆ ಮಾಡುವ ಉತ್ಪನ್ನಗಳ ಮಾರಾಟ, ಪ್ರಚಾರ ದಕ್ಷಿಣ ಏಷ್ಯಾದಲ್ಲಿ ಬಹಳ ಸಾಮಾನ್ಯವಾದ ವಿಷಯ. ಸೌಂದರ್ಯವರ್ಧಕಕಗಳ ಉದ್ಯಮಗಳು ಕೋಟ್ಯಂತರ ಮೌಲ್ಯವನ್ನು ಅಲ್ಲಿ ಹೊಂದಿವೆ. ನಟಿಯರಿಗೆ ಸೌಂದರ್ಯವರ್ಧಕ ಜಾಹೀರಾತಿನಲ್ಲಿ ನಟಿಸುವುದು ವೃತ್ತಿಯ ಭಾಗ ಅಥವಾ ಪ್ರಮೋಶನ್‌ ಇದ್ದಂತೆ, ಆದರೆ ಅದು ಒಳ್ಳೆಯದಲ್ಲ' ಎಂದಿದ್ದಾರೆ ನಟಿ ಪ್ರಿಯಾಂಕ.

ನನ್ನನ್ನು ತಮಾಷೆಗೆ 'ಕಾಲಿ' ಎಂದು ಕರೆಯುತ್ತಿದ್ದರು: ಪ್ರಿಯಾಂಕಾ

'ನಾನು ಸಹ ಫೇರ್‌ನೆಸ್ ಕ್ರೀಂ ಬಳಸುತ್ತಿದ್ದೆ. ಕಪ್ಪು ಬಣ್ಣದ ಮುಖ ಸುಂದರವಲ್ಲ ಎಂದೇ ನಾನು ನಂಬಿದ್ದೆ. ನನ್ನ ಕುಟುಂಬದ ಹಲವರು ಬೆಳ್ಳಗೆ ಇದ್ದರೆ, ನಾನು ಕಪ್ಪಗಿದ್ದೆ. ನನ್ನ ಕುಟುಂಬದವರು ಸಹ ತಮಾಷೆಗೆ ನನ್ನನ್ನು ಕಾಲಿ ಎಂದು ಕರೆಯುತ್ತಿದ್ದರು, ಆದರೆ ನಂತರ ನನಗೆ ಅರ್ಥವಾಯಿತು. ಬಣ್ಣ ಸೌಂದರ್ಯದ ಮಾಪನವಲ್ಲವೆಂದು, ಹಾಗಾಗಿ ನಾನು ಸೌಂದರ್ಯವರ್ಧಕ ಜಾಹೀರಾತುಗಳಲ್ಲಿ ನಟಿಸುವುದು ನಿಲ್ಲಿಸಿದೆ' ಎಂದಿದ್ದಾರೆ ಪ್ರಿಯಾಂಕಾ.

Recommended Video

ಪೊಗರು, ರಾಬರ್ಟ್ ಬಗ್ಗೆ ಮಾತನಾಡಿದ ಪುನೀತ್ ರಾಜ್ ಕುಮಾರ್ | Filmibeat Kannada

ಹಲವು ನಟಿಯರು ಸೌಂದರ್ಯವರ್ಧಕ ಜಾಹೀರಾತುಗಳಲ್ಲಿ ನಟಿಸುವುದಿಲ್ಲ

ನಟಿ ಪ್ರಿಯಾಂಕಾ ಚೋಪ್ರಾ ಮಾತ್ರವೇ ಅಲ್ಲದೆ ಭಾರತದ ಹಲವರು ನಟಿಯರು ಸೌಂದರ್ಯವರ್ಧಕ ಜಾಹೀರಾತುಗಳಲ್ಲಿ ನಟಿಸುವುದು ನಿಲ್ಲಿಸಿದ್ದಾರೆ. ತಾಪ್ಸಿ ಪನ್ನು, ತಮನ್ನಾ ಭಾಟಿಯಾ, ದೀಪಿಕಾ ಪಡುಕೋಣೆ, ಸಾಯಿ ಪಲ್ಲವಿ ಇನ್ನೂ ಹಲವರು ನಟಿಯರು ಸೌಂದರ್ಯವರ್ಧಕ ಜಾಹೀರಾತುಗಳಲ್ಲಿ ನಟಿಸುವುದಿಲ್ಲವೆಂದು ಪ್ರಕಟಿಸಿದ್ದಾರೆ.