twitter
    For Quick Alerts
    ALLOW NOTIFICATIONS  
    For Daily Alerts

    8 ದಿನಗಳಲ್ಲಿ ಬ್ರಹ್ಮಾಸ್ತ್ರ ಗಳಿಸಿದೆಷ್ಟು..? ಎಂಟನೇ ದಿನ ಹಠಾತ್ ಏರಿಕೆ!​

    |

    ಬಾಲಿವುಡ್​ನ ಕ್ಯೂಟ್​​ ಜೋಡಿ ರಣಬೀರ್​ ಕಪೂರ್​​ ಹಾಗೂ ಆಲಿಯಾ ಭಟ್​ ಮೊದಲ ಬಾರಿಗೆ ಜೊತೆಯಾಗಿದ್ದ ನಟಿಸಿದ್ದ 'ಬ್ರಹ್ಮಾಸ್ತ್ರ' ಚಿತ್ರ ನಿರೀಕ್ಷೆಗೂ ಮೀರಿ ಯಶಸ್ಸುಗಳಿಸಿದೆ. ಬಾಕ್ಸ್​ ಆಫೀಸ್​ನಲ್ಲೂ 'ಬ್ರಹ್ಮಾಸ್ತ್ರ' ಚಿತ್ರ ಸದ್ದು ಮಾಡುತ್ತಿದೆ. ಅತಿ ಹೆಚ್ಚು ಬಾಕ್ಸ್​ ಆಫೀಸ್​ ಕಲೆಕ್ಷನ್​ ಮಾಡಿರುವ ಚಿತ್ರಗಳ ಪಟ್ಟಿಗೆ ಬ್ರಹ್ಮಾಸ್ತ್ರವೂ ಸೇರಿಕೊಂಡಿದ್ದು, ಎರಡನೇ ಸ್ಥಾನದಲ್ಲಿದೆ. ಈ ಮೂಲಕ ಬಾಲಿವುಡ್​ ಚಿತ್ರರಂಗದಲ್ಲಿ ಹೊಸ ಮೈಲಿಗಲ್ಲು ಸೃಷ್ಟಿಸುವಲ್ಲಿ 'ಬ್ರಹಾಸ್ತ್ರ' ಯಶಸ್ವಿಯಾಗಿದೆ.

    ಕರಣ್​ ಜೋಹರ್​ ನಿರ್ಮಾಣದ 'ಬ್ರಹ್ಮಾಸ್ತ್ರ' ಚಿತ್ರ ಕಳೆದ ಶುಕ್ರವಾರ(ಸೆಪ್ಟೆಂಬರ್​ 9) ರಂದು ವಿಶ್ವದಾದ್ಯಂತ ತೆರೆಕಂಡಿತ್ತು. ಹಿಂದಿ ಭಾಷೆಯಲ್ಲಿ ಚಿತ್ರೀಕರಣ 'ಬ್ರಹ್ಮಾಸ್ತ್ರ' ಚಿತ್ರ ಕನ್ನಡ, ತಮಿಳು, ತೆಲುಗು ಹಾಗೂ ಮಲಯಾಳಂ ಭಾಷೆಗೆ ಡಬ್​ ಆಗಿತ್ತು. ಎಲ್ಲಾ ಭಾಷೆಗಳಲ್ಲೂ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿರುವ ಚಿತ್ರ ಬಾಕ್ಸ್​ ಆಫೀಸ್​ನಲ್ಲಿ ಮೊದಲ ವೀಕೆಂಡ್​ನಲ್ಲಿ ₹225 ಕೋಟಿ ದೋಚಿಕೊಂಡಿತ್ತು.

    ಮೊದಲ ಮೂರು ದಿನ ಹೌಸ್​ಫುಲ್​ ಪ್ರದರ್ಶನಗೊಂಡು ಬಾಕ್ಸ್​ ಆಫೀಸ್​ನಲ್ಲಿ ಸದ್ದು ಮಾಡಿದ್ದ 'ಬ್ರಹ್ಮಾಸ್ತ್ರ' ವಿಶ್ವದಾದ್ಯಂತ ಮೊದಲ ದಿನ(ಸಪ್ಟೆಂಬರ್​ 9) ₹75 ಕೋಟಿ ಗಳಿಸಿದ್ದ ಚಿತ್ರ, ಶನಿವಾರ(ಸಪ್ಟೆಂಬರ್​ 10) ₹85 ಕೋಟಿ ಹಾಗೂ ಭಾನುವಾರ(ಸಪ್ಟೆಂಬರ್​ 11) 65 ಕೋಟಿ ರೂಪಾಯಿ ಗಳಿಸಿತ್ತು. ಬಳಿಕ ವಾರದ ದಿನಗಳಲ್ಲಿ ಬ್ರಹ್ಮಾಸ್ತ್ರ ಬಾಕ್ಸ್​ ಆಫೀಸ್​ ಕಲೆಕ್ಷನ್​ನಲ್ಲಿ ಇಳಿಕೆ ಕಂಡಿದ್ದು, ವಾರಾಂತ್ಯದಲ್ಲಿ ಒಟ್ಟು ₹300 ಕೋಟಿ ಗಳಿಸಿದೆ.

    8 ದಿನಗಳಲ್ಲಿ ಬ್ರಹ್ಮಾಸ್ತ್ರ ಗಳಿಸಿದೆಷ್ಟು..?

    8 ದಿನಗಳಲ್ಲಿ ಬ್ರಹ್ಮಾಸ್ತ್ರ ಗಳಿಸಿದೆಷ್ಟು..?

    ವಿಶ್ವದಾದ್ಯಂತ ತೆರೆ ಕಂಡಿದ್ದ ಬ್ರಹ್ಮಾಸ್ತ್ರ ಚಿತ್ರ ಸದ್ಯ ಬಾಕ್ಸ್​ ಆಫೀಸ್​ನಲ್ಲಿ 300 ಕೋಟಿ ಬಾಚಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಈ ಪೈಕಿ ಕೇವಲ ಭಾರತದಲ್ಲಿಯೇ ಚಿತ್ರ ₹183.52 ಕೋಟಿ ಗಳಿಸಿದೆ ಎಂದು ಅಂದಾಜಿಸಲಾಗಿದೆ. ಐದು ಭಾಷೆಗಳಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆದಿರುವ ಬ್ರಹ್ಮಾಸ್ತ್ರ ಚಿತ್ರ ಭಾರತದ ಚಿತ್ರಮಂದಿರಗಳಲ್ಲಿ ಗಳಿಸಿದ ಬಾಕ್ಸ್​ ಆಫೀಸ್​ ಕಲೆಕ್ಷನ್​ ಈ ಕೆಳಗಿನಂತಿದೆ.

    ಮೊದಲ ದಿನ (ಸಪ್ಟೆಂಬರ್ 9)- 36.42 ಕೋಟಿ ರೂ.
    ಎರಡನೇ ದಿನ (ಸಪ್ಟೆಂಬರ್ 10)-42.41 ಕೋಟಿ ರೂ.
    ಮೂರನೇ ದಿನ (ಸಪ್ಟೆಂಬರ್ 11)-45.66 ಕೋಟಿ ರೂ.
    ನಾಲ್ಕನೇ ದಿನ (ಸಪ್ಟೆಂಬರ್ 12)-16.50 ಕೋಟಿ ರೂ.
    ಐದನೇ ದಿನ (ಸಪ್ಟೆಂಬರ್ 13)-12.68 ಕೋಟಿ ರೂ.
    ಆರನೇ ದಿನ (ಸಪ್ಟೆಂಬರ್ 14)-10.53 ಕೋಟಿ ರೂ.
    ಏಳನೇ ದಿನ (ಸಪ್ಟೆಂಬರ್ 15)-9.02 ಕೋಟಿ ರೂ.
    ಎಂಟನೇ ದಿನ (ಸಪ್ಟೆಂಬರ್ 16)-10.30 ಕೋಟಿ ರೂ ಗಳಿಸಿದೆ ಎಂದು ಅಂದಾಜಿಸಲಾಗಿದೆ.

     ವೀಕೆಂಡ್​ನಲ್ಲಿ ಮತ್ತೆ ಸದ್ದು ಮಾಡುತ್ತಾ ಬ್ರಹ್ಮಾಸ್ತ್ರ

    ವೀಕೆಂಡ್​ನಲ್ಲಿ ಮತ್ತೆ ಸದ್ದು ಮಾಡುತ್ತಾ ಬ್ರಹ್ಮಾಸ್ತ್ರ

    ಮೊದಲ ಮೂರು ದಿನಗಳಲ್ಲಿ ಭರ್ಜರಿ ಏರಿಕೆ ಕಂಡಿದ್ದ 'ಬ್ರಹ್ಮಾಸ್ತ್ರ' ಚಿತ್ರದ ಕಲೆಕ್ಷನ್​ ವಾರದಲ್ಲಿ ಗಣನೀಯ ಇಳಿಕೆಕಂಡಿದೆ. ಚಿತ್ರ ತೆರೆಕಂಡ ಮೊದಲ ಸೋಮವಾರ 16.50 ಕೋಟಿ ರೂ ಗಳಿಸಿದ್ದ ಬ್ರಹ್ಮಾಸ್ತ್ರ ಒಂದು ವಾರ ಪೂರ್ಣಗೊಳ್ಳುವ ಹೊತ್ತಿಗೆ ಅಂದಾಜು 10 ಕೋಟಿಗೆ ಬಂದು ನಿಂತಿದೆ. ಇನ್ನು ವೀಕೆಂಡ್​ಗಳಲ್ಲಿ ಚಿತ್ರ ಎಷ್ಟರ ಮಟ್ಟಿಗೆ ಬಾಕ್ಸ್​ ಆಫೀಸ್ ಕಲೆಕ್ಷನ್​ ಮಾಡಲಿದೆ ಎಂದು ಕಾದು ನೋಡಬೇಕಿದೆ.​

     ನಿರ್ಮಾಪಕರ ಕೈ ಹಿಡಿದ ಪ್ರೇಕ್ಷಕ ಪ್ರಭು

    ನಿರ್ಮಾಪಕರ ಕೈ ಹಿಡಿದ ಪ್ರೇಕ್ಷಕ ಪ್ರಭು

    ಬ್ರಹ್ಮಾಸ್ತ್ರ ಚಿತ್ರ ತೆರೆ ಕಾಣುವ ಮುನ್ನವೇ ಭಾರೀ ವಿವಾದಕ್ಕೆ ಕಾರಣವಾಗಿತ್ತು. ಚಿತ್ರದ ನಾಯಕ ರಣಬೀರ್​ ಕಪೂರ್​ ಅವರ ಗೋಮಾಂಸದ ಕುರಿತು ಹೇಳಿಕೆ ಚಿತ್ರಕ್ಕೆ ಬಾಯ್ಕಾಟ್​ ಬಿಸಿ ತಟ್ಟುವಂತೆ ಮಾಡಿತ್ತು. ಸೋಶಿಯಲ್​ ಮೀಡಿಯಾಗಳಲ್ಲಿ ಬಾಯ್ಕಾಟ್ ಬ್ರಹ್ಮಾಸ್ತ್ರ ಅಭಿಯಾನ ಕೂಡ ನಡೆದಿದ್ದು, ಇದೆಲ್ಲವನ್ನೂ ಮೀರಿ ಚಿತ್ರ ಯಶಸ್ಸುಗಳಿಸಿದೆ. 410 ಕೋಟಿ ರೂಪಾಯಿ ಬಜೆಟ್​ನಲ್ಲಿ ತಯಾರಾದ ಬ್ರಹ್ಮಾಸ್ತ್ರ ಚಿತ್ರ ಮೊದಲ ವಾರದಲ್ಲೇ ಶೇ.75 ರಷ್ಟು ಬಂಡವಾಳವನ್ನು ಗಳಿಸುವಲ್ಲಿ ಯಶಸ್ವಿಯಾಗಿದೆ.

     ಸೌತ್​ನಲ್ಲಿ ಚಿತ್ರಗೆಲ್ಲಲು ಕಾರಣರಾದ್ರ ಬಾಹುಬಲಿ ನಿರ್ದೇಶಕ

    ಸೌತ್​ನಲ್ಲಿ ಚಿತ್ರಗೆಲ್ಲಲು ಕಾರಣರಾದ್ರ ಬಾಹುಬಲಿ ನಿರ್ದೇಶಕ

    ಬಾಯ್ಕಾಟ್​ ಅಭಿಯಾನದಿಂದ ಬೇಸರಗೊಂಡಿದ್ದ ಬ್ರಹ್ಮಾಸ್ತ್ರ ಚಿತ್ರತಂಡ ಚಿತ್ರವನ್ನು ಗೆಲ್ಲಿಸಲೇ ಬೇಕು ಎನ್ನುವ ಹಠದಲ್ಲಿ ಒಂದು ತಿಂಗಳುಗಳ ಕಾಲ ಚಿತ್ರದ ಪ್ರಚಾರ ನಡೆಸಿದ್ದರು. ಬ್ರಹ್ಮಾಸ್ತ್ರ ಚಿತ್ರತಂಡದ ಜೊತೆ ದಕ್ಷಿಣ ಭಾರತದ ಖ್ಯಾತ ನಿರ್ದೇಶಕ ರಾಜಮೌಳಿ ಕೂಡ ​ಕೈ ಜೋಡಿಸಿದ್ದು, ಚಿತ್ರದ ಪರ ಭರ್ಜರಿ ಪ್ರಚಾರ ನಡೆಸಿದ್ದರು. ಬ್ರಹ್ಮಾಸ್ತ್ರ ಚಿತ್ರದ ಇದು ಕೂಡ ಕಾರಣ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.

    English summary
    Bhrahmastra Hindi movie day 8 box office collection. Ranabir Kapoor- Alia Bhatt's film witness jump.
    Saturday, September 17, 2022, 11:41
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X