ಕೊನೆಗೂ ಪ್ರೀತಿ ವಿಚಾರ ಬಿಚ್ಚಿಟ್ಟ ನಟ ರಣ್ಬೀರ್ ಕಪೂರ್

ಲಾಕ್ ಡೌನ್ ನಲ್ಲಿ ಒಟ್ಟಿಗೆ ಸಮಯ ಕಳೆದಿದ್ದ ಜೋಡಿ

ಲಾಕ್ ಡೌನ್ ಸಮಯದಲ್ಲಿ ಇಬ್ಬರು ಒಟ್ಟಿಗೆ ಸಿನಿಮಾ, ಟವಿ ಶೋಗಳನ್ನು ನೋಡುತ್ತಿದ್ದೆವು ಎಂದು ಹೇಳಿದ್ದಾರೆ. ನನ್ನ ಗರ್ಲ್ ಫ್ರೆಂಡ್ ಅಲಿಯಾ ಸಾಕಷ್ಟು ಆನ್ ಲೈನ್ ತರಗತಿಗಳನ್ನು ತೆಗೆದುಕೊಂಡಿದ್ದಾರೆ. ಗಿಟಾರ್, ಚಿತ್ರಕಥೆ ಬರೆಯುವುದು ಸೇರಿದಂತೆ ಅನೇಕ ತರಗತಿಗಳನ್ನು ತೆಗೆದುಕೊಂಡಿದ್ದಳು. ಆದರೆ ನಾನು ಯಾವಾಗಲೂ ಅವಳ ಪಕ್ಕದಲ್ಲಿ ಏನು ಸಾಧನೆ ಮಾಡದ ವ್ಯಕ್ತಿಯ ಹಾಗೆ ಕಾಣಿಸುತ್ತೇನೆ ಎಂದು ಹೇಳಿದ್ದಾರೆ.

ಸದ್ಯದಲ್ಲೇ ಮದುವೆ ಎಂದ ರಣ್ಬೀರ್

ಇನ್ನು ಶೀಘ್ರದಲ್ಲೇ ಮದುವೆ ಆಗುವ ಪ್ಲಾನ್ ಇದೆ ಎಂದು ಹೇಳುವ ಮೂಲಕ ಮುಂದಿನ ವರ್ಷ ಹಸೆಮಣೆ ಏರುವ ಬಗ್ಗೆ ಸುಳಿವು ನೀಡಿದ್ದಾರೆ. ರಣ್ಬೀರ್ ಮತ್ತು ಅಲಿಯಾ ಇಬ್ಬರೂ ಪ್ರತಿಯೊಂದು ಕಾರ್ಯಕ್ರಮಗಳಲ್ಲೂ ಒಟ್ಟಿಗೆ ಕಾಣಿಸಿಕೊಳ್ಳುತ್ತಾರೆ. ವಿದೇಶಿ ಪ್ರವಾಸ ಅಂತ ಆಗಾಗ ಜಾಲಿ ಟ್ರಿಪ್ ಎಂಜಾಯ್ ಮಾಡುತ್ತಿದ್ದಾರೆ. ಇತ್ತೀಚಿಗಷ್ಟೆ ಈ ಜೋಡಿ ಗೋವಾ ಪ್ರವಾಸಮುಗಿಸಿ ವಾಪಸ್ ಆಗಿದ್ದಾರೆ.

ಮೊದಲ ಬಾರಿಗೆ ಪ್ರೀತಿ ವಿಚಾರ ಬಿಚ್ಚಿಟ್ಟ ರಣ್ಬೀರ್

ಲಾಕ್ ಡೌನ್ ಸಮಯದಲ್ಲಿ ಅಲಿಯಾ ಮತ್ತು ರಣಬೀರ್ ಇಬ್ಬರು ಒಟ್ಟಿಗೆ ಕಾಲಕಳೆದಿದ್ದಾರೆ. ಇಬ್ಬರ ನಡುವೆ ಸ್ನೇಹಕ್ಕಿಂತ ಮಿಗಿಲಾದ ಸಂಬಂಧವಿದೆ ಎಂಬುದು ಗೊತ್ತಿದ್ದರೂ, ತಮ್ಮ, ಸಂಬಂಧದ ಬಗ್ಗೆ ಎಲ್ಲಿಯೂ ಮಾತನಾಡಿರಲಿಲ್ಲ. ಆದರೀಗ ಮೊದಲ ಬಾರಿಗೆ ಪ್ರೀತಿ ವಿಚಾರ ಬಾಯಿ ಬಿಟ್ಟಿದ್ದಾರೆ. ಇತ್ತೀಚಿಗಷ್ಟೆ ಅಲಿಯಾ ಹೊಸ ಮನೆ ಖರೀದಿ ಮಾಡಿ ಸುದ್ದಿಯಾಗಿದ್ದರು.

Recommended Video

ಜೈಲಿನಿಂದ ಆಸ್ಪತ್ರೆಗೆ ಶಿಫ್ಟ್ ಆದ ರಾಗಿಣಿ | Ragini Hospitalised | Filmibeat Kannada

32 ಕೋಟಿ ರೂ. ಮನೆ ಖರೀದಿ ಮಾಡಿರುವ ಅಲಿಯಾ

32 ಕೋಟಿ ರೂ. ಬೆಲೆಬಾಳುವ ಮನೆಯನ್ನು ರಣ್ಬೀರ್ ಕಪೂರ್ ಇರುವ ಅಪಾರ್ಟ್ಮೆಂಟ್ ನ ಬಿಲ್ಡಿಂಗ್ ನಲ್ಲಿಯೇ ಖರೀದಿಸಿದ್ದಾರೆ. ಸದ್ಯ ಇಬ್ಬರು ಬ್ರಹ್ಮಾಸ್ತ್ರ್ ಚಿತ್ರದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. ಈ ಸಿನಿಮಾದ ಚಿತ್ರೀಕರಣ ಮುಗಿದಿದ್ದು, ರಿಲೀಸ್ ಗೆ ರೆಡಿಯಾಗುತ್ತಿದೆ. ಮುಂದಿನ ವರ್ಷ ಸಿನಿಮಾ ತೆರೆಗೆ ಬರುವ ಸಾಧ್ಯತೆ ಇದೆ.