ರಾಜ್ ಕುಂದ್ರಾ ನಿಜ ಮುಖ ಬಯಲು ಮಾಡಿದ ಬ್ಯುಸಿನೆಸ್ ಪಾರ್ಟನರ್

ಸಂಬಂಧಿಯ ಸಂಸ್ಥೆಗೆ ಮಾರಾಟ ಮಾಡಲಾಯ್ತು

ಆದರೆ ಆರ್ಮ್ಸ್ ಪ್ರೈಂ ಲಿಮಿಟೆಡ್‌ ಸಂಸ್ಥೆಯನ್ನು ಬ್ರಿಟನ್‌ನ ಕೆನ್‌ರಿನ್ ಸಂಸ್ಥೆಗೆ ಮಾರಾಟ ಮಾಡಲಾಯ್ತು. ಹೀಗೆ ಮಾರಾಟ ಮಾಡುವ ಒಂದು ದಿನ ಸಂಸ್ಥೆಯ ನಿರ್ದೇಶಕ ಸ್ಥಾನದಿಂದ ರಾಜ್ ಕುಂದ್ರಾ ರಾಜೀನಾಮೆ ನೀಡಿ ಕೆಳಗಿಳಿದರು. ಆದರೆ, ಹಾಟ್‌ಶಾಟ್ಸ್ ಅನ್ನು ಕೆನ್‌ರಿನ್‌ಗೆ ಮಾರಾಟ ಮಾಡುವ ಮುನ್ನವೇ ಹಾಟ್‌ಶಾಟ್ಸ್‌ನಿಂದ ಗಳಿಸಿದ ಲಾಭವನ್ನು ಗೂಗಲ್ ಹಾಗೂ ಆಪಲ್‌ನ ಅಪ್ಲಿಕೇಶನ್‌ಗಳನ್ನು ಬಳಸಿ ಕೆನ್‌ರಿನ್‌ನ ಬ್ಯಾಂಕ್‌ ಖಾತೆಗೆ ವರ್ಗಾಯಿಸಿರುವುದು ಪೊಲೀಸರ ತನಿಖೆಯಿಂದ ಬಹಿರಂಗಗೊಂಡಿದೆ. ಕೆನ್‌ರಿನ್ ಸಂಸ್ಥೆಯು ರಾಜ್ ಕುಂದ್ರಾರ ಸಹೋದರ ಸಂಬಂಧಿಯದ್ದೇ ಆಗಿದೆ.

ಪಾಲುದಾರಿಕೆ ಬಿಟ್ಟುಕೊಡುವಂತೆ ಕೇಳಿದ್ದ ಕುಂದ್ರಾ

ಸೌರಭ್ ಕುಶ್ವಾ ಹೇಳಿರುವಂತೆ ಅಪ್ಲಿಕೇಶನ್‌ನ ತಾಂತ್ರಿಕ ಅಂಶಗಳ ಬಗ್ಗೆ ನನಗೆ ಏನೂ ಗೊತ್ತಾಗುತ್ತಿರಲಿಲ್ಲ ಅವನ್ನೆಲ್ಲ ಮಾಹಿತಿ ತಂತ್ರಜ್ಞಾನ ವಿಭಾಗದ ರಿಯಾನ್ ಥೋರ್ಪ್ ನೋಡಿಕೊಳ್ಳುತ್ತಿದ್ದರು ಎಂದಿದ್ದಾರೆ. ಕುಂದ್ರಾ , ಸೌರಭ್ ಕುಶ್ವಾಗೆ ಕಳಿಸಿರುವ ಒಂದು ಇಮೇಲ್‌ನಲ್ಲಿ ತಾನು ಸಂಸ್ಥೆಯ ಮೇಲೆ ಇರುವ ಎಲ್ಲ ಸಾಲವನ್ನು ತೀರಿಸುತ್ತೇನೆ ಆದರೆ ನಿನ್ನ ಪಾಲುದಾರಿಕೆಯನ್ನು ಬಿಟ್ಟುಕೊಟ್ಟರೆ ಮಾತ್ರ ಎಂದಿದ್ದಾರೆ. ಆದರೆ ಸೌರಭ್ ಪಾಲುದಾರಿಕೆ ಬಿಟ್ಟುಕೊಟ್ಟಿಲ್ಲ. ಸಂಸ್ಥೆ ಮೇಲೆ 17 ಲಕ್ಷ ಸಾಲ ಇತ್ತು.

ಸೌರಭ್ ಹಾಗೂ ರಾಜ್ ಕುಂದ್ರಾ ನಡುವೆ ಇ-ಮೇಲ್ ವಿನಿಮಯ

ಮತ್ತೊಂದು ಇ-ಮೇಲ್‌ನಲ್ಲಿ ಸೌರಭ್ ಹಾಗೂ ರಾಜ್ ಕುಂದ್ರಾ ನಡುವೆ ಲಾಭದ ಹಂಚಿಕೆಯಲ್ಲಿ ಯಾವುದೇ ತಕರಾರು ಇರಲಿಲ್ಲ. ಇಬ್ಬರೂ ಪರಸ್ಪರ ಒಪ್ಪಿಗೆಯ ಮೇರೆಗೆ ಒಪ್ಪಿತ ರೀತಿಯಲ್ಲಿ ಲಾಭ ಹಂಚಿಕೆ ಮಾಡಿಕೊಳ್ಳುತ್ತಿದ್ದರು ಅಲ್ಲದೆ ಹಾಟ್‌ಶಾಟ್ಸ್‌ ಕೆನ್‌ರಿನ್ ಮಾರಾಟವಾದ ಬಳಿಕ ಬಂದ ಹಣವನ್ನು ಸಹ ಸೂಕ್ತವಾಗಿ ಹಂಚಿಕೊಂಡಿರುವುದು ಎಂಬುದು ಬೆಳಕಿಗೆ ಬಂದಿದೆ. ಹಾಟ್‌ಶಾಟ್ಸ್‌ನಿಂದ ಬರುತ್ತಿರುವ ಲಾಭವು ಲಂಡನ್‌ಗೆ ಹೋಗುತ್ತಿರುವ ಬಗ್ಗೆ ಸೌರಭ್‌ಗೂ ಗೊತ್ತಿತ್ತು ಎಂದು ಪೊಲೀಸರು ಸಲ್ಲಿಸಿರುವ ದೋಷಾರೋಪ ಪಟ್ಟಿಯಲ್ಲಿ ಹೇಳಲಾಗಿದೆ.

ರಾಜ್ ಕುಂದ್ರಾ ಮೇಲೆ ಇನ್ನಷ್ಟು ಕೇಸುಗಳು

ಹಾಟ್‌ಶಾಟ್ಸ್‌ನಿಂದ ಬಂದ ಲಾಭವನ್ನು ಲಂಡನ್‌ಗೆ ವರ್ಗಾವಣೆ ಮಾಡಿರುವುದು ಹಣದ ಅಕ್ರಮ ವರ್ಗಾವಣೆ ಆಗಿದ್ದು ಆ ಕುರಿತಾಗಿ ಜಾರಿ ನಿರ್ದೇಶನಾಲಯ ಹಾಗೂ ಐಟಿ ಸಂಸ್ಥೆಗಳು ಸಹ ರಾಜ್ ಕುಂದ್ರಾ ವಿರುದ್ಧ ದೂರು ದಾಖಲಿಸುವ ಸಾಧ್ಯತೆ ಇದೆ. ಈಗಾಗಲೇ ಮುಂಬೈ ಪೊಲೀಸರು ಆದಾಯ ತೆರಿಗೆ ಇಲಾಖೆಯ ನೆರವಿನೊಂದಿಗೆ ರಾಜ್ ಕುಂದ್ರಾದ ಖಾಸಗಿ ಖಾತೆ ಹಾಗೂ ಅವರ ಆರ್ಮ್ಸ್ ಪ್ರೈಂ ಲಿಮಿಟೆಡ್‌ ಹಾಗೂ ವಿಯಾನ್ ಎಂಟರ್‌ಪ್ರೈಸಸ್ ಸಂಸ್ಥೆಗಳ ಆಡಿಟ್ ಮಾಡಿಸಿದ್ದು ಇನ್ನಷ್ಟು ವಿಷಯಗಳು ಮುಂದಿನ ದಿನಗಳಲ್ಲಿ ಹೊರಬೀಳಲಿವೆ.