ಹೈಟೆಕ್ ವೇಶ್ಯಾವಾಟಿಕೆ: ನಟಿ-ಮಾಡೆಲ್ ಬಂಧಿಸಿದ ಕ್ರೈಂ ಪೊಲೀಸರು

ಪ್ಲಾನ್ ಮಾಡಿ ಖೆಡ್ಡಾಗೆ ಬೀಳಿಸಿದ ಪೊಲೀಸರು

ಸ್ಟಿಂಗ್ ಆಪರೇಷನ್ ಮಾದರಿಯಲ್ಲಿ ಪೊಲೀಸರು ಯೋಜನೆ ರೂಪಿಸಿ ನಟಿಯನ್ನು ಬಲೆಗೆ ಬೀಳಿಸಿದ್ದಾರೆ. ನಕಲಿ ಗ್ರಾಹಕರ ರೂಪದಲ್ಲಿ ನಟಿಯನ್ನು ಸಂಪರ್ಕಿಸಿ ಮಾಡೆಲ್‌ಗಾಗಿ ಬೇಡಿಕೆಯಿಟ್ಟಿದ್ದಾರೆ. ಪೊಲೀಸರೆಂದು ತಿಳಿಯದ ನಟಿ ನಾಲ್ಕು ಲಕ್ಷ ರೂಪಾಯಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ. ಅದಾದ ಮೇಲೆ ಇಬ್ಬರು ಮಹಿಳೆಯರೊಂದಿಗೆ ಜುಹಾದ ತ್ರಿ ಸ್ಟಾರ್‌ ಹೋಟೆಲ್‌ಗೆ ಬಂದ ಆಕೆಯನ್ನು ಮುಂಬೈ ಕ್ರೈಂ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.

ಮಹಿಳೆಯವರು ರಕ್ಷಣೆ, ಕೇಸ್ ದಾಖಲು

ಕೆಲವು ಹೆಣ್ಣು ಮಕ್ಕಳಿಗೂ ಹಣ ಆಮಿಷವೊಡ್ಡಿ ವೇಶ್ಯಾವಾಟಿಕೆ ಜಾಲಕ್ಕೆ ಬಲವಂತವಾಗಿ ತಳ್ಳಿರುವ ಆರೋಪವೂ ಆ ನಟಿಯ ಮೇಲಿದೆ. ಇನ್ನು ನಟಿಯ ಬಂಧನ ಬಳಿಕೆ ಕೆಲವು ಹೆಣ್ಣ ಮಕ್ಕಳನ್ನು ರಕ್ಷಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ವೇಶ್ಯಾವಾಟಿಕೆ ಮತ್ತು ಅನೈತಿಕ ಕಳ್ಳ ಸಾಗಣೆ ಸೆಕ್ಷನ್ ಅಡಿ ನಟಿಯ ವಿರುದ್ಧ ಹಲವು ಸೆಕ್ಸನ್‌ಗಳ ಮೂಲಕ ಕೇಸ್ ದಾಖಲಾಗಿಸಿದೆ. ಇನ್ನು ಈ ಕೇಸ್ ಸಂಬಂಧ ತನಿಖೆ ಮುಂದುವರಿಸಲು ವಿಶೇಷ ತಂಡ ರಚನೆ ಮಾಡಲಾಗಿದೆ. ರಕ್ಷಿಸಿದ ಮಹಿಳೆಯರನ್ನು ರಿಮಾಂಡ್ ಹೋಮ್‌ಗೆ ಕಳುಹಿಸಲಾಗಿದೆ.

ಹಲವು ನಟಿಯರು ಬಂಧನಕ್ಕೆ ಒಳಗಾಗಿದ್ದರು

ವೇಶ್ಯಾವಾಟಿಕೆ ದಂಧೆಯಲ್ಲಿ ಆರೋಪ ಎದುರಿಸಿ ಬಂಧನಕ್ಕೆ ಒಳಗಾದ ನಟಿಯರ ಪಟ್ಟಿ ಇಲ್ಲಿವೆ.

- 2011 ರಲ್ಲಿ ಹಿಂದಿ ಇಂಡಸ್ಟ್ರಿಯ ನಟಿ ಐಶ್ ಅನ್ಸಾರಿ ವೇಶ್ಯಾವಾಟಿಕೆ ಜಾಲದಲ್ಲಿ ಸಂಬಂಧ ಹೊಂದಿದ್ದರು ಎಂದು ಜೋಧ್‌ಪುರ ಪೊಲೀಸರು ಬಂಧಿಸಿದ್ದರು.

- ಐಟಂ ಹಾಡುಗಳಲ್ಲಿ ಹೆಜ್ಜೆ ಹಾಕುತ್ತಿದ್ದ ಹಾಗೂ ಬಿ-ಗ್ರೇಡ್ ಚಲನಚಿತ್ರಗಳಲ್ಲಿ ನಟಿಸುತ್ತಿದ್ದ ತಮಿಳು ನಟಿ ಭುವನೇಶ್ವರಿ ಚೆನ್ನೈ ಪೊಲೀಸರಿಂದ ಅರೆಸ್ಟ್ ಆಗಿದ್ದರು.

- ಕಳ್ಳ ಸಾಗಣಿಕೆ ಹಾಗೂ ವೇಶ್ಯಾವಾಟಿಕೆ ಜಾಲದ ಜೊತೆ ನಂಟು ಆರೋಪದಲ್ಲಿ ಆಂಧ್ರಪ್ರದೇಶದಲ್ಲಿ ನಟಿ ನೀತು ಅಗರ್‌ವಾಲ್ ಬಂಧನಕ್ಕೆ ಒಳಗಾಗಿದ್ದರು.

ಶ್ವೇತಾ ಬಸು ಕೇಸ್ ನೆನಪಿರಬಹುದು

- ತೆಲುಗು ಹಾಗೂ ಹಿಂದಿ ಸಿನಿಮಾಗಳಲ್ಲಿ ನಟಿಸಿದ್ದ ಶ್ವೇತಾ ಬಸು ಬಂಧನ ಇಡೀ ರಾಷ್ಟ್ರದಲ್ಲಿ ದೊಡ್ಡ ಸುದ್ದಿಯಾಗಿತ್ತು. ಹೈ-ಫೈ ವೇಶ್ಯಾವಾಟಿಕೆಯಲ್ಲಿ ತೊಡಗಿಕೊಂಡಿದ್ದರು ಎಂಬ ಆರೋಪದಲ್ಲಿ ಹೈದರಾಬಾದ್‌ನಲ್ಲಿ ಪೊಲೀಸರು ಅರೆಸ್ಟ್ ಮಾಡಿದ್ದರು.

- ರಾಜ್ ಕುಂದ್ರಾ ಪ್ರಕರಣದಲ್ಲಿ ಹೆಚ್ಚು ಸದ್ದು ಮಾಡ್ತಿರುವ ನಟಿ ಶೆರ್ಲಿನ್ ಚೋಪ್ರಾ ಸಹ ವೇಶ್ಯಾವಾಟಿಕೆ ಕೇಸ್‌ನಲ್ಲಿ ಅರೆಸ್ಟ್ ಆಗಿದ್ದರು. ಆರ್ಥಿಕ ಸಮಸ್ಯೆಯಿಂದ ಈ ಕೆಲಸ ಮಾಡಿರುವುದಾಗಿ ಒಪ್ಪಿಕೊಂಡಿದ್ದರು ಎಂದು ವರದಿಯಾಗಿದೆ.

- ತಮಿಳು ನಟಿ ಕ್ಯಾರೋಲಿನ್ ಒಮ್ಮೆ 5 ಸ್ಟಾರ್ ಹೋಟೆಲ್‌ನಲ್ಲಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಳು. ಈ ವೇಳೆ ಮುಜುಗರದ ಸ್ಥಿತಿಯಲ್ಲಿ ಇದ್ದಳು ಎಂದು ಪೊಲೀಸರು ಹೇಳಿದ್ದರು.